1 Samuéu 18:30 - ꞌRe Ihâimana Uꞌâsi Mono Zadawa Wasuꞌu

³⁰ Tawamhã filisteu dasi'wapéi 'manharĩ'wa norĩ hã Izaraéu nhihudu norĩ te te 're 'wapé za'ra mono da, sô 're pusi mono sidâpâsi ma tô Dawi hã te te ãma 're ai'uté za'ra, uburé Sauhu ma romhuri'wa norĩ nhipai u hã. Tawamhã ãne wa, Dawi hã dama wasu'u za'ẽtẽ di oto, daza'rui mono bâ hã.

1 Samuéu 18:30 ပူးပေါင်းရင်းမြစ်များ

Salmu 119:99

Wa tô te 're waihu'u wẽ pese, ĩma romnhoré'wa norĩ nhipai u, asimiroti na te ĩsima ãma 're rosa'rata zei u'âsi mono wa, ĩma iwẽ zarina.

Provébiu 12:8

I'rãi waihu'u wẽ norĩ hã te da te dasima 're wasu'u wẽ za'ra. Tane nherẽ, ipẽ'ẽ 'remhã wasété na 're ihâimana za'ra mono norĩ hã te za dama wazéb ãna 're hâimana za'ra.

Daniéu 1:20

Tawamhã apito, uburé marĩ mono na te te ta norĩ 're sadanharĩ za'ra mono wamhã, uburé Babilonia ãma i'rãiwaihu'u pese norĩ nhipai u, duré marĩ 'manharĩ nhipese 'wa norĩ nhipai u, te te irowaihu'u pese za'ra na hã ma tô oto upsibi me za'ra.

Luca 21:15

Wa hã wa za te 're aipawaptob za'ra wa'wa, danhib'apito norĩ ma, 're asiwasu'u za'ra wa'aba mono zéb da hã. Ãne wa, aimreme wẽ na te za aiwẽ'õ'wa norĩ hã 're isõwada za'ra wa'aba mo.

Éfézu 5:15

Tahawa, wa za aima roti za'ra wa'wa, 'râwi asina 're asõpré u'âsi aba mono da, 're i'anomro wẽ wa'aba mono zéb da na hã. Sena na roti wẽ waihu'u'õ'wa ne, 're anomro wasété aba mono õ di za oto. Roti sena hã oto aima waihu'u pese za'ra wa'aba wa, te za ãma 're anomro wẽ wa'aba mo, tô sena roti wẽ zarina si.

1 Pedru 2:4

Ma'ãpé, Wanhib'apito u asimirosa'rata na si nherẽ, 're aihutu aba mono. Ta hã wẽ nherẽ, ma tô dasiwi wẽ'õ ni, ẽne hã 'ri'wa norĩ te te siwi iwẽ'õ ne. Tane nherẽ, da te dasiwi wẽ'õ nherẽ, 'Re ihâimana u'âsi mono ma, wẽ uptabi di, Wanhib'apito hã. Tãma sawi uptabi di duré.

1 Pedru 2:7

Ẽtẽ na isisi hã aima sawi uptabi za'ra wa'aba di, Cristu hã, Danho'reptui'wa na asina 're umnhasi za'ra wa'aba mono wa. Da te dasina 're i'umnhasi za'ra mono õ norĩ ãma, ma tô 'ri'wa norĩ ãma simiré'é, 'Re ihâimana u'âsi mono zadawa 'mahârâ'wa hã. Ãne te ta norĩ ãma rowasu'u: “Ẽtẽ tomhâpâ wẽ, 'ri na'ratazéb da, wẽ uptabi nherẽ, wasété newa, 'ri'wa norĩ te te siwi iwẽ'õ hã te oto tô pire uptabi na hã 're sa'wari u'âsi.”

1 Samuéu 18:29

Tahawa, Dawihi ma hã pahi uptabi di oto. Tawamhã idâ'âzéb u Sau hã, ma tô Dawihi nhitob'ru na hã 're hâimana u'âsi oto.

1 Samuéu 18:5

Tawamhã Dawi uburé daza'rui mono bâ Sau te te 're isatõrĩzé mono sidâpâsi, ma tô wẽ na hã 're pusi. Tahawa, Sau hã ma tô oto pisutu, ite dasi'wapéi 'manharĩ'wa norĩ nhib'ihâ'a da hã. Ãne wa, ma tô uburé dasi'wapéi 'manharĩ'wa norĩ ma tirowẽ za'ra, duré ta norĩ 'madâ'â'wa norĩ ma zama.

1 Samuéu 19:8

Tawamhã dasi'wapé hã ma duré watobro, filisteu norĩ da hã. Tahawa, Dawi hã ma tô sô tiwatobro za'ra, te te 'wapé za'ra da. Tawamhã ma tô ãma ai'uté pese za'ra. Ma tô tãma sisa're, Dawihi ma hã.

1 Samuéu 2:30

Wa hã Izaraéu nhihudu norĩ te, 'Re ihâimana u'âsi mono Uburé Danhib'apito hã wa tô ropisutu duréihã aihi'rata norĩ ma hã za isihudu norĩ hã õne u'â te te ĩma 're iromhuri za'ra mono na hã sasedoti na. Tane nherẽ, ãhã na hã wa za tinha, õne u'â 're ihâimana mono õ na hã za oto. E marĩ wa. Wa hã za oto te 're da'awazé mono dâ'âsina, da te 're ĩwazéb za'ra mono norĩ hã, duré za oto te 're da'awazé mono õ dâ'âsina, da te 're ĩwazéb za'ra mono õ norĩ hã.

1 Samuéu 26:21

Tawamhã Sau ma te ãma tãma wa'rã ãne: — Wa hã wa tô ãma upa. Tahawa, apâ te za aimo. Niwamhã te aima 'manharĩ wasété zahu õ di za, ã mara na hã a hã ĩwazé wa. Tahawa, wa tô ĩnhimiza'rese'õ ne ĩhâimana. Wa tô duré ãma aima upa za'ẽtẽ.

1 Samuéu 26:24

à bâtâ na wa hã te aiwazém ne, tane da hã wa Wanhib'apito wi waptẽ, te te ĩpawaptob da, uburé marĩ ipire hã te te ĩma 're ba'a mono da.