1 Samuéu 16:12 - ꞌRe Ihâimana Uꞌâsi Mono Zadawa Wasuꞌu

¹² Tawamhã Zésé ma tô oto sô da'mazatõ. Ta hã ai'repudu iwẽ, ihâiba 'madâ'â ze, duré itõmo 'madâ'â ze. Tawamhã Uburé Danhib'apito te Samuéu ma tinha ãne: — Ĩhe ta hã. Ma'ãpé 'rãti'i.

1 Samuéu 16:12 ပူးပေါင်းရင်းမြစ်များ

Zenezi 39:6

Tahawa Potifa, Zuzéhé nhib'rata ma tô uburé tinhimarĩ te te tãma 're ab'madâ'â mono da hã tãma sa'ré za'ra. Ãhã wa, te hâtâ'â ãna sima iwẽ na 're hâimana. Duré ãhã wa, ma tô tisazéb zô si sima te te oto 're rosa'rata. Zuzé aibâ iwẽ na ihâiba, duré i'madâ'â ze na ihâiba.

Salmu 2:2

Ti'ai ãma isib'apito norĩ hã, duré dama i'rãnho'õmo norĩ hã te Uburé Danhib'apito zada te te sima 're rowa'õtõ za'ra, duré za apito te te ipisutu da zama.

Salmu 2:6

Tawamhã te ãne tinha: “Apito da, te ipisudu hã wa tô dasimasisizé ipire na hã tisã, Siã ẽtẽ 'rãihâ nhisi ĩte iwazéb zahi ãmamhã.”

Salmu 78:70

Tawamhã 'Re ihâimana u'âsi mono, ma tô Dawi tãma 're iromhuri mono 'wa hã pisutu. Ma tô pone'ẽrebâ 'wawi wa'ra hawimhã waze,

Ezodu 2:2

Tawamhã pi'õ wasã wamhã, ma tô i'ra hã tãma podo. Tahawa, ina 'watébrémi na te te 'madâ'â wamhã, iwẽ uptabi, i'madâ'â ze. Tahawa ma tô si'ubdatõ a'amoi 'remhã dawi simi'u.

Zezusihi zadawa wasuꞌuꞌwa norĩ nhimiromhuri na robꞌuiꞌéré 4:27

— Ãhã na, tô sena Zeruzalẽ ãma ma tô tasi'rã'õtõ ni, aima romhuri wẽ 'wa zada, Zezusihi zada, Danho'reptui'wa da ipisutu zada. Erodi norĩ hã ma tô sitẽme ubumro, Põsiu Pilatuhu me. Ta norĩ hã zudeu'õ norĩ me duré Izaraéu nhihudu norĩ me, ma tô sada si'rã'õtõ, te te siwi wĩrĩ da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:20

Taha ré, ma tô Mozési hã podo, ai'utépré iwẽ uptabi hã. A'amo si'ubdatõ ma tô ãma ai'utõ, imama norĩ te te i'madâ'â zahuré zém na hã, 'ri para.

Hebreu 11:23

Duré Mozésihi mama norĩ hã, 'Re ihâimana u'âsi mono si te te sina 're i'umnhasi zahuré mono zéb zarina, ma tô dawi simi'uri zahuré Mozési hã, 'watébrémi na tãma poto zahuré wa. Duré tãma 'madâ'â ze zahuré wa, tãma sawi uptabi zahuré di. Tahawa, ma tô dawi simi'uri zahuré. A'amo hã si'ubdatõ ma tô ãma ai'utõ, te te dawi isimi'uri zahuré zém na hã. Apito ma, ta norĩ hã pahi zahuré õ di, 'watébrémi na 're ipoto za'ra mono norĩ hã, te te dama 're a'rui mono nherẽ. Ãne ma tô 'manharĩ zahuré Mozésihi mama norĩ hã, 'Re ihâimana u'âsi mono si te te sina 're i'umnhasi zahuré mono zéb zarina.

1 Samuéu 16:18

Tawamhã tãma romhuri'wa ma tô ãma 'mazada'â ãne: — Wa hã ĩma waihu'u pese di, 'ri'ahâ Belẽ na isisi ãma Zésé 're isãmra mono 'ra hã. Ta hã rowamreme wẽ 'wai uptabi. Ta hã duré ipahi waihu'u õ, isiptede, duré dasi'wapéi 'manharĩ'wa iwẽ, imreme wẽ, duré ihâiba wẽ. Uburé Danhib'apito hã te duré ime 're hâimana.

1 Samuéu 17:55

Dawi, Gulia na aibâ 'rãihâ nhisi te te 'wapéi pari iwatobrozém na Sau hã te te 'madâ'â wamhã, ma tô Abine dasi'wapéi 'manharĩ 'madâ'â'wa hã ãma sadanha ãne: — Abine, e 'wa hã õ hã ai'repudu. Tawamhã Abine ma ãma tãma wa'rã ãne: — Me, te waihu'u õ di. Sena na 're i'aihâimana mono ne hã wa tô duré sena aima wasu'u.

1 Samuéu 9:17

Tawamhã Samuéu, Sau te te 'madâ'â wamhã, ma tô Uburé Danhib'apito hã tãma tinha ãne: — Õ hã aibâ na wa aima tinha. Õ hã te za ĩnhib'a'uwẽ norĩ ma si'ĩ'rãnho'u.