1 Samuéu 2:26 - ꞌRe Ihâimana Uꞌâsi Mono Zadawa Wasuꞌu

²⁶ Tawamhã 'watébrémi Samuéu hã simiza'rese si'réi mono sidâpâsi ma tô da te dasiwi 're wẽsãmri. Duré Uburé Danhib'apito zama ma tô te te 're wẽsãmri.

1 Samuéu 2:26 ပူးပေါင်းရင်းမြစ်များ

Zenezi 39:4

Ãne zarina ma tô Zuzé, isib'ihâ'a hã wẽsã. Tahawa, ma tô pisutu, õhõ ma si ipawapto'wa na 're hâimana mono da. Isõrõwa te te 're 'madâ'â mono da, duré uburé isimarĩ hã te te tãma 're ab'madâ'â mono da ma tô tãma tisõ, isib'rata.

Provébiu 3:3

Asimizawizé hã, duré dama ai'umnhasizé hã 're rẽme mono õ di za. Te za õne u'â aipẽ'ẽ na asima 're itété u'âsi mo.

Provébiu 3:4

Ãne hã 're 'manharĩ mono wamhã, te za 'Re ihâimana u'âsi mono ma, sa'ẽtẽ na asina tãma 're irowẽ zani mo. Duré ti'ai ãma zama te za asina dama 're irowẽ zani mo. Te za duré da te dasima 're aiwasu'u wẽ za'ra.

Luca 1:80

Tawamhã 'watébrémi hã ma tô tiprédu. Duré ihâiba hã siptete di, prédu wamhã. Tiwasété wi 're siptete mono wa, 're morĩ wẽ di. A'ubuni wi, te ãhã wamhã oto 're sãmra. Bâdâ iwa waptã'ã wapsi, te za datẽme 're mo, te te dama 're sadawa wasu'u mono da, Izaraéu nhihudu norĩ ma hã.

Luca 2:40

Tawamhã ma tô tiprédu, 'watébrémi hã. Hâiba nhiptete di oto. Isimiroti hã wẽ uptabi di duré. 'Re ihâimana u'âsi mono te te 're pawapto mono wa, wẽ uptabi di, isimiroti hã.

Luca 2:52

Tawamhã ma tô oto tiprédu, Zezusi hã. Isimiroti hã wẽ uptabi di. Wẽ na 're morĩ wa, ma tô wẽsã, 'Re ihâimana u'âsi mono hã. Isiré zudeu norĩ hã ma tô duré wẽsãmri za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 2:47

'Re ihâimana u'âsi mono ãma te duré siré ãma 're wata za'ra, uburé isõprubzém na hã. Tawamhã aihĩni, ma tô isazei'wa norĩ hã wẽsãmri za'ra ni. Tawamhã awẽ sidâpâsi, ma tô isazeté'wa dasina hã tahâ'â ni, 'Re ihâimana u'âsi mono hã rowasété hawi te te 're i'anho'reptui mono norĩ hã.

Roma 14:18

Ãne na ni'wam norĩ hã Cristuhu ma, te te 're romhuri wẽ za'ra mono wamhã, 'Re ihâimana u'âsi mono ma, te za te te sina 're rowẽ zani za'ra, uburé 're ihâimana wẽ za'ra mono zém na. Tawamhã te za duré da te 're wẽsãmri za'ra, ti'ai ãma ré.

Zuize 13:24

Tawamhã Manoaha mro zé're hawimhã oto ai'uté poto wamhã, ma tô sisi 'watébrémi hã Sãsã na. Duré 'watébrémi oto prédu wamhã, ma tô Uburé Danhib'apito iwẽ na hã te te 're pawapto.

1 Samuéu 2:21

Tawamhã Uburé Danhib'apito hã ma tô duré pawapto iwẽ na, Ãna hã. Tahawa, ma tô si'ubdatõ i'ra si'aibâ tãma tipoto za'ra, duré maparane pi'õ hã. Tawamhã taha ré ma tô 'watébrémi Samuéu hã oto tiprédu, Uburé Danhib'apito ma, te te 're romhuri mono ré.

1 Samuéu 3:19

Tawamhã Samuéu hã ma tô oto tiprédu. Prédu wamhã, ma tô Uburé Danhib'apito hã ime 're hâimana. Uburé marĩ hã te te 're ab'manharĩ mono da, te te tãma inharĩzéb zarina, ma tô ãma uwaimra, 'Re ihâimana u'âsi mono hã.