1 Samuéu 18:3 - ꞌRe Ihâimana Uꞌâsi Mono Zadawa Wasuꞌu

³ Tawamhã Zonata norĩ hã Dawihi me, ma tô sena na ropisutu zahi hã sima 'manharĩ zahuré, tinhimizawi zahuré zém na hã. E marĩ wa. Zonata Dawihi ãma ipẽ'ẽzézé hã sa'ẽtẽ uptabi wa.

1 Samuéu 18:3 ပူးပေါင်းရင်းမြစ်များ

Provébiu 18:24

Marĩ u'âbâ si dasisawizé hã, õne u'âsi ãma 're dasisawi za'ra mono õ di. Tane nherẽ, dasiwaihu'u uptabi te dama 're hâimana, dasisãnawã 'râwi nhipai u hã.

1 Samuéu 19:1

Tawamhã Sau ma tô ti'ra Zonataha ma wasu'u, uburé tãma romhuri'wa norĩ ma zama, Dawi te te wĩrĩ da, te te sima irosa'ratazém na hã. Tane nherẽ, Dawi hã Zonataha siwaihu'u uptabi na te tãma tihâiba.

1 Samuéu 20:41

Tawamhã ai'repudu hã morĩ pari, ma tô oto Dawi hã watobro, ẽtẽ tõmo wawẽ babarãi ãma isima'urizém hawimhã. Tahawa, ti'ai u waptã'ã wamhã, ma tô si'ubdatõ ti'ubu na hã ropto, ti'ai u hã. Tawamhã wawa sina ma tô sisawi zahuré, sitob'rata hârâ na hã. Tawamhã robzei'õ hã sa'ẽtẽ uptabi di Dawihi ma hã, Zonataha nhipai u.

1 Samuéu 20:42

Tawamhã Zonata te Dawihi ma tinha ãne: — Ĩma wẽ di, 'Re ihâimana u'âsi mono hã asiré 're hâimana u'âsi mono da hã. Ĩma wẽ di duré Uburé Danhib'apito te te 're wapawapto mono da, wanhihudu norĩ zama te te duré 're pawaptob za'ra mono da, ropisudu wa te i'manharĩzé hã wa te ãma wasima 're uwaimrami u'âsi mono da si. Ãne te te tãma waihu'u pari, ma tô Dawi hã oto mo. Duré Zonata hã ma tô apâ mo, 'ri'ahâ u hã.

1 Samuéu 22:8

E taha wa, te a norĩ wa'wa hã asima irosa'rata za'ra wa'wa, ĩzada aihâimana za'ra wa'aba da. Ni'wa hã te te ĩma wasu'u õ di, ĩ'ra hã, Dawihi me tinhimiropisudu te te sima i'manharĩ zahuré zé hã. Duré ni'wa hã ĩ'ãma hâtâ'â waihu'u õ di. Ni'wa hã te te duré ĩma rowasu'u õ di, Dawi ĩnhib'a'uwẽ siré nherẽ, te te ĩwĩrĩ da, ĩzô 're irĩtĩ mono zém na hã. Duré tô ĩ'ra, ĩzada ihâimanazém na zama ni'wa te te ĩma wasu'u õ di.

1 Samuéu 23:18

Tawamhã tame ma tô Uburé Danhib'apito nho'a apâ ropisudu hã sima 'manharĩ na sitéb zahuré, tisisawi zahuré zéb u'âbâ hã. Tawamhã Dawi hã ma tô Horeza ãma nhamra u'â. Tawamhã Zonataha si ma tô apâ mo, tinhorõwa u hã.