1 Samuéu 19:10 - ꞌRe Ihâimana Uꞌâsi Mono Zadawa Wasuꞌu

¹⁰ Tawamhã Sau Dawihi ãma te te 'ri na'rata nhiptâ'â pibu da, ma tô aré ãma simri tite isi'uwazi 'rã'wa na hã. Tane nherẽ, ma tô tiwi tiwa'a. Tahawa, ma tô 'ri na'rata si i'upana ãma siptâ'â. Tahawa, Dawi hã ma tô duré tiwi aimani, sina isõwẽ hawi.

1 Samuéu 19:10 ပူးပေါင်းရင်းမြစ်များ

Salmu 34:19

Wẽ na 're inomro mono norĩ hã, te tô ropire na te te 're robzépata za'ra. Tane nherẽ, Uburé Danhib'apito, te uburé ropire mono hawimhã te te 're anho'reptu.

Provébiu 1:16

Waptu na te te sima 're rosa'rata za'ra, marĩ te te 're 'manharĩ za'ra mono da hã. Te te duré 're danhimroi mono da hã simire sina te õne u'â dazada 're hâimana siromo za'ra.

Provébiu 21:30

Ti'ai ãma rowaihu hã duré da'rã nhimiza're hã, Uburé Danhib'apito da hã siptete waihu'u õ di.

Mateu 10:23

Tawamhã nima hã 'ri nho'õmo ãma da te 're ai'ruiwapari za'ra wa'aba mono wa, da te aima 're 'manharĩ wasété za'ra wa'aba mono wamhã, ta hawi te za 're aimani za'ra wa'aba mo, 'ri nho'õmo amoi u 're anomro aba mono da hã. Tô sena wa aima waihu'u za'ra wa'wa. Izaraéu nhihudu norĩ nhipti'ai 're, 'ri wa'õtõ mono bâ asimiromhuri 'rãsutu za'ra wa'aba õ ré, te za we dama sihâi'ré apâ, Dasiré Ipodo hã.

Luca 4:30

Tazahã, ma tô dawa'wai baba ro'razâ. Taha wamhã, te oto dahawimhã mo.

Zuwã 10:39

Tawamhã ma tô duré sima wẽ za'ra, te te siwi âri da, dama ipire norĩ hã. Tane nherẽ, tiwi simani za'ra wa, te te siwi âri õ di.

Hebreu 11:34

Ta norĩ hã ma tô duré unhama ro'o za'ẽne hã te te 're simro, siwi. Ma tô duré dawi 're sisõ'reptu za'ra, sib'ézé 'wapa na da te 're simroi mono da nherẽ. Sib'uware na 're hâimana za'ra mono nherẽ, 'Re ihâimana u'âsi mono nhimipawaptobzém na ma tô siptete na dazada 're hâimana za'ra. Siptete uptabi na te te 're da'wapé za'ra mono wa, ma tô ta norĩ hã tizahui'wa norĩ hã te te 're wano'õ apâ, darob amoi hawi te te 're idazahu za'ra mono norĩ hã.

1 Samuéu 18:10

Tawamhã ãma awẽ wamhã, ma tô wa'uburé itẽme satõ, 'Re ihâimana u'âsi mono hã Sauhu wa, iwap sébré da. Tahawa, ma tô 'rãihaiwamna, 'ri paramhã. Dawi hã te ropta'a tinhipta'azém na hã, awẽ sidâpâsi te te nasi iropta'azém ne. Taha ré te Sau hã tinhib'rata na tété, isi'uwazi 'rã'wa hã.

1 Samuéu 18:11

Tahawa, te Sau hã ãne sima rosa'rata: — Wa za Dawihi ãma 'ri na'rata nhiptâ'âre, te ãma tétére da. Tawamhã isi'uwazi 'rã'wa na ma tô maparane ãma simri, te te ãma wa'ré da aré. Tane nherẽ, ma tô Dawi hã duré maparane tiwi tiwa'a.

1 Samuéu 19:6

Tawamhã ãne te te tãma waihu'u wa, ma tô Sau ti'ra Zonataha mreme hã saze. Tahawa, ma tô ropisutu, Uburé Danhib'apito idâ'â'õ nhisi na, Dawi hã te te wĩrĩ tõ da.

1 Samuéu 20:33

Tawamhã ãne te te tãma nharĩ wa, ma tô Sau Zonata hã tite isi'uwazi 'rã'wa na hã ãma simri te te ãma wĩrĩ da. Ãne wa tawamhã, Zonata ma tô oto timama hâimanazé hã waihu'u, tô aré Dawi te te wĩrĩ da, te te sima irosa'rata na hã.