1 Samuéu 17:12 - ꞌRe Ihâimana Uꞌâsi Mono Zadawa Wasuꞌu

¹² Dawi hã Zéséhé 'ra, Efrata na ti'ai wa'õtõ wa 'ri'ahâ nhisi ãma 're ihâimana mono. Zudaha nhihudu norĩ te 'ri'ahâ Belẽ 'rata. Zéséhé 'ra si aibâ norĩ hã uburé hã 8 na. Tawamhã Sau hã apito na 're hâimana mono ré hã, Zésé hã hâiba prédu pese uptabi di oto.

1 Samuéu 17:12 ပူးပေါင်းရင်းမြစ်များ

Zenezi 35:19

Raqueu dâ'â wamhã, ma tô Efrata u bâdâdi zada'ré ãma dasiwi sẽrẽ ni, ãhã na 'ri wa'õtõ nhisi hã Belẽ na.

Salmu 132:6

Asimiroti na rob'ui'éré ré wedehâ're 'manharĩ, Efrata ãma isam na, wa te waihu'u za'ra wamhã, wa tô duré Zearĩ na itehutu wamri ãma wasiwi sõpẽtẽ ni.

Mateu 1:6

Zésé hã apito Dawihi mama. Dawi hã Salomahã mama. Uriasi idâ'â mro wa, ipodo, Saloma hã.

Mateu 2:1

Tawamhã Zezusi hã ma tô podo, Belẽ na 'ri nho'õmo nhisi ãma, Zudéa na danhipti'a nho'õmo nhisi ãma. Apito Erodi hã, Izaraéu nhihudu norĩ te te 're 'madâ'â za'ra mono ré, ma waptãrã. Waptã'ã parip si, ma tô wasi na romnhoré'wa norĩ hã aihutu Zeruzalẽ u, bâtâ pusizém hawi, rowaihu'u pese 'wa norĩ hã.

Mateu 2:6

“A norĩ wa'wa hã Belẽ ãma 're aihâimana za'ra wa'aba mono norĩ Zudaha nhihudu norĩ nhipti'ai ãma 're aihâimana za'ra wa'aba mono norĩ hã dama aiwapu na 're aihâimana za'ra wa'aba mono newa, te za oto dama asisi za'ẽtẽ na dama 're aihâimana u'âsi za'ra wa'aba mo. E marĩ wa. Tame danhib'apito da hã za poto wa, ĩnhib'a'uwẽ norĩ hã te te 're ab'madâ'â pese mono da, Izaraéu nhihudu norĩ hã.”

Ruti 1:2

Aibâ nhisi hã Elimelequi na, duré imro nhisi hã Noẽmi na. I'ra norĩ nhisi hã Marõ na duré Quiri'õ na. Ã norĩ hã Efrata na 'ri wa'õtõ nhisi hawimhã, Belẽ na 'ri nho'õmo nhisi 'ratamhã, Zuda ãma hã. Moabi u ma tô ai'aba'ré, tame 're hâimana za'ra mono da a'â.

Ruti 4:17

Tawamhã pi'õ norĩ hã iwaptoma 're isi'ubumroi mono norĩ hã te te 'madâ'â za'ra wamhã, ma tô sima nharĩ za'ra: — Noẽmihi ma, i'ra ma te 'maipodo. Tawamhã Obedi na ma tô siwi sisi, ai'uté hã. Ta hã Zéséhé mama da hã Obedi hã. Duré Zésé ta hã apito Dawihi mama.

1 Samuéu 1:1

Tawamhã aibâ te 're 'maihâimana, Efraĩhĩ nhihudu, Eucana na isisi 'ri nho'u Rama na isisi ãma 're ihâimana mono, Efraĩhĩ nhihudu norĩ nhipti'ai 'rã nho'õmo ãma hã, ẽtẽ 'rãihâ si 're iromhâimana mono ãma. Ta hã Zero'ãhã 'ra, Eri'uhu nhihudu, To'uhu 'ra nhihudu, duré Zupihi 'ra nhihudu 'ra.

1 Samuéu 16:1

Tawamhã Uburé Danhib'apito te Samuéu ma tinha ãne: — E momo te za Sauhu ãma aipẽ'ẽzézé hã i'rãsu. Wa hã te ĩsima wẽ zahu õ di, Izaraéu nhihudu norĩ nhib'apito na 're ihâimana mono da hã. Tahawa, ma'ãpé azeitona 'rãi wa'u hã 'masisi abazei õmo 're, asiré âri da. Taha parimhã te za aimo, Belẽ na 'ri'ahâ nhisi u aibâ Zésé na isisi nhorõwa u. E marĩ wa. Wa hã i'ra norĩ wa tô 'maipisutu, i'masi'apito da hã.

1 Samuéu 16:18

Tawamhã tãma romhuri'wa ma tô ãma 'mazada'â ãne: — Wa hã ĩma waihu'u pese di, 'ri'ahâ Belẽ na isisi ãma Zésé 're isãmra mono 'ra hã. Ta hã rowamreme wẽ 'wai uptabi. Ta hã duré ipahi waihu'u õ, isiptede, duré dasi'wapéi 'manharĩ'wa iwẽ, imreme wẽ, duré ihâiba wẽ. Uburé Danhib'apito hã te duré ime 're hâimana.

1 Samuéu 17:11

Tawamhã ãne hã Sau, duré tite dasi'wapéi 'manharĩ'wa norĩ me te te wapari za'ra wamhã, ma tô imreme ma tipahi pese za'ra.

1 Samuéu 17:58

Tawamhã te Sau hã sadanha ãne: — E 'wa hã a hã. Tawamhã te tãma siwasu'u ãne: — Wa hã aima romhuri'wa Zéséhé 'ra, Belẽ ãmamhã.