1 Samuéu 15:7 - ꞌRe Ihâimana Uꞌâsi Mono Zadawa Wasuꞌu

⁷ Tawamhã Sau te te 'wapé za'ra wamhã, ma tô ãma ai'uté za'ra amalequita norĩ ãma hã Havira na romnhisi hawi Su na romnhisi u hã, Ezitu niwĩ bâtâ pusizém niwĩb u hã.

1 Samuéu 15:7 ပူးပေါင်းရင်းမြစ်များ

Zenezi 16:7

Tawamhã a'ubuni wi rop si 're irosa'wari mono ãma, Su na romnhisi u bâdâdi inomro 'rata ub're ihâimana ãma sãmra ré, ma tô Uburé Danhib'apito ma, hâiwa ãma romhuri'wa sô 're irĩtĩ mono hã tisã.

Zenezi 2:11

Imorĩ'rata nhisi hã Pisõ na, Havira na romnhisi ãma tipraba na te te 're isa'oto mono hã, ẽtẽ waipo pré oru 're ihâimana za'ra mono zéb ãma hã.

Zenezi 25:18

Tawamhã Ismaeu nhihudu norĩ, ma tô Havira na romnhisi norĩ wa'wamhã, Su na duré romnhisi wa'wa 're hâimana za'ra, Ezitu bâtâ pusizém niwĩmhã, Asiria nho'õmoi baba bâdâdi ihâimana niwĩ. Ta norĩ hã ma tô romhâ na Abra'ãhã nhihudu norĩ amo nhiti hã 're hâimana za'ra.

Ezodu 15:22

Taha pari Mozési, Âpré na â nhisi hawi Su na rop si 're irosa'wari mono nhisi u ma tô Izaraéu nhihudu norĩ hã te te oto simro. Tahawa, supara 'ré si ro 're isa'wari mono na si'ubdatõ bâtâ na si'aba'ré nherẽ, â hã te te siwi 'masãmri waihu'u õ di.

1 Samuéu 14:48

Sau hã pẽ'ẽwara ãna te te a'wapéi wa, ma tô duré ãma ai'uté za'ra amalequita norĩ ãma hã. Tawamhã 're si'wapé za'ra mono sidâpâsi ma tô õne u'â Izaraéu nhihudu norĩ 'wawimhã 're simapa u'âsi.

1 Samuéu 27:8

Tawamhã Dawi, tite aibâ norĩ me, daza'rui wa duréi a'uwẽ 're ihâimana za'ra mono norĩ te te 're i'wapé za'ra mono na hã ma tô ãma romhõsi za'ra, a'uwẽ Gezuri na iwamri norĩ na hã, a'uwẽ Zirzi na iwamri norĩ na hã, duré a'uwẽ amalequita na iwamri norĩ na hã. Tahawa, ma tô isipti'a za'ra 'remhã te te 'wapé za'ra, Su na rowamri hawi, Ezitu u.

1 Samuéu 30:1

Tawamhã maparane bâdâ ãma neb za'ra pari, ma tô Dawi norĩ hã 'ri'ahâ Zicradi na ite za'ra nhisi u hã aihutu. Dawi hã 'ri'ahâ nhiti 're hâimana mono ré, ma tô amalequita norĩ, Zuda u hã asisi, hâiwa nhimi'e niwĩmhã. Tahawa, ma tô 'ri'ahâ Zicradi ãma, 're idahâimana za'ra mono norĩ hã 'wapé za'ra. Tawamhã ma tô 'ri'ahâ ãma hã te te sazu za'ra.