1 Samuéu 15:3 - ꞌRe Ihâimana Uꞌâsi Mono Zadawa Wasuꞌu

³ Tahawa, te za aimo ãhã na hã, amalequita norĩ a'wapé da. Te za uburé pese isimarĩ za'ra marĩ hã tiwi i'a'upro za, ãma aipẽ'ẽzé za'ra ãna, duré ãma aiwamri za'ra ãna. Uburé pese te za i'upro za aibâ norĩ hã, pi'õ norĩ, ai'uté norĩ, ai'utépré norĩ, powawẽ norĩ, pone'ẽrebâ norĩ, awaru ba'õmore norĩ hã, duré awaru po'repore norĩ zama.

1 Samuéu 15:3 ပူးပေါင်းရင်းမြစ်များ

Zenezi 36:12

Elifasi, Ezauhu 'ra ma, imro prã Timna na isisi 're ihâimana mono hã, ma tô i'ra tãma 'maipodo isisi hã Amalequi na. Ta norĩ hã Ezauhu mro Adaha nhihudu norĩ.

Ezodu 17:14

Tahawa, Uburé Danhib'apito Mozésihi ma, te tinha ãne: — Da'ãma i'ai'uté za'ra wa'aba zém na hã ma'ãpé ãma romnhihâtâ, ãma 're i'asipo're pu'u u'âsi za'ra wa'aba mono zéb da hã. Duré Zozuéhé ma, ĩzadawa wasu'u na, wa hã wa za amalequita norĩ hã uprosi za.

Ezodu 20:5

Romhâiba nho're aihi'rãtitõ tãma 're asimroi wa'aba mono tõ. Ãma 're aiwata za'ra wa'aba mono tõ. E marĩ wa. Wa hã Uburé Danhib'apito, ate wa'wa 'Re ihâimana u'âsi mono. Ĩ'upana aimawi ihâiba'õ norĩ ãma dawata da hã ĩma 'ru ti. Ĩzada 're isiti'rui wairébé za'ra mono norĩ hã, wa te te 're hâ za'ra, isihudu 'ra norĩ hã, duré isihudu 'ra i'ra norĩ u zama, maparane si'uiwa na dapodo ihâimana u hã.

Zozué 10:39

Tawamhã ma tô duré 'ri nho'u siwi ti'â, isib'apito zama, duré uburé iwaptoma 'ri nho'õmo norĩ zama. Tawamhã ta norĩ 'ri nho'õmo mono 're, 're idahâimana za'ra mono norĩ hã ma tô uburé siwi uprosi. Ãne ma tô Zozué, Débihi ma hã 'manha, duré ite apito ma hã, Hebrõ ma te te i'manharĩ ne hã, duré Libna ãma apito norĩ ma te te i'manharĩ za'ra ne hã.

1 Samuéu 14:48

Sau hã pẽ'ẽwara ãna te te a'wapéi wa, ma tô duré ãma ai'uté za'ra amalequita norĩ ãma hã. Tawamhã 're si'wapé za'ra mono sidâpâsi ma tô õne u'â Izaraéu nhihudu norĩ 'wawimhã 're simapa u'âsi.

1 Samuéu 15:18

Ma tô duré aima ti'ru, amalequita norĩ uprosi da hã, a'uwẽ iwasédé hã. Duré ma tô aima hâiba 'ru za'ra 'wapé za'ra da hã uburé i'uprosi pese zéb u.

1 Samuéu 15:9

Sau tite dasi'wapéi 'manharĩ'wa norĩ me hã te te siwi wĩrĩ õ di, apito Adadi hã. Duré pone'ẽrebâ iwẽ norĩ zama te te siwi simroi õ di, duré powawẽ iba'u iwẽ norĩ hã, powawẽ zapu iwẽ norĩ hã, pone'ẽrebâ zéré mapure si'aibâ iwẽ norĩ hã, duré uburé marĩ iwẽ norĩ hã. Marĩ iwasété norĩ si ma tô siwi uprosi pese, marĩ dai õ wa, ta hã oto.

1 Samuéu 22:19

Tawamhã Sau ma tô duré 'ru za'ra, uburé Nobi ãma 're ihâimana za'ra mono norĩ zama da te uprosi da hã, 'ri'ahâ sasedoti norĩ te ãmamhã, aibâ norĩ hã, pi'õ norĩ hã, 'watébrémi norĩ hã, ba'õtõ norĩ hã, ai'uté norĩ hã, powawẽ norĩ hã, awaru po'repore norĩ hã, duré pone'ẽrebâ norĩ hã, uburé pese si'utõrĩ pese da hã, ma tô dama ti'ru.

1 Samuéu 27:9

Tawamhã uburé aibâ norĩ hã ma tô te te siwi 're uprosi, pi'õ norĩ hã duré. Tawamhã isimizama pone'ẽrebâ zama, powawẽ zama, awaru po'repore zama, duré awaru ba'õmore zama hã ma tô te te tiwi 're waibu za'ra. Ma tô i'uza za'ra zama duré te te tiwi 're waibu za'ra. Tahawa, Dawi hã Gati u apâ 're ne mono sidâpâsi,

1 Samuéu 30:17

Tawamhã ãma awẽ wamhã, rowa'a wi ma tô Dawi hã a'wapé marazéb u. Tahawa, ni'wa hã simani õ di. 400 na aibâ ipréduptém norĩ, awaru ba'õmore te te sima ibazadâ za'ra na si, ma tô tawamhã ãma aimani za'ra.