1 Samuéu 16:13 - ꞌRe Ihâimana Uꞌâsi Mono Zadawa Wasuꞌu

¹³ Tawamhã Samuéu ma tô oto ti'â abazei u azeitona 'rãi wa'ui ré hã. Taha na ma tô oto 'rãti'i Dawi hã, isisãnawã norĩ nho're. Tahawa, 'Re ihâimana u'âsi mono pẽ'ẽzani hã ma tô Dawihi wamhã oto iwab ãzé siptete na ãma 're ihâimana mono zéb da hã. Tawamhã ta hawim haré ma tô ipẽ'ẽ 'remhã 're hâimana. Tawamhã Samuéu Rama u te oto apâ mo.

1 Samuéu 16:13 ပူးပေါင်းရင်းမြစ်များ

Salmu 89:20

Ĩnhib'a'uwẽ Dawi, si'apito da hã, wa hã wa tô pisutu. Wa tô rob'rãi wa'u to iwazéb zahi na hã 'rãti'i.

Salmu 89:21

Ĩnhib'rata nhiptede hã te za õne u'â te te 're upari. Duré te za ĩnhiptede hã te te 're siptete u'âsi.

Zuwã 3:34

Ti'ra we te te satõrĩ wamhã, ma tô Tipẽ'ẽzani hã tãma tisõ, iré 're morĩ u'âsi da. Tahawa, te Timama nhimiroti si te te dama 're wasu'u.

Zezusihi zadawa wasuꞌuꞌwa norĩ nhimiromhuri na robꞌuiꞌéré 13:22

Tawamhã te te oto 're da'uwati mono tõ da, ma tô waze, 'Re ihâimana u'âsi mono hã. Isa'u hã ma tô Dawi hã dama hâiba nho, da'uwati'wa da oto. Ta hã ma tô duré wẽsã oto. Ãne te te iwẽsãmrizé hã: “Dawi hã Zéséhé 'ra ĩma wẽ di. Ĩnhimiroti te te ãma uwaimrami da, te za te te 're ĩwapari u'âsi.” Ãne ma tô Dawi hã wẽsã, 'Re ihâimana u'âsi mono hã.

Hebreu 1:9

Uburé marĩ iwẽ hã da te 're i'manharĩ za'ra mono si, aima wẽ uptabi di. Duré uburé marĩ iwasédé hã da te 're i'manharĩ za'ra mono si, ma tô da'ãma 're i'a'ruiwapari mo. Tahawa, wa hã 'Re ihâimana u'âsi mono, Asib'apito hã wa tô aipisutu, uburé asiré 're ihâimana za'ra mono norĩ nhipai u, aipire na tãma 're aihâimana za'ra mono da, duré ãne zarina ãma 're atoi u'âsi mono da.”

Hebreu 11:32

Ãne na 'Re ihâimana u'âsi mono si, da te dasina 're i'umnhasi za'ra mono zém na, ahâ uptabi na te ãma aima rob'rãzarõtõ za'ra wa'aba neza. Ãhã wamhã, ĩnhimirob'rãzarõno hã te aré sina tipahâ. E marĩ wa. Ahâ uptabi wa. Ahâ uptabi di tô, 'Re ihâimana u'âsi mono te te sina 're i'umnhasi za'ra mono norĩ hã, zahadu te ãma aima irowasu'u za'ra wa'aba õ hã: Gidiã hã, duré Baraqui, duré Sãsã, duré Zepté, duré Dawi, duré Samuéu, duré aimawi norĩ hã uburé 'Re ihâimana u'âsi mono zadawa 'mahârâ 'rata 'wa 're ihâimana za'ra mono norĩ hã.

Zuize 11:29

Tawamhã Uburé Danhib'apito pẽ'ẽzani, ma tô Zéptéhé wamhã ãzé. Tahawa Ziliadi ti'a wa'waibaba duré Manasé ti'a wa'waibaba ma tô ro'razâ. Tahawa, ma tô Ziliadi ãma Mispa u apâ sina siri. Tawamhã duré ta hawi Amo ti'ai u oto morĩ wamhã,

Zuize 13:25

Tawamhã Sãsã, Ma'ane-Dã ãma Zora na 'ri wa'õtõ nhisi norĩ wa'wamhã, Esta'o na 'ri wa'õtõ nhisi 're me 're hâimana mono ré, ma tô Uburé Danhib'apito pẽ'ẽzani iwa ihâimana na hã duré ãma sãna'rata, niha marĩ te te 're i'a'manharĩ mono zéb da hã.

