1 Samuéu 19:1 - ꞌRe Ihâimana Uꞌâsi Mono Zadawa Wasuꞌu

¹ Tawamhã Sau ma tô ti'ra Zonataha ma wasu'u, uburé tãma romhuri'wa norĩ ma zama, Dawi te te wĩrĩ da, te te sima irosa'ratazém na hã. Tane nherẽ, Dawi hã Zonataha siwaihu'u uptabi na te tãma tihâiba.

1 Samuéu 19:1 ပူးပေါင်းရင်းမြစ်များ

Zenezi 37:18

Tawamhã Zuzé ma tô romhâ ré siwi tisã. Tahawa, 'râwi itẽme wisi za'ra õ ré, ma tô te te sima ãma irowairébé za'ra da hã rosa'rada siwi 'manha, te te siwi wĩrĩ da.

1 Samuéu 18:1

Tawamhã Sau norĩ hã Dawihi me ma tô oto sima robzanhamri pari zahuré. Tahawa, Zonata, Sauhu 'ra pẽ'ẽ 'remhã, ma tô Dawihi zawi hã iwab ãzé. Tahawa, ipẽ'ẽ 'remhã tãma sawi uptabi di oto, 'râwi tihâiba te te 're isisawi pese mono ne.

1 Samuéu 18:25

Tahawa, ma duré tãma waihu'u za'ra, Dawihi ma, te te tãma nharĩ za'ra da ãne: — Ãhã si te apito hã sima wẽ, aimro ãma iwa'âbâ da hã, filisteu isi'utõrĩ nhihâiwata nhihâri hã 100 na, taha na te te siwi sé nhi'ra da, isitob'ru hã. Taha si. Marĩ aimawi hã te te waptẽrẽ õ di aiwi. Ãne ma tô Sau hã rosa'rada hã, Dawihi ãma 'manha filisteu norĩ si te te siwi wĩrĩ da.

1 Samuéu 18:3

Tawamhã Zonata norĩ hã Dawihi me, ma tô sena na ropisutu zahi hã sima 'manharĩ zahuré, tinhimizawi zahuré zém na hã. E marĩ wa. Zonata Dawihi ãma ipẽ'ẽzézé hã sa'ẽtẽ uptabi wa.

1 Samuéu 18:8

Tawamhã ãne hã te te wapari wamhã, Sauhu ma te te rowẽ õ di. Tahawa, ma tô iwa aimei pese. Iwa simei pese wa, te tawamhã tinha ãne: — Pi'õ norĩ ma tô ĩ'ãma tinho're za'ra miu na te ida'uprosi na hã. Tane nherẽ, Dawihi ãma ma tô ĩnhipai u ãma tinho're za'ra 10 miu na te te ida'uprosi na hã. Pra! Isi'apito da si te oto tawamhã tiwi sô rowaptâ, ãhã na hã.

1 Samuéu 18:9

Tawamhã taha bâtâ hawim haré ma tô Sau hã Dawi te te 're 'ruiwapari u'âsi.

1 Samuéu 19:2

Tahawa, te ãne timama hã tãma wasu'u, Dawihi ma: — Ĩmama te ai'ãma sima rosa'rata, te te aiwĩrĩ da. Tahawa, awẽ mararé hã asipibui pese za. Nima niwĩ pi'uriwi aima'uri za, tame a'â asãmra da.

1 Samuéu 20:1

Tawamhã Dawi ma tô aimani Rama ãma 'Re ihâimana u'âsi mono zadawa 'mahârâ'wa norĩ nhorõwa hawimhã. Tahawa, ma tô Zonata 're ihâimana mono zéb u hã mo. Itẽme wisi wamhã, te ãne tãma tinha: — E marĩ te 'manharĩ bâ. E marĩ na wa tô ĩwasédé hã 'manha aimama wi hã, te te ĩwĩrĩ da, te te sima iwẽ hã.

1 Samuéu 20:19

Awẽ amo na asô robaba wamhã, te za duré asô amrami za'ra ni. Ãne wa, te za aimo, a'ubuni ãma aré i'aima'urizéb u a'â tame asãmra da, ẽtẽ tõmo wawẽ babarã na.