1 Samuéu 18:10 - ꞌRe Ihâimana Uꞌâsi Mono Zadawa Wasuꞌu

¹⁰ Tawamhã ãma awẽ wamhã, ma tô wa'uburé itẽme satõ, 'Re ihâimana u'âsi mono hã Sauhu wa, iwap sébré da. Tahawa, ma tô 'rãihaiwamna, 'ri paramhã. Dawi hã te ropta'a tinhipta'azém na hã, awẽ sidâpâsi te te nasi iropta'azém ne. Taha ré te Sau hã tinhib'rata na tété, isi'uwazi 'rã'wa hã.

1 Samuéu 18:10 ပူးပေါင်းရင်းမြစ်များ

Zezusihi zadawa wasuꞌuꞌwa norĩ nhimiromhuri na robꞌuiꞌéré 16:16

Tawamhã nimahã bâtâ na 'Re ihâimana u'âsi mono ma, 're idamreme zusi mono zéb u wasi'aba'réi ré, azarudu hã ma tô wawa'rãmi mo, pawa'âbâ ãna dama romhuri'wa hã. Wa'uburé ré 're hâimana mono wa, te marĩ hã romhâ ré te te dama 're awaihu'u siro, ta hã. Tawamhã azarutu wada'uri'wa norĩ hã ma tô rob'uiprazé hã ahâ na i'upana te te sima 're waibu, marĩ hã romhâ ré te te dama 're i'awaihu'u mono zé wa'â hã.

2 Tesalonita 2:11

Tô sena iwasu'uwẽ hã da te dasiwi 're wẽ'õ za'ra mono wa, 'Re ihâimana u'âsi mono hã te te dapawaptob õ di za. Tawamhã te te dapawaptob õ wa, te za oto dama pisutu za'ra, tizadawa nhipese na tô sena newa te te dawi i'udâ nhimiroti si, da te 're sazei pese za'ra mono da oto.

Zuize 16:20

Tawamhã te oto duré 'mahâ ãne: — Sãsã! Filisteu norĩ, ma we duré asô aihutu na sahu! Tawamhã utu wamhã, te duré ãne rosa'rata: “Wa za duré tiwi ĩsiwazere za'ra, tiwi 're ĩsisani u'âsi za'ra mono ne.” Ãhã wa, Sãsã hã te te sina waihu'u õ di, 'Re ihâimana u'âsi mono tãma isi'rézém na hã oto.

1 Samuéu 16:23

Tawamhã 'Re ihâimana u'âsi mono, wa'uburé te te isatõrĩ, 're zasi mono sidâpâsi, Sauhu wamhã, ma tô Dawi hã tinhipta'azé hã te te 're mrami, te te 're ta'a mono da hã. Tahawa, Sauhu hawimhã ma tô duré 're pusi, wa'uburé hã. Tahawa, ma tô duré apâ tãma 're rowẽ, Sauhu ma hã.

1 Samuéu 18:9

Tawamhã taha bâtâ hawim haré ma tô Sau hã Dawi te te 're 'ruiwapari u'âsi.

1 Samuéu 19:10

Tawamhã Sau Dawihi ãma te te 'ri na'rata nhiptâ'â pibu da, ma tô aré ãma simri tite isi'uwazi 'rã'wa na hã. Tane nherẽ, ma tô tiwi tiwa'a. Tahawa, ma tô 'ri na'rata si i'upana ãma siptâ'â. Tahawa, Dawi hã ma tô duré tiwi aimani, sina isõwẽ hawi.

1 Samuéu 19:7

Tawamhã Zonata ma tô oto sô hâ, Dawihi zô. Tahawa, ma tô uburé tãma wasu'u, imama te te tãma iwaihu'uzé hã. Tawamhã te te tãma rowasu'u pari, ma tô apâ saprõ Sauhu u hã. Tahawa, ma tô Dawi hã apâ te te tãma 're romhuri apito ma, iwana te te tãma 're iromhuri mono ne.

1 Samuéu 19:9

Tawamhã nimahã bâtâ na ma tô Uburé Danhib'apito wa'uburé hã itẽme satõ, Sauhu u hã, iwap sébré da. Tahawa, tinhorõwa ãma te nhamra tite isi'uwazi 'rã'wa ré tinhib'rata. Dawi hã te tame i'rata nhamra, tinhipta'azé hã te te ta'a sina.

1 Samuéu 26:19

Apito, te za ĩwapa, za te aima inharĩzém na hã. 'Re ihâimana u'âsi mono, ĩzada aihâimana da, te te ai'rãi pi'rai wamhã, te za õ hã danhoprubzém na tãma asõpru wamhã tinhimirosa'rata na hã ai'ãma saprĩ za. Tane nherẽ, duré, ãne na hã nima norĩ aibâ te te siwi 'manharĩ wamhã, tô za ibâre 'Re ihâimana u'âsi mono nhimihâzé isisiwi waptã'ã za'ra da hã. E marĩ wa. Õ norĩ hã ma tô siwi ĩwaze, Wanhib'apito 'Re ihâimana u'âsi mono nhipti'a nhiti, wasiré a'uwẽ'õ norĩ nhipti'ai u, ro hã romhâibarĩ na si 're idawata za'ra mono zéb u.