1 Samuéu 16:22 - ꞌRe Ihâimana Uꞌâsi Mono Zadawa Wasuꞌu

²² Tahawa, ma tô imama Zéséhé ma romreme tãma tisõ ãne: — Ĩma hã wẽ uptabi di, ai'ra Dawi hã. Tahawa, e we tãma waprosi õ di za, ãme 're hâimana mono da, ĩnhimiromhurizéb ãma.

1 Samuéu 16:22 ပူးပေါင်းရင်းမြစ်များ

Zenezi 30:27

Tawamhã Labã, ma te ãma sada'â ãne: — Ĩzawi na hã ma'ãpé ĩ'rata 're aihâimana u'âsi mono. E marĩ wa. Wa hã marĩ te i'manharĩ nhipese na, wa tô waihu'u, aihâiba u'âbâmhã Uburé Danhib'apito iwẽ na te te 're ĩpawapto mono zéb zarina hã.

Zenezi 39:4

Ãne zarina ma tô Zuzé, isib'ihâ'a hã wẽsã. Tahawa, ma tô pisutu, õhõ ma si ipawapto'wa na 're hâimana mono da. Isõrõwa te te 're 'madâ'â mono da, duré uburé isimarĩ hã te te tãma 're ab'madâ'â mono da ma tô tãma tisõ, isib'rata.

Daniéu 1:5

Tawamhã Babilonia ãma apito, ma tô duré ti'ru, tô õ norĩ Izaraéu nhihudu ipréduptém norĩ ma, awẽ sidâpâsi apito ãma 're isai mono zé hã te te tãma 're a za'ra mono da, duré awẽ sidâpâsi uwa 'rãi wa'u isé na tisa te te ãma 're isimihâri mono zé hã te te tãma 're sa'wari za'ra mono da. Tawamhã si'ubdatõ wahu parimhã, te za ipréduptém norĩ hã ãma sãna'rata za'ra, apito nhimiromhurizé 'ri 'rãihâ 're, tinhimiromhuri za'ra na hã.

1 Samuéu 16:21

Tawamhã Dawi hã ma tô oto mo. Morĩ wamhã, ma tô nasi tãma romhu, Sauhu ma hã. Tahawa, Sauhu ma hã wẽ uptabi di Dawi hã. Tawamhã ma tô oto pisutu isi'wapézé hã te te tãma 're mrami mono da.

1 Samuéu 16:23

Tawamhã 'Re ihâimana u'âsi mono, wa'uburé te te isatõrĩ, 're zasi mono sidâpâsi, Sauhu wamhã, ma tô Dawi hã tinhipta'azé hã te te 're mrami, te te 're ta'a mono da hã. Tahawa, Sauhu hawimhã ma tô duré 're pusi, wa'uburé hã. Tahawa, ma tô duré apâ tãma 're rowẽ, Sauhu ma hã.