Zuize 14:6

Tane nherẽ, Uburé Danhib'apito pẽ'ẽzani, Sãsã siptete na hâimana da hã, ma tô tãma tisõ. Tahawa tinhib'rata na si nherẽ, ma tô Sãsã, hu'u zérépa hã te te sinarĩ, pone'ẽrebâ zéré uzé 'ra nhi, da te 're isinarĩ mono ne. Tane nherẽ, timama norĩ ma, tina me hã te te tãma wasu'u zahuré õ di, niha na tãma iromhâimana zarina te te i'manharĩzé hã.

Zuize 3:10

Tawamhã Uburé Danhib'apito pẽ'ẽzani iwa sébré wa, ma tô Izaraéu nhihudu norĩ ma si'i'rãnho'u. Tawamhã Otonié, ma tô dasi'wapéi u watobro. Watobro wamhã, ma tô Uburé Danhib'apito hã pawapto, Mezopotãmia ãma apito na te te ai'uté da hã.

1 Samuéu 1:19

Tawamhã awẽ bâtâ na ma tô Eucana norĩ hã ti'utu za'ra awẽ wi, duré ãma wata za'ra da, Uburé Danhib'apito ãma hã. Tawamhã ma tô apâ aihutu tinhorõwa Rama u hã. Eucana tame timro Ãnahã ãma ma tô oto ãma hâimana. Tahawa, Uburé Danhib'apito hã ma tô oto wapa, te te tiwi irowaptẽrẽzém na hã.

1 Samuéu 10:1

Tawamhã Samuéu ma tô siré ti'â, simhi azeitona wa'u tob ré hã. Tawamhã iwa'u to hã ma tô sa'wa, Sauhu 'rã nhisiwi. Taha pari, ma tô tob'rata hârâ na sawi. Tawamhã te ãne tãma tinha: — Uburé Danhib'apito ma tô ai'rãti'i, asi'i'rãnho'õmo da, isib'a'uwẽ Izaraéu nhihudu norĩ ma. Duré taha wa, a hã te za 're i'ab'madâ'â mo, Izaraéu nhihudu norĩ hã. Te za duré 're i'anho'reptui mo, asitob'ru norĩ wi hã. Ãne te za 'Re ihâimana u'âsi mono te te i'aipisutu na hã da te 're waihu'u za'ra, asi'i'rãnho'õmozém na hã isib'a'uwẽ norĩ ma.

1 Samuéu 10:6

Tawamhã Uburé Danhib'apito pẽ'ẽzani hã te za aiwa ãzé. Tawamhã a zama te za oto isiré aihâimana za'ra, 'Re ihâimana u'âsi mono zadawa 'mahârâ'wa ne. Taré oto a hã aimawi uptabi za.

1 Samuéu 11:6

Tawamhã Sau ãne hã te te wapari wamhã, ma tô 'Re ihâimana u'âsi mono pẽ'ẽzani hã iwab ãzé. Tahawa, ma tô oto ab'rui pese.

1 Samuéu 16:18

Tawamhã tãma romhuri'wa ma tô ãma 'mazada'â ãne: — Wa hã ĩma waihu'u pese di, 'ri'ahâ Belẽ na isisi ãma Zésé 're isãmra mono 'ra hã. Ta hã rowamreme wẽ 'wai uptabi. Ta hã duré ipahi waihu'u õ, isiptede, duré dasi'wapéi 'manharĩ'wa iwẽ, imreme wẽ, duré ihâiba wẽ. Uburé Danhib'apito hã te duré ime 're hâimana.

1 Samuéu 18:12

Wanhib'apito te Dawihi siré 're hâimana oto. Sauhu si ma tô tirẽ. Tahawa, Sau hã Dawihi ma pahi uptabi di oto.

1 Samuéu 2:35

Tawamhã wa hã wa za duré 'maipisutu ĩte sasedoti ĩma romhuri'wa da hã, duré uburé marĩ za te te 're i'manharĩ mono da hã te ĩsima 're i'awẽ mono zéb zarina. Duré wa za wa hã õhõ ma te tãma 're sõmri za'ra isihudu hã. Ta norĩ hã te za õne u'âsi apito ma te te 're romhuri za'ra za, apito te ipisutu ma hã.