1 Samuéu 14:39 - ꞌRe Ihâimana Uꞌâsi Mono Zadawa Wasuꞌu

³⁹ Ãhã na wa hã wa ropisutu, Wanhib'apito 'Re ihâimana u'âsi mono ma hã, Izaraéu nhihudu norĩ nho'reptui'wai ma hã marĩ 'manharĩ wasété 'wa hã te iwĩrĩ da hã. Tô ĩ'ra Zonata te te upai hã wamhã, wa za tô tiwĩ ta hã. Tane nherẽ, ni'wa hã te te ãma sada'âbâ õ di, ãne te te nharĩ wamhã.

1 Samuéu 14:39 ပူးပေါင်းရင်းမြစ်များ

1 Samuéu 14:24

Tawamhã tô taha bâtâ na ma tô ab'uwa za'ra Izaraéu nhihudu norĩ hã mrap te. E marĩ wa. Sau hã ropisudu te te 'manharĩ wa, ãne: “Ni'wa hã ĩnhitob'ru norĩ hâiba na te 'ruiwa'âbâ za'ra wana ré, ã bâtâ na marĩ hã te te 'rẽne wamhã, ta hã te za dârâ.” Tahawa, ni'wa hã marĩ hã te te 'rẽne õ di, bâtâ wahuré na hã.

1 Samuéu 14:40

Tawamhã Sau ma duré tãma waihu'u za'ra ãne: — Õ niwĩ uburé te za aimasa wa'wa. Tawamhã wa norĩ hã wa za ã niwĩ ĩ'ra Zonataha me wasiwaprosi aima'wara ni za. Tahawa, ma tô ãma sada'âbâ za'ra ãne: — Iwẽzéb uwaibaba, marĩ hã tô 'manharĩ.

1 Samuéu 14:44

Tawamhã Sau te tinha ãne: — Tô a hã da te aiwĩrĩ dai õ wamhã, 'Re ihâimana u'âsi mono hã te te ĩwĩrĩ tô.

1 Samuéu 19:6

Tawamhã ãne te te tãma waihu'u wa, ma tô Sau ti'ra Zonataha mreme hã saze. Tahawa, ma tô ropisutu, Uburé Danhib'apito idâ'â'õ nhisi na, Dawi hã te te wĩrĩ tõ da.

1 Samuéu 20:31

Dawi hã zahadu hâiba ré 're hâimana mono ré hã, i'asi'apito da hã mare di za a hã, ã hã ti'ai wa'õtõ nho'õmo 'remhã. Tahawa, ma'ãpé sô aimorĩ, we saprõni da ãwa. Dâ'â hâ!

1 Samuéu 22:16

Tane nherẽ, te apito Sau hã ãne tãma tinha: — Aimereti, uburé te za asisãnawã siwadi norĩ me ai'utõrĩ 'wa.

1 Samuéu 28:10

Tahawa, ma tô Sau hã Uburé Danhib'apito nhisi na ropisutu ãne: — Wanhib'apito 'Re ihâimana u'âsi mono, idâ'â'õ nhisi na wa aima ropisutu, ãne hã ĩma i'manharĩzéb zarina, za da te aima irob'manharĩ õ na hã.