1 Samuéu 17:34 - ꞌRe Ihâimana Uꞌâsi Mono Zadawa Wasuꞌu

^34-35 Tawamhã Dawi te asa tãma tinha ãne: — Ĩnhib'apito, wa hã wa ĩmama nhimizama pone'ẽrebâ hã te 're ab'madâ'â. Te 're ab'madâ'â mono ré, hu'u zérépa hã te te 'mai'âri wamhã, niha wamhã, ursu hã te te 'mai'âri wamhã, wa hã wa za isarina hã mo, te 'wapé da hã, duré apâ te tiwi âri da hã, pone'ẽrebâ hã. Duré hu'u zérépa te te ĩ'wapéi wamhã, niha wamhã duré ursu hã te te ĩ'wapéi wamhã, wa za ĩsima tété ibutu na, te 're 'wapsisi mono da hã, te ĩwĩrĩ zéb u.

1 Samuéu 17:34 ပူးပေါင်းရင်းမြစ်များ

Zenezi 31:39

Niwamhã asimizama, abaze zahi te te 're isimroi mono hã te aima 're a'ãwisi mono õ di. Wa hã wa tô, tô 're ĩsi'madâ'â, 're isimani za'ra mono na hã. A hã ma tô duré 're ĩwati mo bâtâ na, duré bara na da te 're simi'uri za'ra mono na hã.

Luca 2:8

Tamemhã pone'ẽrebâ 'madâ'â'wa norĩ hã ma tô mara bâre asimro, Belẽ 'rata. Tinhimizama te 'madâ'â za'ra a'ubuni wimhã, rom na.

Zuwã 10:11

— Wa hã pone'ẽrebâ 'madâ'â'wa iwẽ na, wa ĩsiwasu'u. Pone'ẽrebâ 'madâ'â'wa iwẽ, i'u'âbâ za'ra dâ'â da nherẽ, tihâiba te te 're sawi mono õ di.

Roma 5:4

Ropire nherẽ, danhimi'ẽ na 're idahâimana za'ra mono na, te 'Re ihâimana u'âsi mono te te sima da'ãma 're arowẽ. Duré te te sima da'ãma 're i'arowẽ mono zéb zarina, te za 'Re ihâimana u'âsi mono nhimiropisutuzéb zô dato sina 're danhimipari za'ra, da te 're sazei utõrĩ za'ra mono ãna.

Hebreu 11:33

Ta norĩ hã 'Re ihâimana u'âsi mono si te te sina 're i'umnhasi za'ra mono zéb zarina, ma tô te te da'ãma 're ai'uté za'ra, 'Re ihâimana u'âsi mono zadawa para, daro hã te te dawi 're waibui mono da. Ta norĩ hã iwẽ si te te 're 'manharĩ u'âsi za'ra mono wa, ma tô iwẽ uptabi hã te te sima 're waibu, 'Re ihâimana u'âsi mono te te tãma iropisutu za'ra zéb zarina. Duré hu'u zérépa hã ma tô te te 're sadai'ré nhitob za'ra tinhib'rata na, te te 're simro tõ mono da.

Apocalipsi 13:2

Duré ihâiba hã, hu'u hâiba ne. Ipara hã robzahi para ne hã ursu para ne. Duré isadai'ré hã, aiwa hu'u zérépa zadai'ré ne, isadai'ré hã. Tawamhã ho'orã hâiba ne ropoto siwamnarĩ hã, Satanasi hã ma tô tinhiptetezé hã tãma tisõ, isadawa para siré te te da'ãma 're romhuri wasété zahuré mono da, isimiromhuri waihu'u pese zém na.

Zuize 14:6

Tane nherẽ, Uburé Danhib'apito pẽ'ẽzani, Sãsã siptete na hâimana da hã, ma tô tãma tisõ. Tahawa tinhib'rata na si nherẽ, ma tô Sãsã, hu'u zérépa hã te te sinarĩ, pone'ẽrebâ zéré uzé 'ra nhi, da te 're isinarĩ mono ne. Tane nherẽ, timama norĩ ma, tina me hã te te tãma wasu'u zahuré õ di, niha na tãma iromhâimana zarina te te i'manharĩzé hã.

1 Samuéu 17:33

Tane nherẽ, Sau te ãne tãma tinha: — Mare di. Ã hã filisteu, a hã 'wapéi õ di za. E marĩ wa. Zahadu a hã ai'reputure, duré õ hã si'ai'reputu hawim haré te dasi'wapéi 'manharĩ'wa na 're hâimana u'âsi.