1 Samuéu 19:23 - ꞌRe Ihâimana Uꞌâsi Mono Zadawa Wasuꞌu

²³ Tawamhã Sau tamomo morĩ ré, ma tô 'Re ihâimana u'âsi mono pẽ'ẽzani hã iwamhã ãzé. Tahawa, te õhõ zama 'Re ihâimana u'âsi mono mreme na hã bâdâdi na te te dama rowasu'u, isadawa wasu'u'wa norĩ nhorõwa u iwisizéb u.

1 Samuéu 19:23 ပူးပေါင်းရင်းမြစ်များ

Provébiu 16:9

'Râwi danhimirowa'õtõ 'manharĩ na hã te tô 're dahâimana za'ra. Tane nherẽ, te 'Re ihâimana u'âsi mono si 're idahâimana za'ra mono zé hã te te dama 're anhimro.

Provébiu 21:1

Ti'ai ãma apito nhimirosa'rada, Uburé Danhib'apito ma waihu'u pese di, te te tãma 're i'rui mono da hã, â nima niwĩ 're praba mono da, te te sima iwẽzéb zarina, te te tãma ipisutu ne.

Mateu 7:22

Nimahã bâtâ na ropsi'utõrĩzéb ãma, Ĩmama za oto da'ãma isipo'ozéb ãma hã te za da'ahâ na ĩma nharĩ za'ra ni, ãne: “Wanhib'apito, Wanhib'apito, wa norĩ hã asadawa para, wa tô wa te dama 're sadawa wasu'u za'ra, 'Re ihâimana u'âsi mono hã. Asadawa para, wa tô duré wa'uburé hã wa te dama 're sãmra za'ra. Marĩ dama i'manharĩ waihu'u'õ hã wa tô duré wa te dama 're 'manharĩ za'ra, asadawa para.” Ãne na hã da'ahâ na te za ĩma tasiwasu'u za'ra ni, ĩnhib'a'uwẽ uptabi na hã 're danomro mono newa.

Zuwã 11:51

Ãne te te tãma rowasu'u za'ra wamhã, ã wahum na sasedoti ipire uptabi na 're ihâimana mono zéb zarina, si'uihâ nai õ nherẽ, te tãma rowaihu'u siromo za'ra, Zezusi hã dazada idâ'âzém na hã.

1 Corĩtu 13:2

'Re ihâimana u'âsi mono hã te dama 're sadawa wasu'u wẽ mono nherẽ, duré uburé roti hã ĩma waihu'u pese nherẽ, duré uburé rowaihu hã dama iwaihu'u'õ hã ĩma waihu'u pese nherẽ, ĩnhimizawi pese zé hã ĩma 're hâimana mono õ wamhã tarére, wa aré 're ĩhâimana, 'Re ihâimana u'âsi mono ma hã. Marĩ dai õ di tô aré, 're ĩhâimana mono zé hã. Ãté ĩma waihu'u pese di aré, te tãma nharĩ da, ẽtẽ 'rãihâ ma, si'ré da, tizabzém nhiti, 'Re ihâimana u'âsi mono si, te 're umnhasi mono wa. Ãne da, 'Re ihâimana u'âsi mono te 're umnhasi mono nherẽ, ĩnhimizawi pese zé hã ĩma 're hâimana mono õ wamhã, aré marĩ dai õ di tô duré, 're ĩhâimana mono zé hã.

1 Samuéu 10:10

Tawamhã Sau norĩ hã tite romhuri'wai me, Zibea na 'ri wa'õtõ nhisi u oto simasisi zahuré wamhã, ma tô sõpẽtẽ za'ra, 'Re ihâimana u'âsi mono zadawa 'mahârâ'wa norĩ hã. Tawamhã 'Re ihâimana u'âsi mono pẽ'ẽzani hã ma tô iwab ãzé, Sauhu wamhã. Tahawa, ma tô oto isiré tihâimana za'ra.

1 Samuéu 10:12

Tawamhã aibâ tame 're ihâimana mono hã ma tô ãma dazadanha ãne: — Isiré norĩ hã bété. E imama norĩ hã ma tô 'Re ihâimana u'âsi mono zadawa 'mahârâ'wa na hã 're hâimana za'ra. Ãne zarina te oto da te dasima 're nharĩ za'ra: “E Sauhu zama ma tô aipi'ra, 'Re ihâimana u'âsi mono zadawa 'mahârâ'wa na romhuri'wai u hã.”

1 Samuéu 10:6

Tawamhã Uburé Danhib'apito pẽ'ẽzani hã te za aiwa ãzé. Tawamhã a zama te za oto isiré aihâimana za'ra, 'Re ihâimana u'âsi mono zadawa 'mahârâ'wa ne. Taré oto a hã aimawi uptabi za.

1 Samuéu 18:10

Tawamhã ãma awẽ wamhã, ma tô wa'uburé itẽme satõ, 'Re ihâimana u'âsi mono hã Sauhu wa, iwap sébré da. Tahawa, ma tô 'rãihaiwamna, 'ri paramhã. Dawi hã te ropta'a tinhipta'azém na hã, awẽ sidâpâsi te te nasi iropta'azém ne. Taha ré te Sau hã tinhib'rata na tété, isi'uwazi 'rã'wa hã.

1 Samuéu 19:18

Tawamhã Dawi hã ma tô oto aimani. Tahawa, ma tô mo Rama u. Tamomo wisi wamhã, ma tô uburé Samuéu ma hã wasu'u, Sau sada hâimana mono wa, te te tãma irob'manharĩ mono zé hã. Taha pari, ma tô oto tineb zahuré, 'Re ihâimana u'âsi mono zadawa 'mahârâ'wa norĩ nhorõwa u, tame simasisi da.

1 Samuéu 19:20

Tahawa, ma tô aibâ norĩ hã sô satõrĩ za'ra, te te siwi âri da hã. Tawamhã oto sihutu wamhã, ma tô 'Re ihâimana u'âsi mono zadawa 'mahârâ'wa norĩ imreme na te te dama rowasu'u za'ra mono ré hã 'madâ'â za'ra. Tahawa, te Samuéu hã romhuri'wa nhib'ihâ'a na hã tihâiba. Tahawa, ma tô duré 'Re ihâimana u'âsi mono pẽ'ẽzani hã iwab asisi Sau aibâ norĩ te te isatõrĩ za'ra 'remhã. Tahawa, ta norĩ zama ma tô 'Re ihâimana u'âsi mono mreme na duré dapawaptom na hã da'ãma sasõmri za'ra.

1 Samuéu 19:22

Tawamhã Sau si'uihâ na te oto mo, Rama u. Tawamhã Seco na 'ri'ahâ isa'ẽtẽ nhisi ãma â zô ab're u oto wisi wamhã, ma tô da'mazadanha ãne: — E mame te Samuéu norĩ, Dawihi me hã tihâimana zahuré. Tawamhã ãma sinharĩ zahuré wa, te ãne tãma wasu'u zahuré ni: — 'Re ihâimana u'âsi mono zadawa 'mahârâ'wa norĩ nhorõwa ãma te tihâimana zahuré.