1 Samuéu 17:29 - ꞌRe Ihâimana Uꞌâsi Mono Zadawa Wasuꞌu

²⁹ Tawamhã Dawi ma ãma tãma wa'rã ãne: — E marĩ te 'manharĩ bâ, ãhã na hã. E niha wa za bété ĩnhinharĩ ãna ĩhâiba, marĩ te waihu'u ãna, ĩhâimana da hã.

1 Samuéu 17:29 ပူးပေါင်းရင်းမြစ်များ

Provébiu 15:1

'Re dazahi za'ra mono nherẽ, damreme wẽ na da te ãma 're idazada'âbâ za'ra mono zé hã, te za atãma na dahâimanazéb u hã dawi ãma saprĩ ni. Tazahã, damreme tete na dazada'âbâzé hã te za dazahi hã ãma dama hâimo ni.

1 Corĩtu 2:15

'Re ihâimana u'âsi mono pẽ'ẽzani, ipẽ'ẽ 're, tãma 're ihâimana za'ra mono norĩ si, te oto te te 're waihu'u za'ra, uburé te te tãma 're iroti za'ra mono zéb zarina, niha oto 're ihâimana za'ra mono zéb da hã. Tahawa, isazei'õ'wa norĩ hã te te oto 're wawaihu'u za'ra mono õ di, aimawi 're wahâimana za'ra mono wa oto.

1 Pedru 3:9

Duré asada 're dahâimana wasété za'ra wa'aba mono wamhã, asa dama ãma 're wa'rãmi za'ra wa'aba mono õ di za, aihâimana wasété na. Duré dapẽ'ẽ na taré da te 're ai'ruiwapari za'ra wa'aba mono wa, da te aima 're nharĩ za'ra wa'aba mono nherẽ, asa dama ãma 're wa'rãmi za'ra wa'aba mono õ di za, aimreme wasété na hã. Wamama wi si, te za ta norĩ ma 're iwaptẽrẽ za'ra wa'aba mo, iwẽ si te te tãma 're sõmri za'ra mono da, ta norĩ ma hã. Ãne da, ma tô Wamama hã sitẽme asô tihârâ za'ra wa'wa, iwẽ na si aima 're sõprub za'ra wa'aba mono da.

1 Samuéu 17:28

Tawamhã Eliabe dadub'rada ipoto'rada hã ma tô wapa dasi'wapéi 'manharĩ'wa norĩ te te sadanharĩ za'ra ré hã. Tahawa, ma tô tinhobabati da hã ab'ru. Tahawa, te ãne tãma tinha: — E marĩ te ãmemhã i'manha. E 'wa hã te duré asô 'madâ'â za'ra, pone'ẽrebâ norĩ, a'ubuni wi hã. A hã ma tô we aimo, dasi'wapé taré 'madâ'â da si!

1 Samuéu 17:30

Tawamhã te duré Dawi hã tô õhõ ãma isinharĩzém na ãma sadanha, dasi'wapéi 'manharĩ'wa ihâiba amo hã. Tawamhã tô õne ma duré wapa, te te tãma iwasu'uzéb 'rata ne.