1 Samuéu 2:25 - ꞌRe Ihâimana Uꞌâsi Mono Zadawa Wasuꞌu

²⁵ Ni'wa hã tisiré hâiba amo da, wasété wamhã, te za Uburé Danhib'apito hã mreme wapto. Tane nherẽ, oto ni'wa hã 'Re ihâimana u'âsi mono zada hâimana wamhã, ni'wa te te mreme wapto waihu'u õ di. Tane nherẽ, Erihi 'ra norĩ hã timama te te wapari zahuré õ di. E marĩ wa. Uburé Danhib'apito hã te te ãma sima rowairébé zahuré wa aré, te te ipãrĩ da hã.

1 Samuéu 2:25 ပူးပေါင်းရင်းမြစ်များ

Zenezi 38:10

Tawamhã Uburé Danhib'apito, Ona nasi te te i'manharĩzé hã ma tô wẽ'õ pese. Tahawa taha zama ma tô tiwĩ.

Zenezi 38:7

Tane nherẽ, Uburé Danhib'apito, Er hâimana wasété zé hã te te tãma rowẽ õ di. Tahawa ma tô tiwĩ.

Salmu 51:16

A hã asima 're wẽ mono õ di, danhimizama zata na aima 're ĩnhopru mono da hã. Asima wẽ 'wa'âhã, wa aré tô ãma aima 're ĩnhopru.

Salmu 51:4

Aiwi wa tô ĩwasédé hã 'manha, tô aiwi si. Aima iwẽ'õ hã wa tô 'manha. Tahawa, tô ibâre ma tô niha hã ĩ'ãma iwaihu, taha zarina niha na ĩma irob'manharĩ da hã.

Provébiu 13:1

Da'ra i'rãi waihu'u wẽ hã te za timama nhimiroti hã te te sina 're uzei pese. Tane nherẽ, uburé da'ãma 're iwa'ẽ za'ra mono norĩ hã marĩ na te te 're i'upa za'ra mono zé hã te te sina 're iwapari za'ra mono da hã mare di.

Provébiu 15:10

Ni'wa hã bâdâdi iwẽ te te rẽme zahi wamhã, te za rob'manharĩ pipa zé hã sitẽme ãwisi. Duré ni'wa tihâimanazé pese zé hã te te sina 're uzei mono õ wamhã, te za duré dârâ.

Provébiu 29:1

Ni'wa marĩ na te te 're i'upai mono zém na nasi da te tãma pẽtẽ nherẽ, pẽ'ẽ tete na dawi 're hâimana u'âsi mono wamhã, te za siwa'ru bâtâ na po're pu'u õ pese na ropipa hã sô wi.

1 Timotiu 2:5

Misire hâiwa ãma 're ihâimana mono si, uburé Danhib'apito uptabi hã. Misire da'ãwisi wẽ 'wa Wamama u hã. Ta hã Cristu Zezusi, aibâ na 're ihâimana mono.

Hebreu 10:26

Ni'wam norĩ hã Cristuhu wasu'uwẽ, sena na 'râwi te te sina 're waihu'u pese za'ra mono nherẽ, duré te te sima 're iwẽ za'ra mono zéb zarina, 're ihâimana wasété 'rata za'ra mono zém na si 're hâimana u'âsi za'ra mono wamhã, marĩ hã 're 'maihâimana mono õ di, ta norĩ da hã, iwasédé te te tãma 're ipari za'ra mono zéb da hã, ta norĩ ma.

Hebreu 10:27

Ta norĩ hã 'Re ihâimana u'âsi mono zada, 're hâimana za'ra mono wa, te za 'Re ihâimana u'âsi mono hã uprosi unhama ro'o za'ẽtẽ na, te te siwi 're iwẽ'õ pese za'ra mono norĩ hã. Tahawa, te za ta norĩ hã sina pahi na sina 're simipari za'ra oto.

Hebreu 7:25

Tahawa, te te 're da'anho'reptui waihu'u pese mono di ta hã, da te dasina 're i'umnhasi za'ra mono zéb zarina, 'râwi dapẽ'ẽ 're itẽme 're idasihutu mono norĩ hã, 'Re ihâimana u'âsi mono u. 'Re ihâimana u'âsi mono ma, da'ãma 're mreme mono da, dama 're hâimana u'âsi mono wa, te te 're da'anho'reptui waihu'u pese mono di, ta hã oto.

Zozué 11:20

Uburé Danhib'apito, ã hã 'ri nho'õmo norĩ 're, 're ihâimana za'ra mono ma hã ma tô tãma 'manharĩ za'ra, pẽ'ẽ tete na Izaraéu nhihudu norĩ te te 'wapé za'ra da, duré taha zarina uburé ta norĩ hã si'utõrĩ da, ãma pẽ'ẽzé za'ra ãna, duré ãma siwamri za'ra ãna, ãne na Uburé Danhib'apito, Mozésihi ma, te te iwaihu'uzéb zarina.

1 Samuéu 3:14

Tahawa, sena na wa tãma waihu'u za'ra, Eri norĩ ma hã i'ra norĩ hâiba na hã za niwamhã 'Re ihâimana u'âsi mono ma tinhoprubzém na hã tiwasédé te te sima ãma 're ipari waihu'u za'ra mono õ na hã.