1 Samuéu 15:6 - ꞌRe Ihâimana Uꞌâsi Mono Zadawa Wasuꞌu

⁶ Tahawa, Sau ma tô po're pu'u siromo za'ra queneu norĩ hã ãne: — Ma'ãpé aiwairébé aba, amalequita norĩ hawimhã, isu wa hã te ai'uprosi aba tõ da. E marĩ wa. A norĩ wa'wa hã Izaraéu nhihudu norĩ Ezitu hawi we wairébé wamhã, ma tô tãma i'manharĩ wẽ za'ra wa'wa iwẽ hã. Tawamhã ãne te te po're pu'u za'ra wa, ma tô wairé, queneu norĩ hã.

1 Samuéu 15:6 ပူးပေါင်းရင်းမြစ်များ

Zenezi 15:19

queneu norĩ nhipti'a hã, quenezeu norĩ nhipti'a hã, cadimoneu norĩ nhipti'a hã,

Zenezi 18:25

'Re idanomro wasété mono zu, dawẽ na 're idahâimana za'ra mono i'uprosi da hã te ãma rosa'rata waihu'u õ di, dasine tiwasédé te te 're 'manharĩ za'ra mono õ nherẽ. Asimirob'manharĩzéb uwaibaba õ di, ãne hã. E marĩ wa. A hã uburé pese da'ãma 're irowairébé mono 'wa te 're aihâimana mo. Tahawa te za i'uwaibaba na si niha na dama 're i'ab'manharĩ mo.

Ezodu 18:19

Awa'awi na hã te za ĩwapa, aima ĩnhimirotizém na hã. Tawamhã 'Re ihâimana u'âsi mono si te za aipawapto za! A hã danhib'ihâ'a na te tô rob'uwaibaba na si 'Re ihâimana u'âsi mono nho'remhã 're aihâimana mo. Te duré tô rob'uwaibaba na si niha hã date romreme mono hã tãma 're i'a'wapéi mo.

Provébiu 9:6

Ma'ãpé, rẽme pese za'ra wa'aba, isimiza'rese'õ norĩ hã, rowẽ na 're i'aihâimana za'ra wa'aba mono zé hã asina uwaimrami za'ra wa'aba da. Da'rãi waihu'u wẽ na 're idanomro mono zém na bâdâdi na si 're anomro aba mono.”

Zezusihi zadawa wasuꞌuꞌwa norĩ nhimiromhuri na robꞌuiꞌéré 2:40

— Tahawa, wasiré Izaraéu nhihudu norĩ 're ihâimana wasété za'ra mono zém na 're aihâimana za'ra wa'aba mono õ di za. Ãhã na tiwi aipizari za'ra wa'aba, 're idanomro wẽ mono zém niwĩ oto 're anomro aba mono da, asisõ'reptu za'ra wa'aba da, 'Re ihâimana u'âsi mono hã te te dasiré aiwẽ'õ pese za'ra wa'aba tõ da.

2 Corĩtu 6:17

Ãne duré Danhib'apito mreme na rob'ui'éré wasu'u amo hã: “Dapo're ãna 're idanomro mono norĩ hã, te za oto asiwi 're irẽme za'ra wa'aba mo, ta norĩ hâimana wasété zém nhiti, 're aihâimana za'ra wa'aba mono da oto. Dapo're'õ norĩ hã uburé marĩ hã te te siwi 're i'manharĩ wasété za'ra mono zé hã, tiwi 're upi zahu za'ra wa'aba mono õ di za oto. Tawapsi, wa za oto ĩsitẽme te 're aiwaibui wẽ wa'wa.

2 Timotiu 1:16

Onesifuruhu si ma tô tinhimipawaptobzém na nasi ĩma rowẽ zani. Tahawa, wa ĩsima wẽ, Wanhib'apito hã Onesifuru norĩ hã, duré isõrõwa ãma isiré 're ihâimana za'ra mono norĩ zama, iwẽ na te te 're apawapto mono da. Ta hã ĩma 're sisé mono õ di, ĩwasu'u na hã. Tahawa, Roma u wei wisi wamhã, ma tô te te ĩzô aba, te te ĩnhopẽtẽ da.

Apocalipsi 18:14

Tawamhã rowede'wa norĩ hã te za 'ri nho'õmo ma nharĩ za'ra, ãne: — Uburé pese marĩ iwẽ hã sô 're irob'ruiwapari za'ra wa'aba mono hã ma si'utõrĩ. Uburé asibro hã ma tô isimini pese za'ra wa'wa. Oto sõpẽtẽ zahu za'ra wa'aba õ di za.

Zuize 1:16

Tawamhã queneu norĩ siré Mozésihi maprebaba nhihudu norĩ hã ma tô Zudaha nhihudu norĩ siré wairé, 'rinho'u Zerico norõwede ahâ na iwa 're isimasa mono hawimhã, Zuda na rop si 're irosa'wari mono nhisi u, si'aba'ré da, Arade hâiwa nhimire niwĩb u. Tawamhã tame ma tô amalequita norĩ wa'wamhã 're si'ubumro.

Zuize 4:11

Tahawa, queneu Hébé, tisiré norĩ wi ma tô ãma aipo'o za'ra, Mozésihi ãrewa Hobabehe nhihudu norĩ na hã. Ta hã ma tô romhâ 'manharĩ na 'ri hã sima sõré, Za'anani na romnhisi ãma carvariu na wede nhisi 'rata, Quedesi 'rata 're ihâimana mono ãma.

Zuize 5:24

Pi'õ Zaéu, Hébé queneu mro ma hã tãma rowẽ uptabi di, uburé pi'õ norĩ tisiré nhipai u. Taha ma hã irowẽ uptabi tô, romhâ 'manharĩ na 'ri 're, uburé pi'õ norĩ 're ihâimana za'ra mono nhipai u hã.

1 Samuéu 15:5

Tawamhã Sau norĩ hã ma tô ai'aba'ré, tite dasi'wapéi 'manharĩ'wa norĩ me, 'ri'ahâ Amalequi na isisi u. Tame te dazô sima'uri sina pa're 'ré wa mapari za'ra.

1 Samuéu 27:10

ma tô Aqui hã te te 're sadanharĩ ãne: — E ma hã ma tô i'a'wapé ã bâtâ na hã. Tawamhã Dawi hã ma tô te te ãma 're sada'âbâ Zuda ti'a niwĩ hâiwa nhimi'e niwĩmhã ro 're ihâimana mono ãma te te 're ida'a'wapéi mono na hã, niha wamhã zerameu na a'uwẽ wamri norĩ ãma hã, niha wamhã duré queneu norĩ nhipti'ai ãma hã.

1 Samuéu 30:29

Raca'u, Horma, Borasã, Atasi, duré Hebrõ. Duré 'ri'ahâ zerameu norĩ 're ihâimana za'ra mono zéb u zama ma tô duré sõmri za'ra tinhoprubzé hã, duré queneu norĩ u zama, uburé daza'ru na Dawi hã tisiré aibâ norĩ ré, 're imorĩ u hã.