1 Samuéu 15:12 - ꞌRe Ihâimana Uꞌâsi Mono Zadawa Wasuꞌu

¹² Tawamhã ma tô awẽm na Samuéu mararé uptabi watobro, sô rĩtĩ mono da, Sauhu zô. 'Ri'ahâ Carmeru na isisi u imorĩ na hã ma tô waihu'u, isiptete na ãma 're dawata za'ra mono da ẽne hâiwi te te sima isãrĩzéb u, duré taha pari, Gilga u imorĩ na hã ma tô waihu'u.

1 Samuéu 15:12 ပူးပေါင်းရင်းမြစ်များ

Zenezi 21:14

Tawamhã awẽm na ma tô Abra'ã hã robza'rã ré mararé uptabi udu. Tahawa, Agaha ma, ĩsa hã duré romhâ 'manharĩ na ub'rẽ â ré i'masi hã ma tô tãma tisõ. Taha pari 'watébrémi isisé te te tãma sãrĩ wamhã, ma tô iré satõ, oto morĩ da. Tawamhã Aga siwa'ru a'ubuni wi rop si 're irosa'wari mono niwĩ, ma tô 're mo, Beseba na 'ri wa'õtõ nhisi niwĩ.

1 Samuéu 13:12

Tahawa wa tô rosa'rata ãne: “Filisteu norĩ hã te za we ai'aba'ré ãwa, Gilga u, te te siwi ĩ'wapé da. Tane nherẽ, zahadu te pibui õ di, Wanhib'apito 'Re ihâimana u'âsi mono nhimipawaptobzéb hã.” Tawamhã wa tô oto tisã, ãma tãma ĩnhoprubzéb da hã.

1 Samuéu 13:15

Tawamhã Samuéu ma tô oto watobro Gilga hawi, morĩ da oto. Tahawa, Sau a'uwẽ norĩ siré Gilga hawimhã ma tô mo, Bẽzamihĩ nhihudu norĩ nhipti'ai 're tite dasi'wapéi 'manharĩ'wa norĩ tẽme Zibea u morĩ da. Tawamhã tame ma tô tite dasi'wapéi 'manharĩ'wa norĩ hã aza'rata. Tawamhã ma tô aibâ norĩ uburé hã watobro 600 na.

1 Samuéu 17:20

Tawamhã ãne bâtâ na awẽm na, ma tô Dawi hã oto udu mararé. Tahawa, ma tô pone'ẽrebâ norĩ hã da te sô 'madâ'â za'ra da hã dama sa'ré. Taha pari, imama Zésé te te tãma i'ru te te iduri da hã ma tô oto ti'â. Tawamhã ma tô oto wi, da te dasima i'ri nhoré za'ra zéb u hã, Izaraéu nhihudu norĩ hã, si'wapé za'ra da hã nasi hãsi mono ré wairébé mono sina isisõré pese da hã, za isi'wapé za'ra zéb u hã.

1 Samuéu 25:2

Tawamhã aibâ hã te 're hâimana, Calebihi nhihudu hã, Nabau na isisi hã, 'ri'ahâ Ma'õ hawimhã, duré Carmeru na 'ri'ahâ nhisi ãma te te 're iromhuri mono. Isib'ro pe hã, 3 miu na isimizama hâiba hã pone'ẽrebâ zéré mapure hã, duré miu na isimizama hâiba hã pone'ẽrebâ zéré uzé hã. Duré imro nhisi hã Abigaiu na. Ta hã iwẽ uptabi, duré te te irowaihu'u pe. Tane nherẽ, imro hã aibâ iwasédé. Isahi. Tahawa, te Nabau hã tihâiba, Carmeru na 'ri nho'õmo nhisi ãma te te tinhimizama pone'ẽrebâ zéré mapure azéré nhihâri da hã.

1 Samuéu 7:12

Tawamhã Samuéu hã ma tô ti'â ẽtẽ tõmo wawẽ hã. Tawamhã ma tô tihi, Mispa na 'ri nho'õmo ro wa'wa, Sẽ na daza'ru nhisi wa'wa me. Tawamhã te ãne tinha: — Ãwap si ma tô Uburé Danhib'apito hã wapawaptob za'ra. Tahawa, ma tô sisi, Ebeneze na.