1 Samuéu 17:22 - ꞌRe Ihâimana Uꞌâsi Mono Zadawa Wasuꞌu

²² Tawamhã Dawi marĩ te te iduri hã ma tô tirẽ, rob'madâ'â'wai ma. Tahawa, ma tô sisõré pese na sisada isimasabzéb u hã wara sina wara. Tawamhã tisisãnawã norĩ tẽmemhã ma tô rosahutu oto. Tawamhã wisi wi, ma tô sadanharĩ za'ra, rowẽ zô hã.

1 Samuéu 17:22 ပူးပေါင်းရင်းမြစ်များ

Zenezi 37:14

Tawamhã Zaco te duré tãma tinha ãne: — Te za aimo, asisãnawã norĩ rowẽ zô, duré pone'ẽrebâ norĩ rowẽ na simasab zô sabu za'ra da, iwasu'u za'ra we ĩma âri da. Tawamhã ta hawi Hebrõ na romharé nhisi hawi ma tô Zaco ti'ra Zuzé hã satõ, Siquẽ u morĩ da. Tahawa Zuzé ma tô oto mo. Tawamhã tamomo oto wisi wamhã,

Ezodu 18:7

Tawamhã Mozési, Zetru te te sina uzusi da ma tô watobro. Oto itẽme wisi wamhã, ma tô tãma iwazéb zarina tãma aiwẽ'ẽ. Tob'rata hârâ na ma tô duré sawi. Rowẽ zô te duré sadanharĩ zahuré. Taha pari Mozésihi nhorõwa u ma te oto tizasi zahuré siré.

Zuize 18:15

Tawamhã Micaha nhorõwa u, levita norĩ siré iprédupté 're isãmra mono zéb u ma tô asisi. Sisisi wamhã, ma tô iprédupté hã siwi sawi.

Zuize 18:21

Tawamhã ta norĩ tirob u apâ si'ãsi za'ra da hã, ma tô ai'uté norĩ, powawẽ norĩ hã duré tinhimarĩ hã danhowamhã sõré za'ra. Taha pari ma tô oto ai'aba'ré.

1 Samuéu 17:21

Tawamhã dasi'wapéi 'manharĩ'wa norĩ filisteu norĩ hã duré Izaraéu nhihudu norĩ dasi'wapéi 'manharĩ'wa norĩ hã ma tô sisõ're sisada hã sõré pese na aimasa.

1 Samuéu 25:5

Tahawa, ma tô 10 na ai'reputu norĩ hã satõrĩ za'ra Carmeru u hã. Taha wana ré ma tô ãne tãma waihu'u za'ra: “Ĩmreme hã te za asiwi i'âri 'wa, Nabauhu ma. Tawamhã asiwi sõpẽtẽ aba wamhã, te za asiwi isawi wa'wa, ĩnhisi na.

1 Samuéu 30:21

Tawamhã Dawi hã ma tô apâ mo, 200 na aibâ norĩ sadâ'â uptabi za'ra wa, ime isi'aba'réi õ norĩ u, Bezo na panho'õmo nhisi ãma isa'u isi'ubumroi u hã. Tawamhã ma tô aibâ norĩ hã wairé, Dawi norĩ hã, ite aibâ norĩ me, te te sõpẽtẽ za'ra da hã. Tawamhã Dawi ma tô 'râwi itẽme tiwisi za'ra. Tahawa, ma tô õne haré azawi, tinhib'a'uwẽ norĩ hã.