Tahawa ma tô isitob'ru norĩ ma, isa'ré za'ra, te te ãma ai'uté za'ra da hã, duré te te 're iwati pese za'ra mono na tãma 're hâimana za'ra mono da hã. Tane nherẽ, te te oto 're irobzépata za'ra mono 'remhã, te te aiwi 're rowaptẽrẽ za'ra mono wamhã, ma tô duré hâiwa hawi ãma 're isada'âbâ za'ra mo. Tawamhã ãma i'aiwamri za'ẽtẽ za'ra zarina, isitob'ru norĩ hawi te te nasi sani za'ra da hã ma tô i'rãnho'õmo norĩ itẽme za'ra hã 're isatõrĩ za'ra mo.
1 Samuéu 14:45 - ꞌRe Ihâimana Uꞌâsi Mono Zadawa Wasuꞌu45 Tane nherẽ, dasi'wapéi 'manharĩ'wa norĩ hã ma tô ãma sada'âbâ za'ra ãne: — Tô'ã. Zonata idâ'â da hã mare di za. Taha nhimipawaptobzéb zarina wa tô Izaraéu nhihudu norĩ hã da'ãma ai'uté za'ra ni. Wa norĩ hã wa tô, Wanhib'apito 'Re ihâimana u'âsi mono ma hã ropisutu za'ra ni i'rãi hawimhã iséré hã da te tiwi 'matari tõ da. Ã bâtâ na marĩ hã te te i'manharĩ na hã 'Re ihâimana u'âsi mono nhimipawaptobzém na si ma tô 'manha. Ãne ma tô dasi'wapéi 'manharĩ'wa norĩ hã siwi sõ'reptu Zonata hã, idâ'âzé wi. အခန်းကိုကြည့်ပါ။ |
1 Samuéu 14:45
22 ပူးပေါင်းရင်းမြစ်များ
Ãtioquia u apâ simasisi zahuré wamhã, ma tô isazei'wa norĩ zô tihârâ zahuré, te te itẽme ubumro da. Tahawa, ma tô dama siwasu'u zahuré, 'Re ihâimana u'âsi mono nhimipawaptobzém na. Ãne te tãma rowasu'u za'ra: — 'Re ihâimana u'âsi mono, ma tô wapawapto, marĩ iwẽ hã wa te dama 're 'manharĩ mono da, iwasu'uwẽ hã wa te dama ãwisi da, zudeu'õ norĩ ma zama. Tawamhã ta norĩ zama ma tô te te 're sazei pese za'ra.
Te 're irowasu'u wẽ mono zéb zarina, duré te 're iromhuri wẽ mono zéb zarina ma tô zudeu'õ norĩ hã te te 're wapari pese za'ra, 'Re ihâimana u'âsi mono hã. E tawamhã ĩsi'uihâ na ĩwaihu'u pese na te 're i'ab'manharĩ wẽ mono na, wa za dama ĩsina 're ĩwata. Mare di. Ãne hã i'uwaibaba õ di. Cristuhu nhimipawaptobzéb zarina si, wa tô te tãma 're romhuri u'âsi za'ra, iwasu'uwẽ na hã.
Wa norĩ hã 'Re ihâimana u'âsi mono siré, wa te tãma 're iromhuri za'ra mono norĩ hã, wa za oto aima ãma roti pese za'ra wa'aba ni. 'Re ihâimana u'âsi mono, ma tô tinhimizawi pese zéb zarina, aima 're sõprub za'ra wa'wa, iwẽ na hã. Tahawa, isazei'wa na taré dama 're asiwasu'u za'ra wa'aba mono õ di za. 'Re aihâimana za'ra wa'aba mono zém na, te za asa iwa'rãmi asina tãma 're i'uwaimrami u'âsi za'ra wa'aba mo, 'Re ihâimana u'âsi mono ma hã.
Te za duré ropoto siwamnarĩ siré siwi 'wapé, Pone'ẽrebâ hã. Tane nherẽ, te za Pone'ẽrebâ hã ãma ai'uté za'ra. Ta hã Pone'ẽrebâ danhipai u Uburé Danhib'apito uptabi na 're hâimana mono wa, duré danhipai u dama pire na 're hâimana mono wa, te za ãma ai'uté za'ra. Ni'wam norĩ hã isirã zarina si 're nomro mono da, Pone'ẽrebâ te te 're i'apisutu mono norĩ hã, duré simi'ẽ na õhõ ãma si 're inomro mono norĩ hã, te za Pone'ẽrebâ siré ãma ai'uté za'ra, ropoto siwamnarĩ norĩ ãma hã.
Õ hã sĩrĩtĩ zawi õ di. Gulia simimnhasi nherẽ, ma tô tiwĩ. Tahawa, Wanhib'apito 'Re ihâimana u'âsi mono nhisi na ma tô ãma ai'uté, Izaraéu nhihudu norĩ te te anho'reptu da hã. Duré te te ãma ai'uté ré hã a hã ma tô asi'uihâ na i'madâ. Tahawa, aima rowẽ di. Ĩmama, e marĩ wa, te za bété ãne nherẽ, iwasédé hã tãma i'manha. E marĩ te te 'manharĩ bâ te za Dawi hã iwĩ.
ကြော်ငြာတွေ