1 Samuéu 19:2 - ꞌRe Ihâimana Uꞌâsi Mono Zadawa Wasuꞌu

² Tahawa, te ãne timama hã tãma wasu'u, Dawihi ma: — Ĩmama te ai'ãma sima rosa'rata, te te aiwĩrĩ da. Tahawa, awẽ mararé hã asipibui pese za. Nima niwĩ pi'uriwi aima'uri za, tame a'â asãmra da.

1 Samuéu 19:2 ပူးပေါင်းရင်းမြစ်များ

Salmu 16:3

'Re ihâimana u'âsi mono ma, 're isisõmri u'âsi za'ra mono norĩ si hã danhipai u tô sena iwẽ uptabi. Ta norĩ siré 're ĩhâimana mono da si, ĩma iwẽ hã.

Provébiu 17:17

Ni'wa hã te za tisiwaihu te te 're sawi u'âsi. Ropipa hã sô watobro wamhã, te za isisãnawã ne hã tãma 're hâimana.

Zezusihi zadawa wasuꞌuꞌwa norĩ nhimiromhuri na robꞌuiꞌéré 23:16

Tawamhã 'ritéi'wa hã ma tô wapari za'ra, sô idanhimipari za'ra na hã. 'Ritéi'wa hã Pauluhu 'ra wapté, ihidiba 'ra. Tahawa, te Pauluhu u mo, da'wapéi'wa norĩ nhorõwa u te te po're pu'u da.

1 Samuéu 19:1

Tawamhã Sau ma tô ti'ra Zonataha ma wasu'u, uburé tãma romhuri'wa norĩ ma zama, Dawi te te wĩrĩ da, te te sima irosa'ratazém na hã. Tane nherẽ, Dawi hã Zonataha siwaihu'u uptabi na te tãma tihâiba.

1 Samuéu 19:3

Tawamhã wa hã wa za ĩmama zô mapa, a'ubuni wi aima'uri ré nimame, te tãma nharĩ da, aihâiba na hã. Tawamhã marĩ te tiwi upsibi mei wamhã, wa za aipo're pu'u.

1 Samuéu 20:2

Tawamhã Zonata ma te ãma sada'â ãne: — Wa ĩsima wẽ wa hã, atâ'â tõ da 'Re ihâimana u'âsi mono te te ai'madâ'â pese da. Ĩmama hã te uburé marĩ hã te te ĩma 're awasu'u, te te 're i'ab'manharĩ mono zé hã ipire hã duré ipire'õ hã. Marĩ hã te te ĩwi simi'uri õ di aré. Ãhã wa, tô marĩ hã hâimana õ di.

1 Samuéu 20:5

Tawamhã Dawi ma ãma sada'â ãne: — Awẽmhã a'amo itém na dato ihâiba, aré te simini ãna apito me ĩsa da hã ĩmorĩ da si. Tane nherẽ, aima wẽ wamhã, wa za aima'u tô, a'ubuni wimhã, awẽ amoi u, hâiwahâ tẽme.