1 Samuéu 18:5 - ꞌRe Ihâimana Uꞌâsi Mono Zadawa Wasuꞌu

⁵ Tawamhã Dawi uburé daza'rui mono bâ Sau te te 're isatõrĩzé mono sidâpâsi, ma tô wẽ na hã 're pusi. Tahawa, Sau hã ma tô oto pisutu, ite dasi'wapéi 'manharĩ'wa norĩ nhib'ihâ'a da hã. Ãne wa, ma tô uburé dasi'wapéi 'manharĩ'wa norĩ ma tirowẽ za'ra, duré ta norĩ 'madâ'â'wa norĩ ma zama.

1 Samuéu 18:5 ပူးပေါင်းရင်းမြစ်များ

Zenezi 39:23

Tawamhã dazazé 'madâ'â'wa hâtâ'â waihu'u õ di, Zuzéhé ma, si'upana da'madâ'âzé hã te te sõmri wa. E marĩ wa. Uburé Danhib'apito isiré 're hâimana mono wa, duré iwẽ na te te 're ipawapto mono zarina, uburé marĩ hã te te dama 're ab'manharĩ wẽ mono wa, dazazéb 'remhã.

Salmu 1:3

Ta hã a'uwẽ hã pazaihâ na rowede, da te i're, 're i'rãi mono zéb uwaibaba si, 're i'rãi pese mono ne, duré 're isui mre mono õ ne, te ta hã 're hâimana. Ta hã uburé marĩ te te 're i'a'manharĩ mono hã te wẽ na si 're wairébé.

Mateu 10:16

— Ma'ãpé ĩwapari pese za'ra wa'aba. Pone'ẽrebâire, robzahi wa'wa u 're isisisi mono ne, wa za datẽme asatõrĩ za'ra wa'wa. Tahawa, te za asimiza'rese 're anomro aba mo, wahi ne. Duré utu'u, marĩ iwasédé hã te te 're i'manharĩ za'ra mono õ ne, te za 're anomro wẽ wa'aba mo.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:10

Tahawa, te te irobzépata mono zéb sidâpâsi ma tô nasi pawapto, tiwi robzei'õ tõ da. Tawamhã apito Fara'oho nho're nasi hâimana wamhã, 'Re ihâimana u'âsi mono ma tô tiwaihu'u pe hã tãma tisõ, ihâimana wẽ zéb da hã. Tahawa, apito Fara'o hã ma tô wẽsã, Zuzé hã. Taha zarina ma tô tãma pisutu, Ezitu ãma roti'wa da oto, isadawa para. Isibro hã duré isõrõwa zama te te tãma 're 'madâ'â mono da zama, ma tô duré pisutu.

Éfézu 5:17

Tawamhã danhimiza'rese ãna 're idanomro mono ne, 're anomro aba mono õ di za. Wanhib'apito te te sima 're i'ai'awẽ wa'aba mono zéb zô si, te za 're asõpré u'âsi aba mo, asina tãma 're uwaimrami za'ra wa'aba mono da.

Colosu 4:5

Asimirosa'rata wẽ, oto ãma 're iwaihu'u za'ra wa'aba mono zéb zarina, te za Cristuhu zazei'õ'wa norĩ ma aihâimana prédup sina tãma 're aihâimana za'ra wa'aba mo. Duré 're danhopẽtẽ za'ra wa'aba mono sidâpâsi, te za Cristuhu wasu'uwẽ hã dama 're iwasu'u za'ra wa'aba mo, dasiré 're aihâimana za'ra wa'aba mono ré, da te 're waihu'u za'ra mono ãna 're dahâimana za'ra mono tõ da, Cristuhu wasu'uwẽ hã.

Zuize 1:19

Tawamhã Uburé Danhib'apito, a'uwẽ Zudaha nhihudu norĩ te te pawaptob za'ra wa, ma tô ta norĩ hã ẽtẽ 'rãihâ niwĩ ti'a 're ihâimana mono ãma, ãma ai'uté za'ra. Tane nherẽ, a'uwẽ ti'a zada'ré ãma 're ihâimana za'ra mono norĩ hã te te siwi sani za'ra õ di. E marĩ wa. Ta norĩ te isi'uwazi tete 'manharĩ na wedewara dasi'wapézé tãma 're hâimana za'ra mono wa.

1 Samuéu 13:2

Tawamhã ma tô pisutu za'ra 3 miu na aibâ hã Izaraéu nhihudu norĩ hã. 2 miu na ime ihâimana za'ra hã 'rinho'u Mitima ãma, duré Bétéu ti'a niwĩ ẽtẽ ãma hã. Duré miu na Zonataha me ihâimana za'ra hã, Zibea 'ri nho'õmo ãma Bẽzamihĩ nhihudu norĩ nhipti'ai wa'õtõ ãma hã. Tawamhã tinhorõwa u aibâ isi'mairẽme norĩ hã, ma tô satõrĩ za'ra apâ si'aba'ré da.

1 Samuéu 14:52

Tawamhã Sau, 're hâimana mono ré ti'ai ãmab ré hã, ma tô filisteu norĩ hã sahi sina hã te te 're a'wapéi u'âsi. Duré ma tô õne u'â aibâ isiptete si duré isib'ru si te te 're awaibu, te te 're anheme mono da hã, dasi'wapéi 'manharĩ'wa norĩ zu, ime 're nomro mono da.

1 Samuéu 18:16

Tane nherẽ, Izaraéu nhihudu norĩ nhipti'ai ãma hã, duré uburé Zudaha nhihudu norĩ nhipti'ai ãma a'uwẽ hã, ma tô Dawi te te siwi 're sawi pese. E marĩ wa. Õ hã dama i'rãnho'u isiptete uptabi 're hâimana mono wa.

1 Samuéu 18:30

Tawamhã filisteu dasi'wapéi 'manharĩ'wa norĩ hã Izaraéu nhihudu norĩ te te 're 'wapé za'ra mono da, sô 're pusi mono sidâpâsi ma tô Dawi hã te te ãma 're ai'uté za'ra, uburé Sauhu ma romhuri'wa norĩ nhipai u hã. Tawamhã ãne wa, Dawi hã dama wasu'u za'ẽtẽ di oto, daza'rui mono bâ hã.

1 Samuéu 18:4

Tahawa, ma tô tisi'uzazé ihâpa hã waze, te te tãma sõmri da, Dawihi ma. Tite dasi'wapéi 'manharĩ'wai uza zama ma tãma tisõ, sib'ézé 'wapa hã, umnhi'ã hã duré ti'usisizé hã.

1 Samuéu 18:6

Dawi, Gulia te te wĩrĩ pari, dasi'wapéi 'manharĩ'wa norĩ apâ si'aba'réi wamhã, ma tô uburé 'ri'ahâ mono bâ Izaraéu nhihudu norĩ nhipti'ai ãma pi'õ norĩ hã wairé, apito Sau te te siwi sõpẽtẽ da, sõ're za'ra sina rowẽ te, si'rẽne za'ra mono sina, piza baihâ 'manharĩ na te te ropta'a za'ra mono sina, duré rowamremezé te te siwi sõrõta'a mono sina.

1 Samuéu 3:19

Tawamhã Samuéu hã ma tô oto tiprédu. Prédu wamhã, ma tô Uburé Danhib'apito hã ime 're hâimana. Uburé marĩ hã te te 're ab'manharĩ mono da, te te tãma inharĩzéb zarina, ma tô ãma uwaimra, 'Re ihâimana u'âsi mono hã.