1 Samuéu 18:17 - ꞌRe Ihâimana Uꞌâsi Mono Zadawa Wasuꞌu

¹⁷ Tawamhã Sau te Dawihi ma tinha ãne: — Ãhãta ĩ'ra ipoto'rada, Merabe na isisi hã. Ã hã wa za aima tisõ, ãma aimro da hã. Tawamhã a hã dasi'wapéi 'manharĩ'wa asiptete na te za ĩma 're aihâimana mo za ĩma ai'umnhasi na, duré Uburé Danhib'apito te dasi'wapé na ãma 're ai'wapéi mono da. Sau te rosa'rata ãne: “Te iwĩrĩ da hã mare di wa hã. Ĩma wẽ di filisteu norĩ si ĩ'upana te te siwi iwĩrĩ da hã.”

1 Samuéu 18:17 ပူးပေါင်းရင်းမြစ်များ

Provébiu 26:24

Ihâimana si'ahâ hã te te 're da'ruiwapari ahâ za'ra mono nherẽ, te timreme wẽ na hã te te 're suwa za'ra, sadawa nhipese na.

Provébiu 26:25

Ta hã dama 're mreme wẽ mono nherẽ, te te inharĩzém na hã ãma 're sazei mono õ di za. E marĩ wa. Ipẽ'ẽ 'remhã isimirosa'rada hã wasété uptabi wa.

Provébiu 26:26

Da'ruiwapari na sima'uri sina dawi 're hâimana mono da nherẽ, te za uburé dasiwi da te 're upsibi nhamra, tiwasédé te te 're i'manharĩ mono zém na hã.

1 Samuéu 14:49

Sau hã si'ubdatõ i'ra si'aibâ hã: Zonata, Isiwi, duré Ma'uquisua. Duré i'ra sipi'õ dub'rata nhisi hã Merabe na, duré ino nhisi hã Micau na.

1 Samuéu 17:25

Tahawa, te ãne sima nharĩ za'ra: — Ni'ã õ hã aibâ hã asiwi 'madâ'â aba. Ma'ãpé wazô ihârâ zahi za'ra zé hã wapari aba. Ni'wa hã filisteu te te wĩrĩ wamhã, te za tipawa'â isa'ẽne hã ti'â. Apito te za marĩ iwa'âbâ za'ẽtẽ uptabi hã ahâ na tãma sõmri za'ra. Te za duré ti'ra sipi'õ hã ãma imro da hã tãma tisõ. Tahawa, imama sisãnawã norĩ niwamhã tite rob'uiprazé apito ma, te te dame tãma 're i'arĩ za'ra mono da hã mare di za.

1 Samuéu 17:36

Wa hã hu'u zérépa te ipãrĩ ré hã duré ursu zama. Tane wa za duré tãma rob'manha, filisteu ihâimana wasété ma hã, 'Re ihâimana u'âsi mono te dasi'wapéi 'manharĩ'wa norĩ zô ihârâ zahi ma hã.

1 Samuéu 17:47

Ãme uburé ihâimana za'ra hã te za 'Re ihâimana u'âsi mono waihu'u za'ra, sib'ézé 'wapa ãna, duré wedewãi waré 'rã'wa ãna tinhib'a'uwẽ te te isõ'reptu za'ra na hã. E marĩ wa. Dasi'wapé hã 'Re ihâimana u'âsi mono te wa. Ta hã te za wanhib'rata uburé wama aihâiba nhomri za'ra wa'wa.

1 Samuéu 18:21

Tahawa, te ãne rosa'rata: “Micau si wa za tãma tisõ, Dawihi ma hã, taha na si mro da. Tawamhã ta hã te za isimiza'repese norĩ nhimirob'manharĩzém na ãma sô tihâiba za, filisteu norĩ te te siwi iwĩrĩ da hã.” Tahawa, Sau maparane ãmam na te duré tãma tinha ãne, Dawihi ma hã: — A hã za tô ĩsa'õmo.

1 Samuéu 18:25

Tahawa, ma duré tãma waihu'u za'ra, Dawihi ma, te te tãma nharĩ za'ra da ãne: — Ãhã si te apito hã sima wẽ, aimro ãma iwa'âbâ da hã, filisteu isi'utõrĩ nhihâiwata nhihâri hã 100 na, taha na te te siwi sé nhi'ra da, isitob'ru hã. Taha si. Marĩ aimawi hã te te waptẽrẽ õ di aiwi. Ãne ma tô Sau hã rosa'rada hã, Dawihi ãma 'manha filisteu norĩ si te te siwi wĩrĩ da.

1 Samuéu 18:27

ma tô Dawi tite dasi'wapéi 'manharĩ'wa norĩ me hã ai'aba'ré. Tahawa, ma tô filisteu norĩ hã siwi uprosi 200 na. Tawamhã Dawi ma tô tãma tidu, Sauhu ma, filisteu norĩ idâ'â za'ra nhihâiwada te te isihâri za'ra hã. Isõ'a ma tô duré sa'rata za'ra isihâiwata za'ra hã, taha zarina isa'õmo na oto 're hâimana mono da. Tahawa, Sau hã ma tô oto ti'ra Micau hã tãma tisõ, Dawihi ma, ãma mro da.

1 Samuéu 25:28

Ma'ãpé siwa'ru tiha na ĩwasédé te i'manharĩzém na hã ĩ'ãma 'madâ'â õ di za. Wanhib'apito 'Re ihâimana u'âsi mono te za aipisutu za, asi'apito da hã, duré asihudu norĩ zama si'apito za'ra da hã. E tihai wa. A hã 'Re ihâimana u'âsi mono te te aima i'ruzéb zarina dasi'wapé hã i'upana 're 'manharĩ mono õ wa. Tahawa, tiha hã iwasédé hã ai'ãma 're hâimana mono õ di za, 're aihâimana mono ré hã.

1 Samuéu 30:26

Tawamhã Dawi Zicradi u apâ wisi wamhã, ma tô marĩ hã tinhitob'ru norĩ wi te te iwaibu za'ra hã, tisiwaihu'u norĩ ma sõmri za'ra, Zuda ti'ai ãma dama i'rãnho'õmo norĩ ma. Tawamhã ãne rob'ui'éré na hã ma tô tãma nharĩ za'ra: — Ã hã ate za'ra wa'aba da, wa ãma aima sõmri za'ra wa'wa, Wanhib'apito 'Re ihâimana u'âsi mono nhitob'ru norĩ wi, wa te irowaibu te aima ãma ipo'o za'ra wa'wa hã.