1 Samuéu 18:14 - ꞌRe Ihâimana Uꞌâsi Mono Zadawa Wasuꞌu

¹⁴ Tawamhã uburé marĩ hã te te 're ab'manharĩ mono wamhã, ma tô iwẽ na si 're pusi, te te 're i'ab'manharĩ mono da hã. E marĩ wa. Wanhib'apito ime 're hâimana mono wa.

1 Samuéu 18:14 ပူးပေါင်းရင်းမြစ်များ

Zenezi 39:23

Tawamhã dazazé 'madâ'â'wa hâtâ'â waihu'u õ di, Zuzéhé ma, si'upana da'madâ'âzé hã te te sõmri wa. E marĩ wa. Uburé Danhib'apito isiré 're hâimana mono wa, duré iwẽ na te te 're ipawapto mono zarina, uburé marĩ hã te te dama 're ab'manharĩ wẽ mono wa, dazazéb 'remhã.

Mateu 28:20

Te za duré dama 're iroti za'ra wa'aba mo, uburé te aima 're iroti za'ra wa'aba mono zéb zarina, ĩnhimiroti si da te 're 'madâ'â u'âsi za'ra mono da. Õne u'âsi, wa za asiré 're ĩmorĩ u'âsi za'ra wa'wa, ro isi'utõrĩzéb u. Ãne na aipo're si'âri za'ra wa'aba õ di za.

Zezusihi zadawa wasuꞌuꞌwa norĩ nhimiromhuri na robꞌuiꞌéré 18:10

Wa hã wa asiré 're ĩhâimana u'âsi. Ãmemhã, ĩnhib'a'uwẽ hã ahâ di. Tahawa, ni'wa hã rowasédé te te ai'ãma 'manharĩ waihu'u õ di za.

Zozué 6:27

Ãne ma tô Uburé Danhib'apito, Zozuéhé siré tihâiba. Tawamhã ma tô iwasu'u za'ẽne hã ti'ai wa'õtõ nho'õmo mono bâ te te ropé.

Zuize 1:19

Tawamhã Uburé Danhib'apito, a'uwẽ Zudaha nhihudu norĩ te te pawaptob za'ra wa, ma tô ta norĩ hã ẽtẽ 'rãihâ niwĩ ti'a 're ihâimana mono ãma, ãma ai'uté za'ra. Tane nherẽ, a'uwẽ ti'a zada'ré ãma 're ihâimana za'ra mono norĩ hã te te siwi sani za'ra õ di. E marĩ wa. Ta norĩ te isi'uwazi tete 'manharĩ na wedewara dasi'wapézé tãma 're hâimana za'ra mono wa.

1 Samuéu 10:7

Tawamhã ãne hã marĩ aima hâimana wamhã, uburé marĩ hã i'uwaibaba si 're ab'manharĩ mono za. E marĩ wa. 'Re ihâimana u'âsi mono hã za aime 're hâimana mono wa.

1 Samuéu 16:18

Tawamhã tãma romhuri'wa ma tô ãma 'mazada'â ãne: — Wa hã ĩma waihu'u pese di, 'ri'ahâ Belẽ na isisi ãma Zésé 're isãmra mono 'ra hã. Ta hã rowamreme wẽ 'wai uptabi. Ta hã duré ipahi waihu'u õ, isiptede, duré dasi'wapéi 'manharĩ'wa iwẽ, imreme wẽ, duré ihâiba wẽ. Uburé Danhib'apito hã te duré ime 're hâimana.

1 Samuéu 18:15

Tawamhã Sau hã ma tô te 're 'madâ'â, Dawi hã tinhimi'manharĩzém na te te ãma 're i'a'uwaimrami wẽ mono zé hã. Tahawa, ma tô tãma tipahi pese oto.

1 Samuéu 19:8

Tawamhã dasi'wapé hã ma duré watobro, filisteu norĩ da hã. Tahawa, Dawi hã ma tô sô tiwatobro za'ra, te te 'wapé za'ra da. Tawamhã ma tô ãma ai'uté pese za'ra. Ma tô tãma sisa're, Dawihi ma hã.

1 Samuéu 3:19

Tawamhã Samuéu hã ma tô oto tiprédu. Prédu wamhã, ma tô Uburé Danhib'apito hã ime 're hâimana. Uburé marĩ hã te te 're ab'manharĩ mono da, te te tãma inharĩzéb zarina, ma tô ãma uwaimra, 'Re ihâimana u'âsi mono hã.