1 Samuéu 16:11 - ꞌRe Ihâimana Uꞌâsi Mono Zadawa Wasuꞌu

¹¹ Tahawa, te Zésé sadanha ãne: — E aimawi hã ai'ra 'maihâimana õ di duré. Tawamhã Zésé ma ãma sada'â ãne: — Iré hã danhobabati hã. Tane nherẽ, a'ubuni wi te ta hã pone'ẽrebâ hã te te 're ab'madâ'â. Tawamhã te Samuéu tãma tinha, ãne: — Ma'ãpé sô da'mazatõrĩ, we da te saprõni da. We wisi õ nherẽ, wasaihuri da, a'â wasi'ubumroi õ di za.

1 Samuéu 16:11 ပူးပေါင်းရင်းမြစ်များ

Ezodu 3:1

Tawamhã Mozési te oto pone'ẽrebâ te te 're a'madâ'â, timaprebaba ma, Zetru sasedoti Midiã na romnhisi ãma 're isãmra mono ma. Tawamhã nimahã bâtâ na ma tô pone'ẽrebâ te te simro, ti'a zada'ré amoi u, rop si 're irosa'wari mono wa'wai baba. Taha wamhã, ẽtẽ 'rãihâ iwazéb zahi, Sina'i na isisi na 're ihâimana mono u ma tô oto wi.

1 Samuéu 16:10

Ãne ma tô Zésé hã ti'ra 7 na ihâiba za'ra norĩ hã te te nasi anhimro, Samuéu u hã. Tahawa, te Zéséhé ma tinha ãne: — Ã norĩ hã te te 'maipisutu õ di, Wanhib'apito 'Re ihâimana u'âsi mono hã.

1 Samuéu 17:28

Tawamhã Eliabe dadub'rada ipoto'rada hã ma tô wapa dasi'wapéi 'manharĩ'wa norĩ te te sadanharĩ za'ra ré hã. Tahawa, ma tô tinhobabati da hã ab'ru. Tahawa, te ãne tãma tinha: — E marĩ te ãmemhã i'manha. E 'wa hã te duré asô 'madâ'â za'ra, pone'ẽrebâ norĩ, a'ubuni wi hã. A hã ma tô we aimo, dasi'wapé taré 'madâ'â da si!