1 Samuéu 15:28 - ꞌRe Ihâimana Uꞌâsi Mono Zadawa Wasuꞌu

²⁸ Tawamhã Samuéu te duré tinha ãne: — Ã bâtâ na ma tô 'Re ihâimana u'âsi mono hã aiwi hâiwazu, Izaraéu nhihudu norĩ 'madâ'âzé hã. Tahawa, ma tô oto tisõ, asipai u iwẽ ma, Izaraéu nhihudu norĩ nhib'ihâ'a da ma.

1 Samuéu 15:28 ပူးပေါင်းရင်းမြစ်များ

Daniéu 4:17

à hã ma tô hâiwa ãma romhuri'wa, sõtõ ãna 're isõpré u'âsi mono norĩ hã siwi ãma rowairébé, uburé danhipai u isiptede 'Re ihâimana u'âsi mono, daro mono bâ uburé da'rãnho'õmo nhimi'madâ'âzém nhipai u siptete na te te 're ida'a'madâ'â mono na, da te ãma waihu'u za'ra da hã. Ta hã te za da'rãnho'õmo na da'madâ'âzéb da hã, te te sima 're ida'awẽ mono zéb zarina te te dama 're apisutu, dama wapu na ni'wa 're hâimana mono nherẽ, oto dama pire da.’ ”

Daniéu 4:32

A'uwẽ na 're idahâimana za'ra mono zém hawimhã te za aiwazere ni oto, abaze norĩ siré 're aihâimana mono da, du hã 're 'masi mono da, powawẽ te te 're ihuri mono ne. Ãne na 're aihâimana mono ré, te za 7 na ai'ãma tiwahu. Taha parip si, te za a hã asimirosa'rata na asina isi, uburé danhipai u isiptede 'Re ihâimana u'âsi mono, daro mono bâ uburé da'rãnho'õmo norĩ nhimi'madâ'âzém nhipai u siptete na te te 're ida'a'madâ'â mono na hã, duré da'rãnho'õmo norĩ nhimi'madâ'âzéb da, te te sima iwẽzéb zarina te te dama 're i'apisutu mono na hã.

Zuwã 19:11

Tawamhã Zezusi asa te tãma tinha, ãne: — 'Re ihâimana u'âsi mono, ma tô aipisutu, ĩma aipire da. Ĩma aipire da, te te aipisutu õ 'wa'âhã, aré ĩma aipire õ di. Tawamhã ĩma aipire da, te te aipisutu nherẽ, ĩ'ãma asimiroti wasété wamhã, tãma aiwẽ õ di za, aiwasédé hã ĩ'ãma 'manharĩ wa. Tane nherẽ, aibâ hã si'uihâ na te te aima ĩhâiba nhomri hã aiwasété nhipai u wasété uptabi di, ta hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 13:22

Tawamhã te te oto 're da'uwati mono tõ da, ma tô waze, 'Re ihâimana u'âsi mono hã. Isa'u hã ma tô Dawi hã dama hâiba nho, da'uwati'wa da oto. Ta hã ma tô duré wẽsã oto. Ãne te te iwẽsãmrizé hã: “Dawi hã Zéséhé 'ra ĩma wẽ di. Ĩnhimiroti te te ãma uwaimrami da, te za te te 're ĩwapari u'âsi.” Ãne ma tô Dawi hã wẽsã, 'Re ihâimana u'âsi mono hã.

Roma 13:1

Ti'ai ãma dama ipire norĩ hã, roti'wa norĩ hã si'uihâ na 're sipisutu za'ra mono õ di, dama 're si'apito za'ra mono da hã. 'Re ihâimana u'âsi mono te te 're i'apisutu mono zarina si, te dama 're hâimana za'ra uburé. Tahawa, te za uburé aihĩni 're iwapari pese za'ra wa'aba mo, isimiroti hã.

1 Samuéu 13:14

Tazahã, ãhã na a hã dama i'rãnho'õmo na 're aihâimana mono na ãma uzusi õ di za. E marĩ wa. A hã wapari õ wa, Wanhib'apito te te aima i'ruzé hã. Tahawa, te za aibâ zô, rĩtĩ te te 'mazabu da, te te sima iwẽzéb zarina te te pisutu da Izaraéu nhihudu norĩ ma isi'apito da hã.

1 Samuéu 16:12

Tawamhã Zésé ma tô oto sô da'mazatõ. Ta hã ai'repudu iwẽ, ihâiba 'madâ'â ze, duré itõmo 'madâ'â ze. Tawamhã Uburé Danhib'apito te Samuéu ma tinha ãne: — Ĩhe ta hã. Ma'ãpé 'rãti'i.

1 Samuéu 18:8

Tawamhã ãne hã te te wapari wamhã, Sauhu ma te te rowẽ õ di. Tahawa, ma tô iwa aimei pese. Iwa simei pese wa, te tawamhã tinha ãne: — Pi'õ norĩ ma tô ĩ'ãma tinho're za'ra miu na te ida'uprosi na hã. Tane nherẽ, Dawihi ãma ma tô ĩnhipai u ãma tinho're za'ra 10 miu na te te ida'uprosi na hã. Pra! Isi'apito da si te oto tawamhã tiwi sô rowaptâ, ãhã na hã.

1 Samuéu 25:30

Wanhib'apito 'Re ihâimana u'âsi mono hã te za uburé tiha iwẽ na hã ãma aima uwaimra, te te aima iropisutuzéb zarina. Te za duré tawamhã aipisutu, Izaraéu nhihudu norĩ ma asi'apito da hã.