1 Samuéu 17:21 - ꞌRe Ihâimana Uꞌâsi Mono Zadawa Wasuꞌu

²¹ Tawamhã dasi'wapéi 'manharĩ'wa norĩ filisteu norĩ hã duré Izaraéu nhihudu norĩ dasi'wapéi 'manharĩ'wa norĩ hã ma tô sisõ're sisada hã sõré pese na aimasa.

1 Samuéu 17:21 ပူးပေါင်းရင်းမြစ်များ

Ruti 1:2

Aibâ nhisi hã Elimelequi na, duré imro nhisi hã Noẽmi na. I'ra norĩ nhisi hã Marõ na duré Quiri'õ na. Ã norĩ hã Efrata na 'ri wa'õtõ nhisi hawimhã, Belẽ na 'ri nho'õmo nhisi 'ratamhã, Zuda ãma hã. Moabi u ma tô ai'aba'ré, tame 're hâimana za'ra mono da a'â.

1 Samuéu 17:20

Tawamhã ãne bâtâ na awẽm na, ma tô Dawi hã oto udu mararé. Tahawa, ma tô pone'ẽrebâ norĩ hã da te sô 'madâ'â za'ra da hã dama sa'ré. Taha pari, imama Zésé te te tãma i'ru te te iduri da hã ma tô oto ti'â. Tawamhã ma tô oto wi, da te dasima i'ri nhoré za'ra zéb u hã, Izaraéu nhihudu norĩ hã, si'wapé za'ra da hã nasi hãsi mono ré wairébé mono sina isisõré pese da hã, za isi'wapé za'ra zéb u hã.

1 Samuéu 17:22

Tawamhã Dawi marĩ te te iduri hã ma tô tirẽ, rob'madâ'â'wai ma. Tahawa, ma tô sisõré pese na sisada isimasabzéb u hã wara sina wara. Tawamhã tisisãnawã norĩ tẽmemhã ma tô rosahutu oto. Tawamhã wisi wi, ma tô sadanharĩ za'ra, rowẽ zô hã.

1 Samuéu 4:2

Tawamhã filisteu norĩ hã ma tô oto sisõré pese za'ra, sisisi da, si'wapé za'ra da hã. Tawamhã oto si'wapé za'ra wamhã, ma tô ãma ai'uté za'ra, Izaraéu nhihudu norĩ ãmamhã. Tahawa, dasi'wapéi 'manharĩ'wa norĩ hã ma tô 4 miu na ihâiba za'ra na hã siwi uprosi.