1 Samuéu 18:25 - ꞌRe Ihâimana Uꞌâsi Mono Zadawa Wasuꞌu

²⁵ Tahawa, ma duré tãma waihu'u za'ra, Dawihi ma, te te tãma nharĩ za'ra da ãne: — Ãhã si te apito hã sima wẽ, aimro ãma iwa'âbâ da hã, filisteu isi'utõrĩ nhihâiwata nhihâri hã 100 na, taha na te te siwi sé nhi'ra da, isitob'ru hã. Taha si. Marĩ aimawi hã te te waptẽrẽ õ di aiwi. Ãne ma tô Sau hã rosa'rada hã, Dawihi ãma 'manha filisteu norĩ si te te siwi wĩrĩ da.

1 Samuéu 18:25 ပူးပေါင်းရင်းမြစ်များ

Zenezi 29:18

Tawamhã Zacoho ma, Raqueu tãma iwẽ uptabi zarina, ma ãne asa ãma sada'â: — 7 wahum na wa za tô aima romhu, Raqueu ãma ĩmro da hã.

Zenezi 34:12

Asima iwẽ na damro wa'rãmi danhoprubzé hã ĩwi waptẽrẽ za'ra wa'aba. Duré ma'ãpé damro wa'â, te aima iwa'âbâ za'ra wa'aba da hã, niha hã ĩma pisutu za'ra wa'aba. Tô ĩma hâiba za'ré za'ra wa'aba, ãma ĩmro hâ.

Zozué 5:3

Tawamhã Zozué ma tô ab'manha, sib'ézé hã. Taha na ma tô duré Izaraéu nhihudu norĩ hã anhihâiwata nhihâ, ẽne hã Danhihâiwata Nhihârizém na isisi ãma.

1 Samuéu 14:24

Tawamhã tô taha bâtâ na ma tô ab'uwa za'ra Izaraéu nhihudu norĩ hã mrap te. E marĩ wa. Sau hã ropisudu te te 'manharĩ wa, ãne: “Ni'wa hã ĩnhitob'ru norĩ hâiba na te 'ruiwa'âbâ za'ra wana ré, ã bâtâ na marĩ hã te te 'rẽne wamhã, ta hã te za dârâ.” Tahawa, ni'wa hã marĩ hã te te 'rẽne õ di, bâtâ wahuré na hã.

1 Samuéu 17:26

Tawamhã te Dawi hã dasi'wapéi 'manharĩ'wa norĩ, i'rata isimasam norĩ hã sadanharĩ za'ra ãne: — E marĩ te za ni'wa hã ti'â, ã hã filisteu te te wĩrĩ wa, taha zarina Izaraéu nhihudu norĩ ma te te ropese wa, te te anho'reptui wamhã. E 'wa bété ãhã, filisteu ihâimana wasédé hã. E tô ibâ 'Re ihâimana u'âsi mono te dasi'wapéi 'manharĩ 'wa norĩ zô ihârâ zahi za'ra zé hã.

1 Samuéu 17:36

Wa hã hu'u zérépa te ipãrĩ ré hã duré ursu zama. Tane wa za duré tãma rob'manha, filisteu ihâimana wasété ma hã, 'Re ihâimana u'âsi mono te dasi'wapéi 'manharĩ'wa norĩ zô ihârâ zahi ma hã.

1 Samuéu 18:17

Tawamhã Sau te Dawihi ma tinha ãne: — Ãhãta ĩ'ra ipoto'rada, Merabe na isisi hã. Ã hã wa za aima tisõ, ãma aimro da hã. Tawamhã a hã dasi'wapéi 'manharĩ'wa asiptete na te za ĩma 're aihâimana mo za ĩma ai'umnhasi na, duré Uburé Danhib'apito te dasi'wapé na ãma 're ai'wapéi mono da. Sau te rosa'rata ãne: “Te iwĩrĩ da hã mare di wa hã. Ĩma wẽ di filisteu norĩ si ĩ'upana te te siwi iwĩrĩ da hã.”

1 Samuéu 18:24

Tawamhã Sauhu ma, ma tô tãma wasu'u za'ra, tãma iromhuri'wa norĩ hã, Dawi te te tãma inharĩ za'ra zé hã.

1 Samuéu 19:1

Tawamhã Sau ma tô ti'ra Zonataha ma wasu'u, uburé tãma romhuri'wa norĩ ma zama, Dawi te te wĩrĩ da, te te sima irosa'ratazém na hã. Tane nherẽ, Dawi hã Zonataha siwaihu'u uptabi na te tãma tihâiba.