1 Samuéu 15:16 - ꞌRe Ihâimana Uꞌâsi Mono Zadawa Wasuꞌu

¹⁶ Tawamhã Samuéu ma tô Sauhu mreme nhizâ ãne: — Ari'iwi asãmra! Wa za aima wasu'u, Wanhib'apito 'Re ihâimana u'âsi mono te te ĩma inharĩzé hã ã mara isi'utõrĩ na hã. Tawamhã Sau ma ãma sada'â ãne: — Ma'ãpé wasu'u na ĩma.

1 Samuéu 15:16 ပူးပေါင်းရင်းမြစ်များ

1 Samuéu 12:7

Aihâimana za'ra wa'aba a'â ãme. Wanhib'apito 'Re ihâimana u'âsi mono nho're, wa za ãma aipo're pu'u za'ra wa'wa, uburé marĩ te te aima 're i'ab'manharĩ za'ra wa'aba mono zém na te te i'asõ'reptu za'ra wa'aba na hã, duré aihi'rata norĩ te te isõ'reptu za'ra zém na zama.

1 Samuéu 15:15

Sau hã ma tô ãma tãma wa'rã ãne: — Ĩte dasi'wapéi 'manharĩ'wa norĩ, ta hã te te siwi iwaibu, amalequita norĩ wi. Ma tô pone'ẽrebâ iwẽ norĩ hã siwi waibu, duré powawẽ iwẽ norĩ hã, ate 'Re ihâimana u'âsi mono ma ãma tãma iwanhoprub za'ra zéb da hã. Isi'atarẽme norĩ hã wa tô uburé pese wasiwi uprosi ni.

1 Samuéu 15:17

Tawamhã Samuéu te tãma tinha ãne: — Oro a hã Izaraéu nhihudu norĩ nhib'ihâ'a na aihâimana za hã te taré ne hã asi'ãma irosa'ra. Tane nherẽ, a hã Wanhib'apito 'Re ihâimana u'âsi mono hã ma tô ai'rãti'i, Izaraéu nhihudu norĩ nhib'apito na 're aihâimana mono da.

1 Samuéu 9:27

Tawamhã 'ri nho'õmo hawi 're idawairébé mono zéb u oto simasisi wamhã, ma tô Samuéu hã tãma tinha ãne, Sauhu ma: — Ma'ãpé tãma rob'ru na, aima romhuri'wai ma, asõwa morĩ da. Tawamhã a hã te za ãme a'â aihâiba za isa'u. Tawamhã tãma iromhuri'wa hã ma tô isõwamhã mo. Oto morĩ za'usi, te Samuéu, Sauhu ma tinha ãne: — Wa hã 'Re ihâimana u'âsi mono mreme, te aima iwasu'u da hã te ĩma tihâiba.