1 Samuéu 2:16 - ꞌRe Ihâimana Uꞌâsi Mono Zadawa Wasuꞌu

¹⁶ Tawamhã duré aibâ hã ãne te te tãma ãma 're wa'rãmi mono wamhã: “A'â imorĩ'rata na te te zata romnhi wa hã. Taha parip si te za asima iwẽ na asima i'maiwaze za”, tawamhã sasedoti pawapto'wa ma tô ãne te te tãma 're anharĩ: “Mare di. Sõmri su'u, ta romnhi hã. Duré sõmri su'u õ wamhã, wa za ti'â, ĩnhiptete sina.”

1 Samuéu 2:16 ပူးပေါင်းရင်းမြစ်များ

Neemia 5:15

Ĩwana dama i'rãnho'õmo norĩ, ma tô ropire hã te te dama 're sõmri za'ra. Ma tô duré bâtâ sidâpâsi mreme tete na te te dawi 're waibu, ẽtẽ waipo prã prata 480 grama na ipire pibuzém na da te tãma ãma 're wa'âbâ za'ra mono da, dasa norĩ uiprazéb da hã duré uwa 'rãi wa'u isé uiprazéb da. Tãma romhuri'wa norĩ zama ma tô duré te te 're dawati za'ra. Tane nherẽ, wa hã wa tô romhâimanazé aimawi na tãma ãma romhâimana za'ra, 'Re ihâimana u'âsi mono hã, te 're wazé pese mono wa.

Zuize 18:25

Tawamhã Dãhã nhihudu aibâ norĩ, te ãne tãma nharĩ za'ra: — Wẽ di, aimreme na wa'upi za'ra tõ da hã. Ãnei õ wamhã, te za aibâ i'rãiwa'ro su'u norĩ hã asada tizahi pese za'ra wa'wa. Tawamhã te za ta norĩ airési za'ra wa'wa za. Ãne wamhã, te za duré uburé asib'a'uwẽ norĩ me hã ai'utõrĩ 'wa.

1 Samuéu 2:15

Tawamhã romnhi wa, te te 're sazari mono wana ré hã, duré te te 're zata za'ra mono õ ré hã, ma tô sasedoti Erihi 'ra norĩ hã te te tãma 're 'ru zahuré, sasedoti pawapto'wai ma hã, tinhoprubzé te te izata ma, te te tãma 're nharĩ za'ra mono da, ãne: “Ma'ãpé we ĩma sõmri, inhi wa'õno hã sasedoti te te isebre da hã. Ta hã te te sima wẽ õ di za, isebre siro hã. Inhi tép si te za sima wẽ.”

1 Samuéu 2:17

Tawamhã ãne Erihi 'ra norĩ hã ma tô siwi te te 're wazéb'õ zahuré, Uburé Danhib'apito ma danhoprubzé da te 're i'ãwisi za'ra mono hã. Tahawa, Uburé Danhib'apito ma hã ai'reputu norĩ wasété zahuré zé hã pire uptabi di.