1 Samuéu 14:34 - ꞌRe Ihâimana Uꞌâsi Mono Zadawa Wasuꞌu

³⁴ Tahawa, te duré Sau hã tãma rob'ru za'ra ãne: — Ma'ãpé Izaraéu nhihudu norĩ tẽme, ai'aba'réi wa'aba, tãma nharĩ za'ra wa'aba da, hâiba mono bâ we te te ĩma simroi mono da powawẽ hã, duré pone'ẽrebâ hã. Tawamhã ãmep si te za siwi simro za te te ihuri da hã. 'Re ihâimana u'âsi mono wi, tiwasédé te te 'manharĩ za'ra tõ da, romnhi hã waprui ré te te ihuri da hã mare di. Tahawa, ãne te te tãma waihu'u za'ra wa, ma tô taha mara na uburé hâiba mono bâ hã te te simro powawẽ hã, duré pone'ẽrebâ hã tame te te siwi simro da.

1 Samuéu 14:34 ပူးပေါင်းရင်းမြစ်များ

Zenezi 9:4

Tane nherẽ, romnhi waprui ré 're huri aba mono tõ da, wa aiwi sawi pese za'ra wa'wa. E marĩ wa. Dawapru na ãma 're dahâimana za'ra mono na dâ'âsina.

1 Samuéu 14:33

Ãne wa, ma tô Sau u hã 'maimo, te te tãma 'mairowasu'u da hã ãne: — Ma'ãpé 'madâ'â za'ra na! Izaraéu nhihudu norĩ hã ma tô tiwasédé hã 'Re ihâimana u'âsi mono wi hã 'manharĩ za'ra. Imorĩ'rata na abaze te te sima iwapru pu'u õ za'ra nhi hã ma tô siwi ti'rẽ, wapru pu'u õ nherẽ. Tahawa Sau, mreme 'rãihâ na ma tô tinha ãne: — E niha ma tô aiwasété za'ra wa'wa. Ẽtẽ tõmo wawẽ, we ĩma asiwi pizari aba mono ãwa.

1 Samuéu 14:35

Tawamhã Sau hã ma tô oto ẽne hã sa'ra sisiwipsi, Uburé Danhib'apito ma, ãma tãma 're idanhoprub za'ra mono zéb da hã. Ãne hã imorĩ'rata na ma tô ẽtẽ za'ra sisiwipsi hã 'manha.