1 Samuéu 17:37 - ꞌRe Ihâimana Uꞌâsi Mono Zadawa Wasuꞌu

³⁷ Wanhib'apito 'Re ihâimana u'âsi mono hã ma tô nasi ĩnho'reptu, hu'u zérépa wi, duré ursu wi. Tane te za duré ĩnho'reptu, ã hã filisteu te 'wapéi wamhã. Tawamhã Sau ma tô ãma sada'â ãne: — Wẽ di tô. Aimorĩ. 'Re ihâimana u'âsi mono si asiré hâimana da hã wẽ di, ĩma hã.

1 Samuéu 17:37 ပူးပေါင်းရင်းမြစ်များ

Salmu 118:6

Uburé Danhib'apito ĩsiré 're hâimana mono wa, wa hã 're ĩpahi waihu'u mono õ di. E marĩ, da te ĩ'ãma 're 'manharĩ mono da bâ.

Daniéu 3:17

'Ri're wa'wa 're, unhama ro'o u, da te wanhamra wamhã, 'Re ihâimana u'âsi mono ãma 're iwawata za'ra mono ma hã waihu'u pese di, unhama ro'o wi te te iwazani za'ra da hã, duré wama irob'manharĩ za'ra zém hawi te te iwanho'reptu za'ra da hã.

Zozué 1:17

Õne u'â Mozésihi mreme wa te 're iwapari pese za'ra mono ne, wa za tô duré aimreme zama wa te 're wapari pese za'ra. Uburé Danhib'apito, ate 'Re ihâimana u'âsi mono, za aime 're hâimana mono da, wa wasima wẽ za'ra ni, Mozésihi siré 're ihâimana mono ne.

Ruti 2:4

Tawamhã Buazi ma tô Rutihi ãma ronomro pesere õ ré, isãna're pesere wi, Belẽ hawimhã. Wisi wi, romhuri'wa norĩ ma, ma tô nharĩ za'ra, ãne: — Uburé Danhib'apito hã asiré 're hâimana za'ra wa'aba mono da, wa hã wa tô ĩsima te 're wẽ. — Uburé Danhib'apito hã rowẽ si te te aima 're pisutu mono da, wa wasima wẽ za'ra ni. — Ãne ma tô ãma tãma wa'rãmi za'ra, romhuri'wa norĩ hã.

1 Samuéu 17:36

Wa hã hu'u zérépa te ipãrĩ ré hã duré ursu zama. Tane wa za duré tãma rob'manha, filisteu ihâimana wasété ma hã, 'Re ihâimana u'âsi mono te dasi'wapéi 'manharĩ'wa norĩ zô ihârâ zahi ma hã.

1 Samuéu 17:38

Tawamhã Sau ma tô tãma tisõ, tite dasi'wapé da ãma 're isi'uza mono zé ihâ tede hã, Dawihi ma. Ma duré tãma tisẽ, ti'rãzaza hâ tede ẽtẽ topsada brõzi 'manharĩ hã. Duré ma tô tãma tisẽ, danho'utu'ubuzé ihâ tede hã.

1 Samuéu 20:13

Ĩmama, marĩ aihâiba na te te 'manharĩ wasété da wamhã, taha zarina apâ rowasu'u na te ãma aima siri õ wamhã, duré wẽ na aiwatobro da, te dawi ai'madâ'â wẽ õ wamhã, wa za ĩsi'ru 'Re ihâimana u'âsi mono te te ĩwĩrĩ da hã. Ĩmama siré 're ihâimana mono ne, asiré 're hâimana mono neza 'Re ihâimana u'âsi mono hã.

1 Samuéu 24:19

E ni'wa hã te aré tinhitob'ru hã satõ, dâ'â ãna morĩ da hã, te te âri parimhã asine. Mare di. Tahawa, te za Wanhib'apito hã iwẽ na hã aipawapto, ã bâtâ na ĩma i'manharĩ wẽ zé wa'rãmi.

1 Samuéu 26:25

Tawamhã Sau ma tô ãma tãma wa'rã ãne, Dawihi ma: — Ĩ'ra, wa ĩsima aiwẽ, 'Re ihâimana u'âsi mono hã iwẽ si te te aima 're apisutu mono da. Uburé marĩ hã 're i'manharĩ mono hã te za wẽ na 're wairébé. Tahawa, Dawi hã ma tô oto apâ mo. Sauhu zama ma tô apâ mo, tinhorõwa u.

1 Samuéu 7:12

Tawamhã Samuéu hã ma tô ti'â ẽtẽ tõmo wawẽ hã. Tawamhã ma tô tihi, Mispa na 'ri nho'õmo ro wa'wa, Sẽ na daza'ru nhisi wa'wa me. Tawamhã te ãne tinha: — Ãwap si ma tô Uburé Danhib'apito hã wapawaptob za'ra. Tahawa, ma tô sisi, Ebeneze na.