1 Samuéu 2:11 - ꞌRe Ihâimana Uꞌâsi Mono Zadawa Wasuꞌu

¹¹ Tawamhã ma tô oto mo Eucana hã apâ, Rama ãma tinhorõwa u hã. Tane nherẽ, te 'watébrémi Samuéu si nhamra isa'u, Silo ãma hã, Uburé Danhib'apito ma romhuri'wa na 're hâimana mono da, sasedoti Erihi pawapto'wa na.

1 Samuéu 2:11 ပူးပေါင်းရင်းမြစ်များ

1 Samuéu 1:1

Tawamhã aibâ te 're 'maihâimana, Efraĩhĩ nhihudu, Eucana na isisi 'ri nho'u Rama na isisi ãma 're ihâimana mono, Efraĩhĩ nhihudu norĩ nhipti'ai 'rã nho'õmo ãma hã, ẽtẽ 'rãihâ si 're iromhâimana mono ãma. Ta hã Zero'ãhã 'ra, Eri'uhu nhihudu, To'uhu 'ra nhihudu, duré Zupihi 'ra nhihudu 'ra.

1 Samuéu 1:19

Tawamhã awẽ bâtâ na ma tô Eucana norĩ hã ti'utu za'ra awẽ wi, duré ãma wata za'ra da, Uburé Danhib'apito ãma hã. Tawamhã ma tô apâ aihutu tinhorõwa Rama u hã. Eucana tame timro Ãnahã ãma ma tô oto ãma hâimana. Tahawa, Uburé Danhib'apito hã ma tô oto wapa, te te tiwi irowaptẽrẽzém na hã.

1 Samuéu 1:28

Tahawa, ãhã na awa'awi na hã wa hã wa za apâ tãma tisõ, Uburé Danhib'apito ma, ite da, ã hã 'watébrémi hã. Duré ti'ai ãma 're hâimana mono ré hã, ite hã za tô. Tawamhã tame ma tô oto ãma tiwata za'ra, 'Re ihâimana u'âsi mono ãma hã, imama norĩ hã.

1 Samuéu 2:18

Tawamhã Samuéu te oto te te 're romhuri, 'Re ihâimana u'âsi mono Uburé Danhib'apito ma hã. Tawamhã zahadu 'watébrémi nherẽ, ma tô 're si'uza, sasedoti norĩ si'uzazé ipanoi'õ abazi 'manharĩ na hã.

1 Samuéu 3:1

Tawamhã Samuéu hã zahadure nherẽ, ma tô Eri hã te te 're pawapto, 'Re ihâimana u'âsi mono Uburé Danhib'apito ma romhurizém na hã. Tawamhã tô taha bâtâ mono na Uburé Danhib'apito zadawa wasu'u hã suru na ma tô dama 're simasisi. Ma tô duré suru na marĩ hã da te 're 'madâ'â za'ra, danhotõ 'rowim ne.

1 Samuéu 3:15

Tawamhã ãne te te tãma nharĩ pari, ma tô oto nhono Samuéu hã, ãma i'awẽzéb u. Tawamhã ma tô oto udu. Utu wamhã, ma tô duré oto 'ridawa, 'ridawa za'ẽne hã romhâ 'manharĩ na 'ri iwazéb zahi u, 're idanhisisi mono zéb 'ridawa za'ẽne hã. Tawamhã duré pahi di, Erihi ma, te te tãma iwasu'u da hã, sõtõ 'rowim ne marĩ te te i'madâ'âzé hã.

1 Samuéu 7:17

Taha pari, ma tô apâ 're ne, 'rinho'u Rama ãma tinhorõwa u hã, duré tameb zama da'ãma rowairébé'wa na 're hâimana mono wa, Izaraéu nhihudu norĩ ma. Tawamhã Rama ãma ma tô Samuéu hã 'manha, Uburé Danhib'apito ma, danhoprubzé zatazé wedeza 'manharĩ hã.