1 Samuéu 19:13 - ꞌRe Ihâimana Uꞌâsi Mono Zadawa Wasuꞌu

¹³ Tawamhã te te oto ãma si'rai pari, ma tô Micau hã ti'â romhâibarĩ isõrõwa 're, 're isa mono hã. Tawamhã ma tô tihi, tiza'wari zahuré zéb ãma. I'rã ãma ma duré tihi, pone'ẽrebâ hâ zéré hã. Taha pari, ma suwa.

1 Samuéu 19:13 ပူးပေါင်းရင်းမြစ်များ

Zenezi 31:19

Tawamhã Labã, Raqueu mama, tinhimizama pone'ẽrebâ te te azéré nhihâri da, morĩ ré, ma tô i'ra Raqueu, isõrõwa 're, romhâiba norĩ ãma 're iwata za'ra mono hã ma tô tiwi simi'uri za'ra, timama wi.

Zuize 17:5

Tawamhã Mica, 'ri marĩ na 're iwata mono zéb da hã ma tô 'manha. Tawamhã romhâibarĩ ihâiba amo norĩ ma tô duré 'manharĩ za'ra. Duré sasedoti si'uzazé ihâ pa zama ma tô 'manha. Tahawa, ti'ra ite sasedoti na tãma 're hâimana mono da hã, ma tô pisutu.

Zuize 18:14

Tawamhã 5 na aibâ norĩ, Laisi ãma ti'a te te siwi sabu da, isi'aba'ré norĩ hã te ãne tisiré norĩ ma nharĩ za'ra: — E ma tô asiwi iwaihu'u 'wa, wede na romhâibarĩ ẽtẽ waipo prã prata na ihâiba upsibi ré, ã hã 'ri're 're isa mono na hã, duré ihâiba amo norĩ romhâibarĩ iwa 're isimasa mono na hã, sasedoti si'uzazé ihâ pa ihâimana na hã. E niha te bété ã norĩ na ãma irob'madâ'â za'ra wa'wa, za marĩ, wa te tãma i'manharĩ za'ra zéb da na hã.

Zuize 18:17

Tawamhã 5 na ihâiba na robzabui'wa norĩ hã ma tô 'ri para u asisi. Tahawa, wede na romhâibarĩ ẽtẽ waipo prã prata na ihâiba upsibi hã ma tô siwi ti'â. Tawamhã duré ihâiba amo romhâibarĩ norĩ hã ma tô siwi waibu, sasedoti si'uzazé me. Ãhã ré, ma tô 600 na dasi'wapéi 'manharĩ'wa norĩ simnhi'ãsi ré, sasedoti siré hã 'ridawa za'ẽtẽ ãma mapari za'ra.

1 Samuéu 19:16

Tawamhã ma tô oto asisi 'ri para u. Tane nherẽ, ma tô romhâiba si siwi tisã waptâ wamhã, pone'ẽrebâ hâ zéré na 'rã'ubu ré inomro hã.