1 Samuéu 15:35 - ꞌRe Ihâimana Uꞌâsi Mono Zadawa Wasuꞌu

³⁵ Tawamhã niwamhã Samuéu te te oto 'madâ'â na sitéb õ di Sau hã. Tane nherẽ, ma tô ipẽ hã ãma wĩrĩ pese. Duré Uburé Danhib'apito wi hã ma tô tiwi tirobzei'õ, Izaraéu nhihudu norĩ nhib'ihâ'a da, marĩ da Sau hã te te sẽrẽ wa.

1 Samuéu 15:35 ပူးပေါင်းရင်းမြစ်များ

Zenezi 6:6

Tahawa a'uwẽ te te 're 'manharĩ za'ra mono wa, ma tô 'Re ihâimana u'âsi mono wi hã tiwi tirobzei'õ pese. Duré pẽ'ẽ pire na 're hâimana mono wa,

Salmu 119:136

Ĩtõmo'u te panho'õmo ne ĩwi 're praba, asimiroti da te dasiwi 're 'madâ'â pese mono õ wa.

Filipu 3:18

Ni'wam norĩ hã ahâ na Cristuhu zazei'wa 're hâimana za'ra mono newa, te tihâimana wasété zarina, Cristu hã wedepo'o nhonhi'rãmi na dazada idâ'âzé wasu'u da, 're hâimana za'ra. Ã norĩ wasu'u na hã ahâ na wa tô te ãma aima 're rowasu'u za'ra wa'wa. Tane nherẽ, ãhã na wa duré aima ãma sahu za'ra wa'wa, ĩwawa sina te ãma aima rowasu'u za'ra wa'aba nherẽ, rob'ui'éré na hã.

1 Samuéu 15:11

— Sau hã, ma tô ĩrẽ. Duré te tãma iwaihu'uzé hã ma tô ĩmreme rẽ. Tahawa, ma tô ĩwi tirobzei'õ wa hã apito te te i'manharĩzé zabâdâmhã. Tawamhã ãne te te tãma waihu'u wa, ma tô Samuéu wi hã tirobzei'õ duré. Tahawa, mara bâre ma tô mreme 'rãihâ na Sauhu ãma hã mre, Uburé Danhib'apito ma.

1 Samuéu 16:1

Tawamhã Uburé Danhib'apito te Samuéu ma tinha ãne: — E momo te za Sauhu ãma aipẽ'ẽzézé hã i'rãsu. Wa hã te ĩsima wẽ zahu õ di, Izaraéu nhihudu norĩ nhib'apito na 're ihâimana mono da hã. Tahawa, ma'ãpé azeitona 'rãi wa'u hã 'masisi abazei õmo 're, asiré âri da. Taha parimhã te za aimo, Belẽ na 'ri'ahâ nhisi u aibâ Zésé na isisi nhorõwa u. E marĩ wa. Wa hã i'ra norĩ wa tô 'maipisutu, i'masi'apito da hã.

1 Samuéu 19:24

Tahawa, oto wisi wamhã, ma tô ti'uzazé hã waze. Tawamhã Samuéu nho'a 'Re ihâimana u'âsi mono mreme na te duré dama rowasu'u. Tawamhã ma tô ai'uréiwi ti'ai wamhã nomro, bâtâ wahuré na, duré mara wahuré na. Tahawa ãne, da te dasima inharĩ za'ra zé hã, ma tô tihâiba: “Pra! E Sauhu zama ma tô 'Re ihâimana u'âsi mono mreme na rowasu'u 'wai u hã aipi'ra.”