1 Samuéu 16:16 - ꞌRe Ihâimana Uꞌâsi Mono Zadawa Wasuꞌu

¹⁶ Ma'ãpé tahawa wasi'aba'ré da hã wazatõrĩ za'ra na, aibâ rowamreme waihu'u pese 'wa zô 're wanhopré mono da. Tawamhã duré wa'uburé aiwap sébré da, we atẽme morĩ wamhã, aibâ te za rowamremezé hã ta'a. Ãhã wamhã, apâ aima rowẽ di za.

1 Samuéu 16:16 ပူးပေါင်းရင်းမြစ်များ

1 Samuéu 10:5

Tawamhã taha parimhã te za aimo, 'rinho'u Zibea na isisi ãma, 'Re ihâimana u'âsi mono te, ẽtẽ'rãihâ u, filisteu norĩ te te sima i'ri nhoré za'ra zéb u. Tawamhã 'ri nho'õmo u 're idanhisisi mono zéb ãma te za 'Re ihâimana u'âsi mono zadawa 'mahârâ'wa norĩ hã isõpẽtẽ za'ra, ẽtẽ nhisi wedezane 'manharĩ danhoprubzém hawi isi'aba'ré hã. Ta norĩ hã rowamremezé hã te te ta'a za'ra mono sina te za isõpẽtẽ za'ra, ropta'azé hã, ub'rãtã hi ne na danhimnhihârâzé hã, duré isõrõta'are hã. Tawamhã ã norĩ hã 'Re ihâimana u'âsi mono mreme na te te dama rowasu'u za'ra ré te za isõpẽtẽ za'ra.

1 Samuéu 16:14

Tawamhã Uburé Danhib'apito pẽ'ẽzani hã ma tô oto watobro, Sauhu hâiba hawimhã. Tahawa, ma tô oto iwa'rãmi iwab ãzé, wa'uburé hã, 'Re ihâimana u'âsi mono te te itẽme tãma irob'ru hã. Tahawa, te oto wa'uburé hã wasutu.

1 Samuéu 16:15

Tawamhã te Sauhu ma romhuri'wa norĩ hã tãma nharĩ za'ra ãne: — Wa norĩ hã wa tô waihu'u za'ra ni, 'Re ihâimana u'âsi mono wa'uburé we te te atẽme isatõrĩ te te i'aiwasutu na hã.

1 Samuéu 16:17

Tawamhã Sau ma tô tãma waihu'u za'ra ãne: — Ma'ãpé aibâ rowamreme wẽ 'wa zô asõpré wa'aba mono da ai'aba'réi wa'aba. Tawamhã asiwi 'manhopẽtẽ aba wamhã, we ãwa asiwi saprõni aba za.

1 Samuéu 18:10

Tawamhã ãma awẽ wamhã, ma tô wa'uburé itẽme satõ, 'Re ihâimana u'âsi mono hã Sauhu wa, iwap sébré da. Tahawa, ma tô 'rãihaiwamna, 'ri paramhã. Dawi hã te ropta'a tinhipta'azém na hã, awẽ sidâpâsi te te nasi iropta'azém ne. Taha ré te Sau hã tinhib'rata na tété, isi'uwazi 'rã'wa hã.

1 Samuéu 19:9

Tawamhã nimahã bâtâ na ma tô Uburé Danhib'apito wa'uburé hã itẽme satõ, Sauhu u hã, iwap sébré da. Tahawa, tinhorõwa ãma te nhamra tite isi'uwazi 'rã'wa ré tinhib'rata. Dawi hã te tame i'rata nhamra, tinhipta'azé hã te te ta'a sina.