1 Samuéu 19:6 - ꞌRe Ihâimana Uꞌâsi Mono Zadawa Wasuꞌu

⁶ Tawamhã ãne te te tãma waihu'u wa, ma tô Sau ti'ra Zonataha mreme hã saze. Tahawa, ma tô ropisutu, Uburé Danhib'apito idâ'â'õ nhisi na, Dawi hã te te wĩrĩ tõ da.

1 Samuéu 19:6 ပူးပေါင်းရင်းမြစ်များ

Provébiu 31:8

Ma'ãpé 're isipawapto waihu'u za'ra mono õ norĩ hã aimreme na 're a'upari wẽ mono. Duré romnhiwasi 're inomro mono norĩ 'wawimhã 're asimi'rãmi mono, i'uwaibaba na si tãma 're arowairébé mono da hã.

1 Samuéu 14:39

Ãhã na wa hã wa ropisutu, Wanhib'apito 'Re ihâimana u'âsi mono ma hã, Izaraéu nhihudu norĩ nho'reptui'wai ma hã marĩ 'manharĩ wasété 'wa hã te iwĩrĩ da hã. Tô ĩ'ra Zonata te te upai hã wamhã, wa za tô tiwĩ ta hã. Tane nherẽ, ni'wa hã te te ãma sada'âbâ õ di, ãne te te nharĩ wamhã.

1 Samuéu 19:5

Õ hã sĩrĩtĩ zawi õ di. Gulia simimnhasi nherẽ, ma tô tiwĩ. Tahawa, Wanhib'apito 'Re ihâimana u'âsi mono nhisi na ma tô ãma ai'uté, Izaraéu nhihudu norĩ te te anho'reptu da hã. Duré te te ãma ai'uté ré hã a hã ma tô asi'uihâ na i'madâ. Tahawa, aima rowẽ di. Ĩmama, e marĩ wa, te za bété ãne nherẽ, iwasédé hã tãma i'manha. E marĩ te te 'manharĩ bâ te za Dawi hã iwĩ.

1 Samuéu 19:7

Tawamhã Zonata ma tô oto sô hâ, Dawihi zô. Tahawa, ma tô uburé tãma wasu'u, imama te te tãma iwaihu'uzé hã. Tawamhã te te tãma rowasu'u pari, ma tô apâ saprõ Sauhu u hã. Tahawa, ma tô Dawi hã apâ te te tãma 're romhuri apito ma, iwana te te tãma 're iromhuri mono ne.

1 Samuéu 28:10

Tahawa, ma tô Sau hã Uburé Danhib'apito nhisi na ropisutu ãne: — Wanhib'apito 'Re ihâimana u'âsi mono, idâ'â'õ nhisi na wa aima ropisutu, ãne hã ĩma i'manharĩzéb zarina, za da te aima irob'manharĩ õ na hã.