1 Samuéu 19:7 - ꞌRe Ihâimana Uꞌâsi Mono Zadawa Wasuꞌu

⁷ Tawamhã Zonata ma tô oto sô hâ, Dawihi zô. Tahawa, ma tô uburé tãma wasu'u, imama te te tãma iwaihu'uzé hã. Tawamhã te te tãma rowasu'u pari, ma tô apâ saprõ Sauhu u hã. Tahawa, ma tô Dawi hã apâ te te tãma 're romhuri apito ma, iwana te te tãma 're iromhuri mono ne.

1 Samuéu 19:7 ပူးပေါင်းရင်းမြစ်များ

Zenezi 31:2

Tawamhã Zaco ma tô duré 'madâ'â waihu'u, Labã imorĩ'rata na isiwaihu'u na tãma ihâimana nei õ na isihâi'rézém na hã.

Ezodu 4:10

Tawamhã Mozési, ma te 'Re ihâimana u'âsi mono ãma sada'â ãne: — Ĩnhib'apito, tane ĩma iwaihu'u wana ré, niwamhã ĩmreme waihu'u pese na hã ãma ĩhâimana õ di. Wa hã ĩmreme tobre di, duré ĩmreme zani su'u õ di. Duré ĩmreme hã te 're sani mono wamhã, ĩmreme tété hâre di.

1 Samuéu 16:21

Tawamhã Dawi hã ma tô oto mo. Morĩ wamhã, ma tô nasi tãma romhu, Sauhu ma hã. Tahawa, Sauhu ma hã wẽ uptabi di Dawi hã. Tawamhã ma tô oto pisutu isi'wapézé hã te te tãma 're mrami mono da.

1 Samuéu 18:10

Tawamhã ãma awẽ wamhã, ma tô wa'uburé itẽme satõ, 'Re ihâimana u'âsi mono hã Sauhu wa, iwap sébré da. Tahawa, ma tô 'rãihaiwamna, 'ri paramhã. Dawi hã te ropta'a tinhipta'azém na hã, awẽ sidâpâsi te te nasi iropta'azém ne. Taha ré te Sau hã tinhib'rata na tété, isi'uwazi 'rã'wa hã.

1 Samuéu 18:13

Tahawa, ma tô Sau hã oto sihawi ai'ré, Dawi hã, miu na dasi'wapéi 'manharĩ'wa norĩ 'madâ'â'wa na si 're hâimana mono da oto. Tahawa, Dawi ma tô ite dasi'wapéi 'manharĩ'wa norĩ hã te te 're ab'madâ'â, dasi'wapéi wamhã.

1 Samuéu 18:2

Tawamhã taha hawim haré ma tô Sau hã te te 're 'madâ'â Dawi hã, isiré 're hâimana mono da oto, isõrõwa ãma. Timama nhorõwa u, apâ morĩ da hã, te te tãma waprosi õ di.

1 Samuéu 19:6

Tawamhã ãne te te tãma waihu'u wa, ma tô Sau ti'ra Zonataha mreme hã saze. Tahawa, ma tô ropisutu, Uburé Danhib'apito idâ'â'õ nhisi na, Dawi hã te te wĩrĩ tõ da.

1 Samuéu 19:8

Tawamhã dasi'wapé hã ma duré watobro, filisteu norĩ da hã. Tahawa, Dawi hã ma tô sô tiwatobro za'ra, te te 'wapé za'ra da. Tawamhã ma tô ãma ai'uté pese za'ra. Ma tô tãma sisa're, Dawihi ma hã.