1 Samuéu 18:9 - ꞌRe Ihâimana Uꞌâsi Mono Zadawa Wasuꞌu

⁹ Tawamhã taha bâtâ hawim haré ma tô Sau hã Dawi te te 're 'ruiwapari u'âsi.

1 Samuéu 18:9 ပူးပေါင်းရင်းမြစ်များ

Zenezi 31:2

Tawamhã Zaco ma tô duré 'madâ'â waihu'u, Labã imorĩ'rata na isiwaihu'u na tãma ihâimana nei õ na isihâi'rézém na hã.

Provébiu 27:4

Danhiti'ru hã, da'ãma dasiba'õzé, te 're hâimana. Dahâimana wẽ uprosi'wa, te duré 're hâimana. Tane nherẽ, marĩ na da te 're ida'ruiwapari za'ra mono zé hã wasété uptabi di, isipai u.

Mateu 20:15

Te ĩsima iwẽzéb zarina, ĩte rob'uiprazém na te da'apawa'âbâ wamhã, e ĩwasédé wa tô 'manha. Mare di. Ĩwasédé hã te 'manharĩ õ di. Ãté taré dama ĩnhopru wa, ma tô ĩzada asahi, bâtâ bâ te te ĩma romhuri za'ra õ nherẽ, bâtâ na dapawa'âbâzém na te pawa'âbâ za'ra 'ru te.” Ãne ma tô buru tede'wa hã tãma siwaihu'u, tãma iromhuri'wai ma.

Tiagu 5:9

Ĩsisãnawã norĩ, asima 're aiwapsari za'ra wa'aba mono õ di za, 'Re ihâimana u'âsi mono hã aiwasédé hã te te ai'ãma 're sa'ra za'ra wa'aba mono tõ da. Dahâimanazéb zarina da'ãma rowairébé'wa hã we imorĩzéb u hã romhuture di oto. Ãne wa, asima 're aiwapsari za'ra wa'aba mono õ di za.

1 Samuéu 18:10

Tawamhã ãma awẽ wamhã, ma tô wa'uburé itẽme satõ, 'Re ihâimana u'âsi mono hã Sauhu wa, iwap sébré da. Tahawa, ma tô 'rãihaiwamna, 'ri paramhã. Dawi hã te ropta'a tinhipta'azém na hã, awẽ sidâpâsi te te nasi iropta'azém ne. Taha ré te Sau hã tinhib'rata na tété, isi'uwazi 'rã'wa hã.

1 Samuéu 18:8

Tawamhã ãne hã te te wapari wamhã, Sauhu ma te te rowẽ õ di. Tahawa, ma tô iwa aimei pese. Iwa simei pese wa, te tawamhã tinha ãne: — Pi'õ norĩ ma tô ĩ'ãma tinho're za'ra miu na te ida'uprosi na hã. Tane nherẽ, Dawihi ãma ma tô ĩnhipai u ãma tinho're za'ra 10 miu na te te ida'uprosi na hã. Pra! Isi'apito da si te oto tawamhã tiwi sô rowaptâ, ãhã na hã.

1 Samuéu 19:1

Tawamhã Sau ma tô ti'ra Zonataha ma wasu'u, uburé tãma romhuri'wa norĩ ma zama, Dawi te te wĩrĩ da, te te sima irosa'ratazém na hã. Tane nherẽ, Dawi hã Zonataha siwaihu'u uptabi na te tãma tihâiba.