1 Samuéu 17:50 - ꞌRe Ihâimana Uꞌâsi Mono Zadawa Wasuꞌu

^50-51 Tawamhã ti'ai u waptã'ã wamhã, ma tô Dawi hã sô wara. Isisiwimhã tipara na ma tô za. Tahawa, ma tô duré oto ite sib'ézé 'wapa hã sada waze, iséme hawi. Taha na ma tô oto tiwĩ, te te i'rã nhizâri na hã. Ãne ma tô Dawi hã ãma ai'uté, Gulia ãma hã. Ma tô tiwĩ tô, ẽtẽ topsu'u na. Tawamhã filisteu norĩ hã ite da'wapéi'wa isiptede idâ'âzé hã te te 'madâ'â za'ra wamhã, ma tô õne haré aimani za'ra.

1 Samuéu 17:50 ပူးပေါင်းရင်းမြစ်များ

Zuize 15:15

Tahawa, ma te duré tame awaru po'repore idâ'â 'wa'ratahi ité inomro hã tisã. Tawamhã taha 'wa'ratahi te te sada i'âri za'ra na ma tô miu na aibâ norĩ hã uprosi.

Zuize 3:31

Tawamhã Eudihi za'u ma tô Sãga dama i'rãnho'u Anatehe 'ra hã te te 're da'a'madâ'â. Ta hã ma tô filisteu norĩ 600 na uprosi, isi'uwazi 'manharĩ na powawẽ zusizém na. Ãne ma tô õhõ zama Izaraéu nhihudu norĩ hã te te 're anho'reptu.

1 Samuéu 13:22

Tahawa, bâtâ na oto dasi'wapé da wamhã, dasi'wapéi 'manharĩ'wa Izaraéu nhihudu norĩ te hã hâimana õ di, sib'ézé 'wapa hã, duré isi'uwazi 'rã'wa hã. Tahawa, Sauhu norĩ te si i'ra Zonataha me hã te tãma tihâimana zahuré.

1 Samuéu 17:39

Taha pari, ma oto Dawi hã ti'usisizém na, Sau te sib'ézé 'wapa hã tisẽ. Tawamhã te te pibu da, ma tô suru na iré mo. Tane nherẽ, iré hã morĩ waihu'u õ di, tãma pire uptabi wa. E marĩ wa. Niwamhã ãne ré hã morĩ õ wa. Tahawa, te Sauhu ma tinha ãne: — Iré hã ĩmorĩ waihu'u õ di, niwamhã iré hã ĩmorĩ õ wa. Tahawa, ma tô Dawi hã apâ uburé sani za'ra.

1 Samuéu 17:49

Tahawa Dawi tisiwapsẽrẽ 're ma te ẽtẽ zô hã oto api. Tawamhã ma tô 'mai'â ẽne hã. Ma tô duré sada tisẽ powawẽ hâ 'manharĩ 're 'remhã. Taha pari, ma tô ãma simri, Gulia hã. Tahawa, ma tô ãma uwaimra Gulia uihâ hã. Tahawa, ma te õne haré waptãrã, ti'ai u hã ubu niwĩ.

1 Samuéu 19:5

Õ hã sĩrĩtĩ zawi õ di. Gulia simimnhasi nherẽ, ma tô tiwĩ. Tahawa, Wanhib'apito 'Re ihâimana u'âsi mono nhisi na ma tô ãma ai'uté, Izaraéu nhihudu norĩ te te anho'reptu da hã. Duré te te ãma ai'uté ré hã a hã ma tô asi'uihâ na i'madâ. Tahawa, aima rowẽ di. Ĩmama, e marĩ wa, te za bété ãne nherẽ, iwasédé hã tãma i'manha. E marĩ te te 'manharĩ bâ te za Dawi hã iwĩ.

1 Samuéu 21:9

Tawamhã Aimereti ma ãma tãma wa'rã ãne: — Iré hã filisteu Gulia iwĩrĩ nhi'wa Era na ẽtẽ siwa'aba nhisi ãma. Ta hã te 're sa'wari ubu pese na, sasedoti norĩ si'uzazé 're isa'wari mono babarãi ãma. Wẽ wamhã, taha si âri. Taha si te ãmemhã 're sa'wari, dasi'wapézé hã. Tawamhã Dawi te tãma tinha ãne: — Tô aimawi iwẽ hã 'maihâimana õ di isipai u hã. Tahawa, ma'ãpé taha si ĩma sõmri.

1 Samuéu 23:21

Tawamhã Sau ma tô asa ãma tãma wa'rãmi za'ra ãne: — Wa ĩsima wẽ, Wanhib'apito si iwẽ na te te aipawaptob za'ra wa'aba da, ĩma i'manharĩ wẽ za'ra wa'aba wa'rãmimhã.