1 Samuéu 2:17 - ꞌRe Ihâimana Uꞌâsi Mono Zadawa Wasuꞌu

¹⁷ Tawamhã ãne Erihi 'ra norĩ hã ma tô siwi te te 're wazéb'õ zahuré, Uburé Danhib'apito ma danhoprubzé da te 're i'ãwisi za'ra mono hã. Tahawa, Uburé Danhib'apito ma hã ai'reputu norĩ wasété zahuré zé hã pire uptabi di.

1 Samuéu 2:17 ပူးပေါင်းရင်းမြစ်များ

Zenezi 10:9

Ta hã Uburé Danhib'apito nhimipawaptobzéb zarina, ma tô aba'wa dama iwasu'u za'ẽtẽ na 're hâimana. Tahawa te dasima da te 're nharĩ za'ra, ãne: “Ma'ãpé, Nirodihi ne hã 're ai'maihâimana aba mono, Uburé Danhib'apito nhimipawaptobzéb zarina aba pese 'wa dama isa'ẽtẽ na hã.”

Zenezi 13:13

a'uwẽ wasété uptabi na si 're ihâimana za'ra mono ãma, tiwasété si 'Re ihâimana u'âsi mono zada, te te 're i'manharĩ za'ra mono zéb ãma.

Zenezi 6:11

Tane nherẽ, te 'Re ihâimana u'âsi mono tõmo nho'a, uburé dawasété na si daro mono bâ 're dahâimana za'ra. Tahawa, te uburé daza'rui mono na da te dasina 're rowamnarĩ u'âsi za'ra.

Salmu 51:4

Aiwi wa tô ĩwasédé hã 'manha, tô aiwi si. Aima iwẽ'õ hã wa tô 'manha. Tahawa, tô ibâre ma tô niha hã ĩ'ãma iwaihu, taha zarina niha na ĩma irob'manharĩ da hã.

Mateu 18:7

Danhimiroti wasété hawi 're dasi'marõpãrĩ u'âsi za'ra mono wa, taha wa, dama 're ropipa uptabi za'ra mono di za, daro mono bâ. Te za tô da te 're ĩrẽme za'ra. Tane nherẽ, tinhimiroti wasété hawi te te 're ida'marõpãrĩ za'ra mono norĩ ma si, danhipai u tãma 're ropipa uptabi za'ra mono di za.

1 Samuéu 2:16

Tawamhã duré aibâ hã ãne te te tãma ãma 're wa'rãmi mono wamhã: “A'â imorĩ'rata na te te zata romnhi wa hã. Taha parip si te za asima iwẽ na asima i'maiwaze za”, tawamhã sasedoti pawapto'wa ma tô ãne te te tãma 're anharĩ: “Mare di. Sõmri su'u, ta romnhi hã. Duré sõmri su'u õ wamhã, wa za ti'â, ĩnhiptete sina.”

1 Samuéu 3:13

Wa tô tãma tinha, za i'ra norĩ te 're i'ahâri u'âsi mono na hã. E marĩ wa. I'ra norĩ hã ĩhâiba na te te 're nharĩ wasété zahuré mono wa. Tawamhã ãne za te tãma i'manharĩ zahuré zé hã, Eri hã te te waihu'u pese di. Tane nherẽ, ti'ra norĩ wi te te sawi zahuré õ di, te te 're i'manharĩ wasété zahuré mono zé hã te te isahâri da hã.