1 Samuéu 19:4 - ꞌRe Ihâimana Uꞌâsi Mono Zadawa Wasuꞌu

⁴ Tawamhã Zonata, timama ma, ma tô Dawi hã tãma wasu'u wẽ ãne: — Ĩmama, marĩ iwasédé hã tãma 'manharĩ tõ, aima romhuri'wa Dawihi ma hã. E marĩ wa. Niwamhã õ hã marĩ iwasédé hã te te aiwi 'manharĩ õ di. Iwẽ na si uburé ma tô te te 're aipawapto.

1 Samuéu 19:4 ပူးပေါင်းရင်းမြစ်များ

Zenezi 42:22

Tawamhã Rubẽ ma te tino norĩ hã ãma sada'âbâ za'ra ãne: — Wa tô aré aima nharĩ za'ra wa'wa, wanoi ma, marĩ iwasédé tãma 'manharĩ za'ra wa'aba tõ da hã. Tane nherẽ, asiwi ĩwapari aba õ di. Tahawa iwapru sisa'warizé wa'rãmimhã, wa oto ãhã na hã wasiwi wa'âbâ ni.

Zenezi 9:6

Ĩsine 're dahâimana za'ra mono da, wa tô a'uwẽ hã te apoto. Tahawa, ni'wa te te da'maiwĩrĩ wamhã, te za duré wĩrĩ ni za, aiwab da.

Provébiu 17:13

Ni'wa, marĩ iwẽ da te tãma 're 'manharĩ mono nherẽ, aiwétési iwasédé te te dama 're ab'manharĩ mono wamhã, rowasédé hã isõrõwa hawimhã tãma isi'ré da hã mare di za.

1 Corĩtu 8:12

Ãne hã 're 'manharĩ za'ra wa'aba mono wamhã, asiré isazei'wa norĩ wi, te za aiwasédé hã 're i'manharĩ za'ra wa'aba mo. Taha zarina, ta norĩ hã marĩ hã te te aré siwi 're wẽ'õ za'ra mono nherẽ, te te oto 're 'manharĩ za'ra mono wa, te za 're siwẽ'õ pese za'ra. Ãne na aiwasédé hã tiwi 're 'manharĩ za'ra wa'aba mono wamhã, ta norĩ hâiba siré te za Cristuhu wi zama aiwasédé hã 're i'manharĩ za'ra wa'aba mo.

1 Zuwã 3:15

Dapãrĩ'wa norĩ ma, 'Re ihâimana u'âsi mono 'rata 're idahâimana u'âsi za'ra mono zé hã tãma 're hâimana za'ra mono õ di. Ãne hã aima waihu'u pese za'ra wa'aba di. Duré ni'wam norĩ hã te te 're da'ruiwapari za'ra mono wamhã, ta norĩ hã dapãrĩ'wa ne, te 'Re ihâimana u'âsi mono ma hã 're hâimana za'ra. Tahawa, wa te 're da'ruiwapari za'ra mono wamhã, 'Re ihâimana u'âsi mono 'rata 're idahâimana u'âsi za'ra mono zé hã wama 're hâimana za'ra mono õ di za, aiwa.

1 Samuéu 2:25

Ni'wa hã tisiré hâiba amo da, wasété wamhã, te za Uburé Danhib'apito hã mreme wapto. Tane nherẽ, oto ni'wa hã 'Re ihâimana u'âsi mono zada hâimana wamhã, ni'wa te te mreme wapto waihu'u õ di. Tane nherẽ, Erihi 'ra norĩ hã timama te te wapari zahuré õ di. E marĩ wa. Uburé Danhib'apito hã te te ãma sima rowairébé zahuré wa aré, te te ipãrĩ da hã.

1 Samuéu 20:32

Tawamhã Zonata te timama sadanha ãne: — E marĩ wa, te za dârâ. E marĩ te te 'manharĩ bâ.

1 Samuéu 22:14

Tawamhã Aimereti ma tô ãma tãma wa'rã ãne: — Dawi hã aima da'madâ'â'wa norĩ nhipai u, aima i'umnha te 're hâimana. Duré õ hã asa'õmo uptabi, danhib'ihâ'a uburé ti'ai wa'õtõ nho'õmo mono bâ isimiwazéb za'ẽne te 're ihâimana.