1 Samuéu 15:20 - ꞌRe Ihâimana Uꞌâsi Mono Zadawa Wasuꞌu

²⁰ Tawamhã Sau ma tô ãma tãma wa'rã ãne: — Tane nherẽ, wa hã wa tô te 're wapari pese, Wanhib'apito 'Re ihâimana u'âsi mono nhimiroti hã. Taha wab zama, wa tô watobro, te te ĩma iwaihu'uzéb zarina. Tawamhã wa tô we ãwisi, apito Adadi, amalequita norĩ te hã. Wa tô duré uburé uprosi, amalequita norĩ hã.

1 Samuéu 15:20 ပူးပေါင်းရင်းမြစ်များ

Mateu 19:20

Tawamhã iprédupté hã ma duré ãma sada'â apâ, tô õ hã: — Tô õhõ si, wa tô 'Re ihâimana u'âsi mono nhimiroti 'rata na rob'ui'éré hã te 're 'madâ'â pese, uburé. E marĩ, wa za duré 'manha, ãhã nhipai u hã bété.

Luca 10:29

Aibâ hã, uburé te te 're da'azawi pese mono õ di. Tahawa, te asa Zezusihi ma tinha, ãne: — E 'wam norĩ hã wa za wa te 're sawi pese za'ra.

Luca 18:11

Zasi wamhã, hâiwi te oto za, farizeu hã, rob'uiprazé arĩ ubumroi'wa nhiti. Ãne ma tô mre: “'Re ihâimana u'âsi mono, ãhã na, wa za ai'ãma ĩwata. E marĩ wa. Wa hã ĩsiré aibâ norĩ ne, ĩwasété na 're ĩmorĩ õ di. Danhibrob zô, te 're rob'ruiwapari mono õ di. Wa hã rob'uiprazém na, dawi 're ĩnhipsaihuri mono õ di. Duré pi'õ na zama, dawi 're ĩnhipsaihuri mono õ di. Tahawa, wa za duré ai'ãma ĩwata, õhõ ne, rob'uiprazé arĩ ubumroi'wa ne, 're ĩmorĩ õ wa.

Roma 10:3

'Re ihâimana u'âsi mono, dawasédé te te oto da'ãma 're i'ab'madâ'â mono õ zarina, te te 're ida'awẽsãmri mono zé hã, tãma waihu'u pese za'ra õ di. Te te 're ida'awẽsãmri mono zéb da, 'Re ihâimana u'âsi mono te te tãma 're ipisutu za'ra mono zé hã, te te 're 'madâ'â pese za'ra mono õ di, ta norĩ hã. Si'uihâ na te te sima 're ipisutu za'ra mono zéb zarina si, ma tô 'râwi sô 're si'wapé za'ra, taha na te te 're wẽsãmri za'ra mono da newa.

1 Samuéu 15:13

Tawamhã Samuéu ma tô Sau hã sõpẽtẽ. Tahawa, Sau hã te te sawi sina, te Samuéu ma tãma tinha ãne: — Samuéu, wa ĩsima wẽ Wanhib'apito 'Re ihâimana u'âsi mono si iwẽ hã te te aima 're sõmri mono da! Wa hã wa tô Wanhib'apito nhimiroti hã te 're wapari pese u'âsi.

1 Samuéu 15:3

Tahawa, te za aimo ãhã na hã, amalequita norĩ a'wapé da. Te za uburé pese isimarĩ za'ra marĩ hã tiwi i'a'upro za, ãma aipẽ'ẽzé za'ra ãna, duré ãma aiwamri za'ra ãna. Uburé pese te za i'upro za aibâ norĩ hã, pi'õ norĩ, ai'uté norĩ, ai'utépré norĩ, powawẽ norĩ, pone'ẽrebâ norĩ, awaru ba'õmore norĩ hã, duré awaru po'repore norĩ zama.

1 Samuéu 15:8

Tahawa, amalequita norĩ te apito Adadi na isisi hã ma tô ti'â te te wĩrĩ ãna. Tane nherẽ, ma tô uburé isib'a'uwẽ norĩ hã uprosi.

1 Samuéu 28:18

A hã Wanhib'apito te te aima iwaihu'uzém na hã sadawa zamarĩ õ di. Õne haré amalequita norĩ hã uprosi pese õ di, isimarĩ za'ra zama. Tahawa, ma tô Wanhib'apito hã ãhã na awa'awi na hã ãne na hã aima rob'manha.