1 Samuéu 18:6 - ꞌRe Ihâimana Uꞌâsi Mono Zadawa Wasuꞌu

⁶ Dawi, Gulia te te wĩrĩ pari, dasi'wapéi 'manharĩ'wa norĩ apâ si'aba'réi wamhã, ma tô uburé 'ri'ahâ mono bâ Izaraéu nhihudu norĩ nhipti'ai ãma pi'õ norĩ hã wairé, apito Sau te te siwi sõpẽtẽ da, sõ're za'ra sina rowẽ te, si'rẽne za'ra mono sina, piza baihâ 'manharĩ na te te ropta'a za'ra mono sina, duré rowamremezé te te siwi sõrõta'a mono sina.

1 Samuéu 18:6 ပူးပေါင်းရင်းမြစ်များ

Ezodu 15:20

Tawamhã 'Re ihâimana u'âsi mono zadawa 'mahârâ'wa sipi'õ Miriã, Arãhã hidiba hã ropta'azé tamborĩ na isisi hã ma tô ti'â. Te te âri wamhã, ma tô uburé pi'õ norĩ hã isiré ai'aba'ré, te te ropta'a za'ra mono sina, duré iré siwapsisi mono sina.

Ezodu 15:21

Ãne Miriã, te tawamhã tãma tinho're za'ra: Uburé Danhib'apito ma, te za tãma 're asõ're u'âsi za'ra wa'aba mo, aipẽ'ẽ 're ãma 're aiwata za'ra wa'aba mono sina. E tihai wa. Õ hã iwẽ uptabi na hã te te da'ãma ai'uté wa; Õ hã ma tô awaru hã, duré awaru na isi'wapéi'wa norĩ hã, â wa'wa u sãmra.

Zuize 11:34

Tawamhã Zépté apâ Mispa ãma tinhorõwa u te te sina siri wamhã, ma tô i'ra sipi'õ te te sõpẽtẽ da, itẽme watobro, si'rẽne mono sina, duré ropta'azé tãborĩ na te te ropta'a mono sina. Ta hã õhõ sire i'ra hã. Aimawi i'ra sipi'õ hã, duré i'ra si'aibâ hã tãma 're 'maihâimana mono õ di.

1 Samuéu 18:5

Tawamhã Dawi uburé daza'rui mono bâ Sau te te 're isatõrĩzé mono sidâpâsi, ma tô wẽ na hã 're pusi. Tahawa, Sau hã ma tô oto pisutu, ite dasi'wapéi 'manharĩ'wa norĩ nhib'ihâ'a da hã. Ãne wa, ma tô uburé dasi'wapéi 'manharĩ'wa norĩ ma tirowẽ za'ra, duré ta norĩ 'madâ'â'wa norĩ ma zama.