1 Samuéu 17:28 - ꞌRe Ihâimana Uꞌâsi Mono Zadawa Wasuꞌu

²⁸ Tawamhã Eliabe dadub'rada ipoto'rada hã ma tô wapa dasi'wapéi 'manharĩ'wa norĩ te te sadanharĩ za'ra ré hã. Tahawa, ma tô tinhobabati da hã ab'ru. Tahawa, te ãne tãma tinha: — E marĩ te ãmemhã i'manha. E 'wa hã te duré asô 'madâ'â za'ra, pone'ẽrebâ norĩ, a'ubuni wi hã. A hã ma tô we aimo, dasi'wapé taré 'madâ'â da si!

1 Samuéu 17:28 ပူးပေါင်းရင်းမြစ်များ

Zenezi 37:11

Tawamhã isisãnawã norĩ te duré siwi 'ruiwapa, tino hã. Tane nherẽ, te imama si taré ãma rosa'rata u'âsi, ti'ra nhimirosawẽrẽ na hã.

Zenezi 37:4

Tawamhã Zuzéhé si, imama isipai u za'ra te te 're isawi pese mono na, ma tô isisãnawã norĩ hã ãma siwi waihu'u. Tahawa te tino hã te te siwi 're 'ru 'manharĩ. Te duré timreme tete na si te te tãma 're nharĩ za'ra.

Zenezi 37:8

Tawamhã isisãnawã norĩ ma te ãma sada'âbâ za'ra ãne: — E a hã wanhib'apito na wama 're aihâimana za'ra mono da bâ. E duré 're wa'awada'uri mono da bâ. Tawamhã ma tô oto tame sima 'rui poto pese za'ra, tinhimirosawẽrẽ te te tãma iwasu'u za'ra zéb ãma, ãne na hã.

Provébiu 18:19

'Ri nho'õmo 'wawi wa'ra isiptete na da te ãma 're i'ai'uté za'ra mono nhipai u pire uptabi di, dasiwaihu'u me da te dasima 're pẽtẽ za'ra mono wa, apâ dasina 're idasihâibatob za'ra mono da hã. Damreme na dasi'wapé hã 'ri nho'õmo tẽme danhisisizé 'ridawa za'ẽne da te dawi 're itété tete za'ra mono ne hã te 're hâimana.

Provébiu 27:4

Danhiti'ru hã, da'ãma dasiba'õzé, te 're hâimana. Dahâimana wẽ uprosi'wa, te duré 're hâimana. Tane nherẽ, marĩ na da te 're ida'ruiwapari za'ra mono zé hã wasété uptabi di, isipai u.

Mateu 10:36

Ãne te za dasisãnawãi uptabi nherẽ, dasina 're danhitob'ru uptabi za'ra, 'râwi dasiré 're dahâimana za'ra mono nherẽ.

Marcu 3:21

Tawamhã Zezusihi wasu'u te te wapari za'ra wa, ma tô sô ai'aba'ré, 'ri 're, siré 're ihâimana za'ra mono norĩ hã. Ma tô ni'wam norĩ hã i'rã siwamnarĩ na Zezusihi ãma romnomri za'ra. Taha wab zama, te sô ai'aba'ré, Zezusihi zô, ta norĩ hã.

Zuda 1:10

Tane nherẽ, te aibâ iwasété norĩ hã rosa'rada hã uburé tãma iwaihu'u za'ra õ ma, nharĩ wasété za'ra. Robzari norĩ hã rosa'rata ãna siwa'ru 're ihâimana za'ra mono ne, te ta norĩ hã 're hâimana za'ra, simirosa'rata 'wa'rutu na. Taha zarina te za ai'utõ.

1 Samuéu 16:13

Tawamhã Samuéu ma tô oto ti'â abazei u azeitona 'rãi wa'ui ré hã. Taha na ma tô oto 'rãti'i Dawi hã, isisãnawã norĩ nho're. Tahawa, 'Re ihâimana u'âsi mono pẽ'ẽzani hã ma tô Dawihi wamhã oto iwab ãzé siptete na ãma 're ihâimana mono zéb da hã. Tawamhã ta hawim haré ma tô ipẽ'ẽ 'remhã 're hâimana. Tawamhã Samuéu Rama u te oto apâ mo.

1 Samuéu 16:7

Tane nherẽ, te Uburé Danhib'apito tãma tinha ãne: — Ihâiba mana wawi iwẽ na hã duré i'rãihâ na hã, 'madâ'â ze tõ, ã hã aibâ hã. Wa tô wẽ'õ wa hã. E marĩ wa. Dahâiba wẽ zéb zarina da te 're idapisutu za'ra mono ne hãi õ wa, ĩnhimipisutuzé hã. Dapẽ'ẽ 're dahâimana wẽ zéb zarina si ĩnhimi'madâ'âzé hã, wa hã.

1 Samuéu 17:29

Tawamhã Dawi ma ãma tãma wa'rã ãne: — E marĩ te 'manharĩ bâ, ãhã na hã. E niha wa za bété ĩnhinharĩ ãna ĩhâiba, marĩ te waihu'u ãna, ĩhâimana da hã.