1 Samuéu 19:21 - ꞌRe Ihâimana Uꞌâsi Mono Zadawa Wasuꞌu

²¹ Tawamhã Sau ãne hã te te waihu'u wamhã, ma tô duré aimawi rowasu'u'wa norĩ hã satõrĩ za'ra. Tane nherẽ, ta norĩ zama ma tô duré 'Re ihâimana u'âsi mono mreme na dapawaptom na hã da'ãma sasõmri za'ra. Tahawa, ma tô duré si'ubdatõ ãmamhã satõrĩ za'ra, aibâ norĩ hã. Tane nherẽ, tô õne si ma tô tãma tiromhâimana za'ra.

1 Samuéu 19:21 ပူးပေါင်းရင်းမြစ်များ

Provébiu 27:22

Trigu 'rã hã wa'ĩni na da te 're isu pese za'ra mono ne, isimiza'rese'õ, a hã 're wati mono nherẽ, te za õ hã iwana 're ihâimana mono zém ne tinhimiza'rese õ na hã te te ãma 're uzusi u'âsi.

Zuéu 2:28

Uburé Danhib'apito te tinha ãne, tinhib'a'uwẽ norĩ ma: “Ãhã parimhã, wa hã wa za ãma ropé Ĩpẽ'ẽzani na, uburé pese dama. Ai'ra si'aibâ norĩ hã duré ai'ra sipi'õ norĩ hã te za te te dama 're ĩzadawa wasu'u za'ra. Duré ihi norĩ hã te za te te 're rosawẽrẽ za'ra. Ipréduptém norĩ hã te za duré marĩ hã sõ'awi te te 're 'madâ'â za'ra, sõtõ 'rowim ne.

1 Samuéu 19:20

Tahawa, ma tô aibâ norĩ hã sô satõrĩ za'ra, te te siwi âri da hã. Tawamhã oto sihutu wamhã, ma tô 'Re ihâimana u'âsi mono zadawa 'mahârâ'wa norĩ imreme na te te dama rowasu'u za'ra mono ré hã 'madâ'â za'ra. Tahawa, te Samuéu hã romhuri'wa nhib'ihâ'a na hã tihâiba. Tahawa, ma tô duré 'Re ihâimana u'âsi mono pẽ'ẽzani hã iwab asisi Sau aibâ norĩ te te isatõrĩ za'ra 'remhã. Tahawa, ta norĩ zama ma tô 'Re ihâimana u'âsi mono mreme na duré dapawaptom na hã da'ãma sasõmri za'ra.

1 Samuéu 19:22

Tawamhã Sau si'uihâ na te oto mo, Rama u. Tawamhã Seco na 'ri'ahâ isa'ẽtẽ nhisi ãma â zô ab're u oto wisi wamhã, ma tô da'mazadanha ãne: — E mame te Samuéu norĩ, Dawihi me hã tihâimana zahuré. Tawamhã ãma sinharĩ zahuré wa, te ãne tãma wasu'u zahuré ni: — 'Re ihâimana u'âsi mono zadawa 'mahârâ'wa norĩ nhorõwa ãma te tihâimana zahuré.