1 Samuéu 16:20 - ꞌRe Ihâimana Uꞌâsi Mono Zadawa Wasuꞌu

²⁰ Tawamhã Zésé ma tô ti'ra Dawi hã tãma satõ, Sauhu ma. Tahawa, Dawi hã ma tô tinhibzari te te tãma isõmri da hã tãma ti'â, abazei hâ na ub'rẽ 'manharĩ i'masi hã uwa 'rãi wa'u isé na. Ma tô duré tãma saprõ, pone'ẽrebâ zéré uzé 'ra hã. Tawamhã i'u'ẽtẽ wapu ré hã ma tô duré tãma iré saprõ, awaru po'repore hã.

1 Samuéu 16:20 ပူးပေါင်းရင်းမြစ်များ

Zenezi 43:11

Tawamhã te imama ãne tãma tinha: — Niha hã aimawi hã te oto aima waihu'u õ di. Tahawa ãne te za pé asiwi i'manharĩ 'wa za: Õ hã aibâ ma, taré tãma asõprub za'ra wa'aba zéb da hã te za ate wa'aba mono bâ sa'ui 're asiwi iséme aba mo. Wanhipti'ai 're, marĩ iwẽ 're ihâimana za'ra mono hã te za tãma i'wasari 'wa, taré tãma sõmri za'ra wa'aba da, suru na ba'usamo na wedewa'u tom nhisi hã, suru na ropĩ hã, suru na dasaiwarĩrĩzé hã, duré suru na amiduwi sine hã.

Provébiu 18:16

Dama ipire ma nharĩ da, asima wẽ wamhã, asibzari taré tãma âri, sitẽme te te ai'âri su'u da.

1 Samuéu 10:27

Tane nherẽ, te ni'wam norĩ hã 're ihâimana wasété za'ra mono hã nharĩ za'ra ãne: — E niha te za õ hã aibâ hã merẽ wa'anho'reptu. Tawamhã ta norĩ hã ma tô siwi wẽ'õ pese, Sau hã. Tahawa, tinhoprub za'ra zé hã te te tãma sõmri za'ra õ di. Tane nherẽ, Sau hã te ari'iwi tihâiba, te te nharĩ õ pese na.

1 Samuéu 10:4

Tawamhã ta norĩ hã te za siwi asawi. Te za duré i'u'ẽtẽ wapu hã maparane aima wẽ za'ra. Tawamhã a hã wẽ'õ õ di za, isibzari za'ra hã.

1 Samuéu 16:19

Tahawa, ma tô oto Sau hã aibâ norĩ hã satõrĩ za'ra ãne na romreme ré, Zéséhé u hã: — Ai'ra Dawi hã we ĩtẽme satõrĩ, pone'ẽrebâ te te 're i'ab'madâ'â mono hã.

1 Samuéu 17:18

Tawamhã duré powawẽ hâiwa'u u'ẽtẽ 'manharĩ zama 10 na ãma duri za, dasi'wapéi 'manharĩ'wa norĩ 'madâ'â'wai ma da hã. Ma'ãpé oto aimorĩ, rowẽ zô asisãnawã norĩ sabu za'ra da, rowẽ na ihâimana za'ra zém na hã rowasu'u iwẽ hã we ĩma âri da.

1 Samuéu 25:18

Tahawa, ma tô Abigaiu hã waibu 200 na i'u'ẽtẽ wapu hã. Ma duré timra maparane romhâ 'manharĩ na ub'rẽ i'masi hã uwa 'rãi wa'ui ré hã. Ma tô duré timra 5 na pone'ẽrebâ isebre hã, duré amnho trigu 'rã zebre hã 17 na ipire pibuzém na. Duré 100 na ma tô timra i'ru 'ré na uwa 'rãi'ré prã 'manharĩ na i'u'ẽne hã, duré 200 na figuera wede 'rãi'ré prã 'manharĩ na i'u'ẽne hã. Taha pari, ma tô oto sima wasisi, awaru po'repore ba nhisiwimhã.