1 Samuéu 15:29 - ꞌRe Ihâimana Uꞌâsi Mono Zadawa Wasuꞌu

²⁹ Izaraéu nhihudu norĩ nhib'apito, 'Re ihâimana u'âsi mono hã sadawa nhipese waihu'u õ di, duré te te ãma saprĩ waihu'u õ di, tinhimirosa'rata na hã. E marĩ wa. Õ hã ti'ai ãma a'uwẽ ne hãi õ di. Tahawa, tinhimirosa'rata na te te saprĩ õ di.

1 Samuéu 15:29 ပူးပေါင်းရင်းမြစ်များ

Salmu 95:11

Tahawa, ĩnhiti'ru na ĩhâimana wa, wa tô duré ãne ropisudu hã 'manha: ‘Ta norĩ hã niwamhã ti'a na ropisudu ihâimana u isisisi da hã mare di za, 're idawa'utu za'ra mono zéb da, ti'a za te isõmri u hã.’ ”

Zuéu 3:16

Uburé Danhib'apito te za Siã na sa'a nhisi ãma mreme 'rãihâ na tinha, tãirãrã'ã ne. Zeruzalẽ hawi te za mreme 'rãihâ na mreme watobro. Tawamhã, hâiwa norĩ ti'ai me te za tipopo'o zahuré. Tane nherẽ, te za tinhib'a'uwẽ Izaraéu nhihudu norĩ 'wawimhã aimapa, 'Re ihâimana u'âsi mono hã.

2 Corĩtu 12:9

Tane nherẽ, ãne si ma tô nasi ĩma waihu'u asa, te tiwi rowaptẽrẽ wamhã: “Te ai'ãma sizâri õ di za. Ĩnhimizawi pese zéb zarina si, te za 're aihâimana mo. Asi'uihâ na marĩ da hã, asib'uware na 're aihâimana mono nherẽ, te za asiptete sina ĩ'ãma 're aihâimana mo, ĩnhimipawaptobzéb zarina.” Ãne si, ma tô nasi ĩma waihu'u na wa'rã asa, Wanhib'apito hã. Tahawa, ĩsi'uihâ na marĩ da hã, ĩnhib'uware na 're ĩhâimana mono zém na si, wa za tô ĩto sina aima ĩsiwasu'u za'ra wa'wa, taha wa'rãmi Cristuhu nhiptetezéb ré si, 're ĩhâimana u'âsi mono da.

Filipu 4:13

Ãne hã niha ĩma 're romhâimana mono nherẽ, wa sada 're ĩnhiptete mono. E marĩ wa. Cristu hã ĩnhiptetezé te te ĩma sada 're anhomri u'âsi mono wa.

2 Timotiu 2:13

Wa norĩ hã Cristu hã wa te 're saze za'ra mono nherẽ, tiwi 're wasipizari za'ra mono nherẽ, te tô wama umnhasi u'âsi na 're hâimana, marĩ na te te taré dama ãma 're aropisutu mono õ wa.”

Titu 1:2

'Re ihâimana u'âsi mono hã sadawa nhipese õ di. Marĩ te te apoto mono õ ré, ma tô tizazei'wa norĩ ãma sima roti siro, rowẽ isi'utõrĩ'õ ãma i'rata 're hâimana u'âsi za'ra mono da. Taha zô si, wa wasina 're wanhimipari u'âsi za'ra.

Hebreu 6:18

'Re ihâimana u'âsi mono hã sadawa nhipese waihu'u õ di. Tahawa, te te dama iropisutuzé hã te te ãma saprĩ waihu'u õ di. Tinhisi pire na te te dama iropisutuzém na hã te te ãma saprĩ waihu'u õ di duré. Tahawa, wa norĩ hã 'Re ihâimana u'âsi mono, wa'ãma 're sisaprĩ za'ra mono da, itẽme 're iwasisa'rei mono norĩ hã wa za oto wato sina 're wahâimana za'ra, iwẽ uptabi zô wasina 're iwanhimipari u'âsi za'ra mono zé hã, wanhiptete sina wa te wasima 're tété u'âsi za'ra mono da, 'Re ihâimana u'âsi mono te te wama ipisutu za'ra zé hã.