1 Samuéu 2:14 - ꞌRe Ihâimana Uꞌâsi Mono Zadawa Wasuꞌu

¹⁴ ma tô piza'a 're za'ẽtẽ wa, isihâ para hi za'ẽne hã te te sô 're za, romnhi zô. Tawamhã duré te te ãma 're isani za'ra mono hã tô sasedoti norĩ ma da hã. Tawamhã ãne ma tô Izaraéu nhihudu norĩ hã te te sima 're 'manharĩ u'âsi za'ra, Silo u 're nomro mono sidâpâsi hâiba pisutu, danhimizama zata na 'Re ihâimana u'âsi mono ma, 're sõprub za'ra mono da.

1 Samuéu 2:14 ပူးပေါင်းရင်းမြစ်များ

1 Samuéu 2:13

Ta norĩ hã te te 're 'madâ'â zahuré mono õ di, sasedoti norĩ nhimiromhurizém na roti hã te te duré dawi 're irowaptẽrẽ za'ra mono zém na hã. Tawamhã aibâ danhimizama zata na 'Re ihâimana u'âsi mono ma 're sõpru mono wamhã, ma tô sasedoti pawapto'wa hã 're ne, isihâparahi 'wa si'ubdatõ ré hã. Tawamhã romnhi hã 're sebre za'ra mono ré,

1 Samuéu 2:15

Tawamhã romnhi wa, te te 're sazari mono wana ré hã, duré te te 're zata za'ra mono õ ré hã, ma tô sasedoti Erihi 'ra norĩ hã te te tãma 're 'ru zahuré, sasedoti pawapto'wai ma hã, tinhoprubzé te te izata ma, te te tãma 're nharĩ za'ra mono da, ãne: “Ma'ãpé we ĩma sõmri, inhi wa'õno hã sasedoti te te isebre da hã. Ta hã te te sima wẽ õ di za, isebre siro hã. Inhi tép si te za sima wẽ.”

1 Samuéu 2:29

E marĩ da, ma tô ãne nherẽ, danhoprubzéb zô 're irob'ruiwapari za'ra wa'aba mo, wa hã te dama iwaihu'uzéb zarina danhoprubzé da te ĩma 're i'manharĩ za'ra mono zô. Eri, e marĩ da, te ai'ra norĩ hã iwazéb za'ra ĩnhipai u, taré hâipese za'ra da si. Ta norĩ hã ĩma danhoprubzé romnhi wa'õno danhipai u iwẽ uptabi si te te dawi 're huri mono nherẽ, a hã tiwi sawi za'ra õ di.